АС-САЛОМ
#МАҚОЛАЛАР

АССАЛОМУ АЛАЙКУМ (араб. – сизга тинчлик, саломатлик тилайман) – мусулмонлар ўзаро учрашганда ишлатиладиган саломлашув ибораси. Салом қабул қилувчи «Ва алайкум ассалом» («Сизга ҳам тинчлик, саломатлик тилайман»), деб жавоб қайтаради. Ассалому алайкум таниган ва танимаган мусулмонларга берилади. Кичик ёшдагилар ёши улуғларга, улов минган одам пиёдага, пиёда кетаётган киши ўтирганга, озчилик кўпчиликка салом беради. Ассалому алайкум кўпчилик ҳузурига кириб ўтиришда ҳам айтилади. Ассалому алайкумни киши эшитадиган қилиб мулойим тарзда айтиш лозим. Ассалому алайкум ўзаро муомала-муносабатнинг боши бўлиб, ўзига хос илиқлик, самимият, очиқ кўнгиллилик бахш этади. Ассалому алайкумни ошкора айтиш кишилар ўртасида муҳаббат пайдо этиб, ўртадаги гина ва кудуратларни кетказади. Ўзидан катталарга ҳурмат, кичикларга шафқат юзасидан салом-алик қилиш кишиларимиз учун ахлоқий мезон бўлиб қолган. Ассалому алайкум дейиш суннат, жавоб қайтариш эса вожиб ҳисобланади. Ассалому алайкум намоз ўқиётган кишининг намози тугаганининг аломати ҳамдир, дейилади Миллий қомусимизда.

Ас салом сўзининг учта маъноси бор экан:

Саломатликка чақирувчи
Офат ва балолардан саломат.
Бандаларига жаннатда салом берувчи.
Энди ана шу уч маъно ҳақида.

Саломатликка чақирувчи
Аллоҳ – Саломдир. Бу ибора билан яратган махлуқотларига тажаллий этаркан, уларни душманлардан, қийинчиликлардан, таҳликалардан, мусибатлардан ва турли балолардан саломат чиқаради. Салом калимасининг бу маъносини қуйидагича ифодалаш мумкин:

Махлуқларини душман босқинидан қутқариб саломат чиқаради: аёнки, ҳар мавжудотнинг кўплаб душмани бор. Унинг душманлари тажовузидан қутулиб саломат қолиши Аллоҳнинг Салом исмининг шарофатдидандир.
Махлуқларга ҳаётининг давом этиши учун лозим бўлган нарсаларни бериш билан саломат чиқаради: чивинга учишга мос қанот беради, балиққа сузишга мос қанот, дарахтларга новда ва япроқлар...
Қулларини таҳликалардан қутқариш йўли билан саломат чиқаради: Масалан, Она қорнидаги чақалоқ ғоят ожиз, заиф ва ҳимоясиз... Уни ўша тор маконда буғилмоқ, оч қолмоқ, заҳарланмоқ каби таҳликалардан муҳофаза этиб дунёга саломат чиқармоқ Аллоҳнинг Салом исмининг бир шарофатидир.
Яна инсоннинг кўринмайдиган душманлари бўлган микроблар бор. Инсон танасида уларга қарши бир ҳимоя тизими қуриш йўли билан уларни хасталиклардан ҳимоя қилади ва баъзан эса ҳикматли тарзда хаста этиб, кейин шифо бериш ҳам Аллоҳнинг Салом исмининг тажаллийсидир.

Инсоннинг вужудига ҳимоя тизими қурган Аллоҳ таоло бутун оламни ҳам ҳимоя тизимлари билан таъмин этган ҳамда Салом исмининг фарқли тажаллийлари ила бизларга танитган.

Ана шулардан бири – сайёрамизнинг атрофини ўраб олган атмосфера қобиғидир. Атмосфера қобиғи осмондан тушган, тирик мавжудотлар учун зарарли бўлган бир неча таҳликага тўсиқ бўлади. Шунингдек, юз бериши муқаррар бўлган автоҳалокатдан инсон тасодиф туфайли қутулиб қолиши; тирик қолиш мумкин бўлмаган бир ҳалокатдан бир жойи тирналмасдан чиқиши; томдан учган бир шиферми, черепицанинг бошига эмас ёнига тушиши; кучли зилзилада уйнинг йиқилмай қолиши ёки йиқилган уйнинг тагидан соппа-соғ чиқиши; хатарли жарроҳлик амалиётидан омон чиқиш ва шулар каби кўринадиган-кўринмайдиган таҳликлардан саломат чиқмоқ Аллоҳнинг Салим исмининг шарофатдидандир.

Офат ва балолардан саломат
Салом исмининг иккинчи маъноси – Аллоҳнинг бутун камчиликлардан ва қусурлардан холилиги, яъни саломат эканидир. Ҳар бир махлуқ Аллоҳнинг Салом исмига гувоҳлик беради. Истасангиз, биргина чечакнинг Аллоҳнинг Салом исмига гувоҳлик берганини идрок этиб кўрамиз.

Бир гулни яратмоқ учун санъаткорда қандай сифатлар бўлиши керак?

Аввало, қудрати сўнгсиз бўлмоғи даркор. Чунки чечакни ерга кўмилган бир уруғдан осонгина чиқариб олмоқ учун катта куч талаб этилади. Ожиз бўлса уни чиқара олмайди. Унган чечак Аллоҳнинг ожизликдан саломат эканига ва сўнгсиз қудратидан гувоҳик беради;

Чечак ўстирувчи олим бўлмоғи лозим. Негаки, чечакдаги ҳикмат ва санъат фақат сўнгсиз бир илмнинг борлиги ила изоҳланади. Илло, бу чечак қуёш, ҳаво, булут, тупроққа қадар бутун олам билан алоқададир. Бу муносабатларни фақат илм соҳиби бўлган зотгина тартибга сола олади. Демак, чечак ўзидаги санъату ҳикмат ва муносабатларининг тартибли экани билан Аллоҳнинг жоҳилликдан салим эканига ва ниҳоясиз илм соҳиби эканига ишорат этади;

Чечак етиштирувчи қилаётган ишини кўрмаса бажара олмайди. Гул беқиёс гўзаллиги ва ўзида мужассамлашган мукаммал санъат ила Аллоҳнинг кўрликдан саломат эканига, ҳамма нарсани кўришига гувоҳлик беради.

Чечак йўқ эди, бор бўлди. Борлиги йўқлигидан афзал кўрилди. Демак, санъаткорда ирода сифати бор. Иродаси бўлмаган чечакни ўстира олмайди. Чечак борлигининг йўқлигидан афзал ҳисобланиши билан Аллоҳнинг иродасизликдан саломатлиги ва мутлақ ирода соҳиби эканига далолатдир.

Чечакни қанчалар ардоқлаб севишларига боқинг! Чечак бу ҳоли билан Аллоҳнинг марҳаматсизликдан саломат экани ва Раҳим исмига шаҳодат беради.

Бу чечак каби миллионларча чечаклар ва бошқа нарсалар айни чоқда яратилади. Ҳар бирига фарқли зийнатлар берилади. Демак, буларнинг соҳибининг битмас-туганмас хазиналари бор. Бу билан улар Аллоҳнинг фақирликдан саломат эканига ишорат этади ва ғани эканига гувоҳлик беради.

Жаннатда қулларига салом берувчи
Салом исмининг учинчи маъноси: жаннатда қулларига салом берувчидир. Бу маъно Ёсин сурасида “...уларга Робби раҳимларидан бир салом бордир” ифодаси ила баён этилган.

Аллоҳ таоло бу дунёда Салом исмини бизларга тажаллий этгани каби бу исми ила жаннатда ҳам тажаллий этсин ва бизлар Аллоҳнинг саломини эшитиб бахтиёр бўлайлик.

Дамин ЖУМАҚУЛ, журналист
MUSLIM.UZ

Абу Умома Боҳилий (р.а.)дан ривоят қилинади:
Расулуллоҳ (с.а.в.):
“ҚУРЪОН ЎҚИНГЛАР, ЗЕРО У ҚИЁМАТ КУНИДА ЎЗ ЭГАЛАРИ УЧУН ШАФОАТЧИ БЎЛИБ КЕЛАДИ”,
деб марҳамат қилдилар.
(Муслим ривояти.)

Исрофгарлик саховат эмас

Исрофгарлик саховат эмас

Исроф динимизда қаттиқ қораланган. Қуръони каримда исрофнинг зарари, исрофгарнинг мазаммати ҳақида бир неча ояти карималар бор. Аллоҳ таоло айтади: “(Бахиллик қилиб) қўлингизни бўйнингизга боғлаб ҳам олманг. (Исрофгарчилик қилиш билан) уни бутунлай ёйиб ҳам юборманг! Акс ҳолда, маломат ва маҳрумликда ўтириб қолурсиз”.

Аллоҳ таоло Қуръонда мўминларнинг сифатларини зикр этар экан, уларнинг исрофгар ҳам, хасис ҳам бўлмасликларини баён этади:

яъни: “(Улар эҳсон қилганларида исроф ҳам, хасислик ҳам қилмаслар, (тутган йўллари) бунинг ўртасида – мўътадилдир”.

Абдуллоҳ ибн Аббосдан розияллоҳу анҳудан ривоят қилинади: Расулуллоҳ соллаллоҳу алайҳи васаллам: “Сени икки хислат – фахрланиш ва исрофгарчилик хатога бошламаса, хоҳлаганингни еб, хоҳлаганингни ичавер», деганлар” (Имом Бухорий ривояти). Фахри коинот айтганларидек: “Енглар, ичинглар, садақа қилинглар, аммо исрофгарчилик ва фахрга ўтманглар»; «Ким ҳаётда тежамкор бўлса, зинҳор қашшоқликка тушмайди”. Яна бир ҳадисда: “Исрофгар жаннатга кирмайди”, дейилган.

БАТАФСИЛ

❓CАВОЛ:
Assalomu alaykum. Olloh ilmingizni ziyoda qilsin. Savolim shuki, har bir namozni ado etayotganimda ko'zlarimdan yosh oqadi. Biror kasallikdan yo shamollashdan deb o'ylagandim. Lekin boshqa vaqtlarda yosh chiqmaydi. Bu holatda tahorat buziladimi? Oydinlik kiritib bersangiz. JAZAKALLAH XAYRAN

💬 ЖАВОБ:
Ва алайкум ассалом! Кўз ёши таҳоратни бузмайди. Бу яхшилик аломатидир. Қалбнинг юмшоқлиги, намозда қалб ҳолати ўта муҳимдир.

ЎМИ фатво ҳайъатига савол йўллаш📝
savollar.muslim.uz
Ⓜ️USLIM.UZ – HIDOYAT MASKANI
Дўстларингизга ҳам улашинг!
Обуна бўлиш тугмаси ☑️
Канални тавсия этиш тугмаси 📣

Қиёматда соябон бўладиган амал

Қиёматда соябон бўладиган амал
#МАҚОЛАЛАР

Ислом шариатида инсон эгалик қилган нарсаларнинг барчаси ўзининг мулки бўлиб, унга ҳеч ким дахлдор бўла олмайди. Лекин муқаддас динимиз инсонга вожиб тарзда бир неча нафақаларни юклаган. Мисол учун закот бериш, аҳли аёлига ва болаларига инфоқ қилиш ота-онага яхшилик қилиш каби. Шунингдек, мустаҳаб бўлган нафақаларга ҳам мусулмонларни чорлайди. Бундай хайрли ишларга инсонларни ундайдиган бир неча оят ва ҳадислар мавжуд. Қуъони каримда Аллоҳ таоло шундай марҳамат қилади:

مَثَلُ الَّذِينَ يُنْفِقُونَ أَمْوَالَهُمْ فِي سَبِيلِ اللَّهِ كَمَثَلِ حَبَّةٍ أَنْبَتَتْ سَبْعَ سَنَابِلَ فِي كُلِّ سُنْبُلَةٍ مِائَةُ حَبَّةٍ وَاللَّهُ يُضَاعِفُ لِمَنْ يَشَاءُ وَاللَّهُ وَاسِعٌ عَلِيمٌ

Аллоҳ йўлида молларини эҳсон қилувчилар (савобининг) мисоли гўё бир донга ўхшайдики, у ҳар бир бошоғида юзтадан дони бўлган еттита бошоқни ундириб чиқаради. Аллоҳ хоҳлаган кишиларга (савобини) янада кўпайтириб беради. Аллоҳ (карами) кенг ва билимдон зотдир. (Бақара сураси, 261 оят)

Ўйлаб кўринг! Аллоҳ таоло билан савдо қилган инсон зарар қилиши мумкинми!

Адий ибн Ҳотим розияллоҳу анҳудан Расулуллоҳ соллаллоҳу алайҳи васаллам: “Сизлардан ҳар бирингиз билан Аллоҳ таоло ўртада таржимон бўлмасдан туриб гаплашади. У ўнг тарафига назар солади ва рўпарасида ўтдан бошқа нарсани кўрмайди. Бас бир хурмо бўлаги билан бўлса ҳам дўзахдан сақланинглар” деганлар (Бухорий ривояти).

БАТАФСИЛ

❓CАВОЛ:
Саждада дуо килинса ижобат булади деб ижтимоий тармокларда укидим бирок, намозни хушу билан укиш ва салом бергандан сунг дуо килинади деб ургатишган илтимос шунга аниклик киритиб берсангиз Савол: Саждада кайси вактда дуо килинади Субхана Роббия аъло дегандан кеинми

💬 ЖАВОБ:
Ва алайкум ассалом!Нафл намозларда сажда қилгач, "Субҳана роббиял аъла" деб тасбеҳ айтгач, суннатда келган баъзи дуоларни қилиш жоиз. "Ташаҳҳуд-аттаҳийёт"ни айтишдан илгари бандалардан сўраладиган нарсаларни сўраб дуо қилиш намозни бузади. Шунинг учун бунақа дуоларни қилмай ҳадисда келган дуолар билан чекланиш лозим. Ундан кейин ва салом бергандан сўнг ҳохлаган дуосини қилаверади. "Суббуҳун Қуддусун роббул малаикати вар руҳ", "Аллоҳумма инний аъузу биризока мин сахотика ва афвика мин ъуқубатик ва аъузу бика минка. Ла уҳсий саноан ъалайка анта кама аснайта ала нафсик", "Аллоҳуммағфирлий занбий куллаҳу, диққоҳу ва жиллаҳу, ва аввалаҳу ва ахироҳу, ва сирроҳу ва ъаланиятаҳу" ва бошқаларни саждада айтиб дуо қилиш ривоятларда келган. Абу Ҳурайра разияллоҳу анҳудан ривоят қилинган ҳадисда Расулуллоҳ соллаллоҳу алайҳи ва саллам "Банданинг Роббисига энг яқин ҳолати саждада турган ҳолатидир. Бас, саждада кўпроқ дуо қилинглар!", деганлар. Имом Муслим ривояти. Бундан ташқари бир неча ҳадислар ҳам бор.

ЎМИ фатво ҳайъатига савол йўллаш📝
savollar.muslim.uz
Ⓜ️USLIM.UZ – HIDOYAT MASKANI
Дўстларингизга ҳам улашинг!
Обуна бўлиш тугмаси ☑️
Канални тавсия этиш тугмаси 📣

❓CАВОЛ:
Assalomu alaykum .hojat namozi va hojat duosi qanday bo'ladi?

💬 ЖАВОБ:
Ва алайкум ассалом! Ҳожат намози ўз номи билан инсон Аллоҳдан ўзининг бирор эҳтиёжини ато қилишини сўраб ўқиладиган икки ракатлик нафл намоздир. Унинг ҳадисда келган дуоси бор. Тўғри ўқиб, тўғри ёд олишингиз учун у дуони Шайх Муҳаммад Содиқ Муҳаммад Юсуф раҳматлининг "Ҳадис ва ҳаёт" силсиласи, намоз китобидан "Нафл намозлар" бобидан ўқиб, ўрганиб олинг.

ЎМИ фатво ҳайъатига савол йўллаш📝
savollar.muslim.uz
Ⓜ️USLIM.UZ – HIDOYAT MASKANI
Дўстларингизга ҳам улашинг!
Обуна бўлиш тугмаси ☑️
Канални тавсия этиш тугмаси 📣

❓CАВОЛ:
Ассалому алейкум устозлар! Саволларим. 1. Зам сурани Бисмиллах... билан бошласа буладими? 2. Агар сажда килганда адашиб Бисмиллах... деб кейин Субхана Роббиял аъла десам саждаи сахв киламанми? Рахмат.?

💬 ЖАВОБ:
Ва алайкум ассалом! Зам сурани бисмиллоҳ билан бошланмайди. Адашиб, саждада бисмиллоҳ деб, сўнг тасбеҳ айтган кишига саждаи саҳв вожиб бўлмайди.

ЎМИ фатво ҳайъатига савол йўллаш📝
savollar.muslim.uz
Ⓜ️USLIM.UZ – HIDOYAT MASKANI
Дўстларингизга ҳам улашинг!
Обуна бўлиш тугмаси ☑️
Канални тавсия этиш тугмаси 📣

❓CАВОЛ:
Assalomu aleykum. Savolim namozda suralar tartibi haqida. Zam suralarni orada bitta sura qoldirib o'qib bo'lmas ekan. Agar orada 2 yoki 3 ta sura qoldirib o'qisa bo'ladimi. Misol uchun: 1-rakatda Moun surasi 2-rakatda Ixlos surasi.

💬 ЖАВОБ:
Ва алайкум ассалом! Намозда қасддан орада бир сурани қолдириб, кейингисини ўқиш макруҳ. Орада икки ёки ундан кўпроқ сурани қолдирилса, макруҳлик йўқолади. Мисолингиз каби бўлса, жоиз.

ЎМИ фатво ҳайъатига савол йўллаш📝
savollar.muslim.uz
Ⓜ️USLIM.UZ – HIDOYAT MASKANI
Дўстларингизга ҳам улашинг!
Обуна бўлиш тугмаси ☑️
Канални тавсия этиш тугмаси 📣

Илмга амал қилмаслик қандай амал?

Илмга амал қилмаслик қандай амал?
#МАҚОЛАЛАР

Қуръони карим ва ҳадиси шарифда энг кўп фазилати баён қилинган нарса илм зикридир. Энг катта тоғдай-тоғдай савоб ва ажрлар фақатгина илм йўлида юрган кишиларга берилиши ваъда қилинган. Умрингизда эришган барча нарсага илм йўлида юрган олимга бир сонияда берилиши ваъда қилинган. Умр қисқа, уни биз савоби кенг ва ажри зиёда амаллар билан тўлдириб ташлашимиз керак. Бу тўғрида имом Ғаззолий раҳматуллоҳи алайҳ ўзларининг “Жомеъул мутун” асарларида ҳазрати Алидай зот Ҳасанул Басрий раҳматуллоҳи алайҳнинг ваъзини тинглаганлар ва мамнун бўлганлар. У киши охират ҳаёти, ўлимни тафаккур қилиш, шайтон васвасаси ва шунга ўхшаш зарурий нарсалардан сўзлар эдилар. Шаръан талаб қиладиган ваъз ҳам шудир. Абу Зарр ал-Fифорий розияллоҳу анҳу ривоят қилган ҳадиси шарифда Пайғамбар алайҳиссалом айтадилар: “Зикр мажлисида ҳозир бўлмоқ 1000 ракъат намоздан афзал. Илм мажлисида ҳозир бўлмоқ 1000 беморни йўқламоқдан афзалдир. Илм таҳсил қилмоқ 1000 жанозага шоҳид бўлмоқдан афзалдир”. Пайғамбар соллаллоҳу алайҳи васаллам айтадилар: “Ман акрома алиман фақод акроманий ва ман азолла алиман фақод аззолланий”, яъни: “Ким бир олимни хурматласа гўё мени хурмат қилгандай бўлибди ва кимки (ғазаб билан айтдилар)бир олимни ҳорласа, азобласа мени (яъни: охиризамон пайғамбарини) хорлагандай бўлади”.

БАТАФСИЛ

❓CАВОЛ:
Ассалому алайкум хурматли ЎМИ фатво хайъати аъзолари, саволим шундан иборат, фарзандга Азон айтиб исм куйилганида чакалокни жойнамоз устида юмалатиб, исмини уч марта кулогика айтишликни курганмиз. Аммо менинг фарзандимга исм куяётганида домла жойнамозга юмалатмади ва кулогига хам бир марта исмини айтиб куйди холос. Аслида домла тугри килганми? Кайта Азон айттириб исм куйдириш шарт эмасми?

💬 ЖАВОБ:
Ва алайкум ассалом! Домла тўғри қилган. Сиз кўрган нарса суннат эмас. Кимдир, нимадир ниятда қилган иш холос! Шунинг учун ҳар бир ишни – чақалоқнинг ўнг қулоғига азон айтиб, чап қулоғига иқома-такбир айтишни ҳам ҳар кимга эмас, илмли, суннатни билувчи кишиларга айттирилса, келгусида ҳам яхши бўлади. Тушунмовчилик бўлмайди.

ЎМИ фатво ҳайъатига савол йўллаш📝
savollar.muslim.uz
Ⓜ️USLIM.UZ – HIDOYAT MASKANI
Дўстларингизга ҳам улашинг!
Обуна бўлиш тугмаси ☑️
Канални тавсия этиш тугмаси 📣

Аллоҳ субҳанаҳу ва таоло Қуръони каримда шундай марҳамат қилади: «У кунда чиройли юзлар бор. Ўз Роббисига назар солувчилар». (Қиёмат сураси 22 23-оятлар)

Аллоҳ таолони кўриш

...Мўминлар Жаннатга киргач,уларга кўзлар кўрмаган ва қулоқлар эшитмаган сон-саноқсиз неъматлар берилади. Ўша неъматларнинг энг улуғи Аллоҳ таолога назар солиш ҳисобланади. Бандалар Аллоҳ таолони шаклсиз, идроксиз ва бирор тимсолсиз кўрадилар. Бу ҳақда Сўфи Оллоҳёр бобомиз ўз байтларида шундай келтирганлар:

Кўнгулда кечса, кўзга тушса ҳар шай

Эрур андин муназзаҳ Холиқи Ҳай.

Яъни инсоннинг кўнглида Аллоҳ таолонинг қандайлиги тўғрисида қандай фикр ўтса ҳам, унинг кўзига қандай улуғвор нарса кўринса ҳам Аллоҳ таоло барчасидан бошқа бўлган, олий ва буюк Зотдир.

Идроксиз кўриш деганда эса кўрилган нарсани тасвирлаб бера олмайдиган, унинг қандайлигини тушунтириб бера олмайдиган ҳамда ёдида сақлаб қола олмайдиган даражада кўриш маънолари тушунилади. Шу маънода мўминлар Аллоҳ таолонинг жамолига шаклсиз, идроксиз ва бирор тимсолсиз равишда назар ташлайдилар.

Кофирлар эса ўша кунда Аллоҳ таолони кўришдан тўсиладилар. Бу ҳақида Қуръони каримда қуйидагича хабар берилган: «Йўқ!!! Албатта, улар ўша кунда ўз Роббиларини кўришдан тўсилурлар» (Мутоффифин сураси 15 оят).

Имом Шофеъий роҳматуллоҳи алайҳ: «Ушбу оятда мўминларнинг Аллоҳ таолони кўришларига далил бор»,-деганлар....

БАТАФСИЛ

Аллоҳ субҳанаҳу ва таоло Қуръони каримда шундай марҳамат қилади: «У кунда чиройли юзлар бор. Ўз Роббисига назар солувчилар». (Қиёмат сураси 22 23-оятлар)

Аллоҳ таолони кўриш

...Мўминлар Жаннатга киргач,уларга кўзлар кўрмаган ва қулоқлар эшитмаган сон-саноқсиз неъматлар берилади. Ўша неъматларнинг энг улуғи Аллоҳ таолога назар солиш ҳисобланади. Бандалар Аллоҳ таолони шаклсиз, идроксиз ва бирор тимсолсиз кўрадилар. Бу ҳақда Сўфи Оллоҳёр бобомиз ўз байтларида шундай келтирганлар:

Кўнгулда кечса, кўзга тушса ҳар шай

Эрур андин муназзаҳ Холиқи Ҳай.

Яъни инсоннинг кўнглида Аллоҳ таолонинг қандайлиги тўғрисида қандай фикр ўтса ҳам, унинг кўзига қандай улуғвор нарса кўринса ҳам Аллоҳ таоло барчасидан бошқа бўлган, олий ва буюк Зотдир.

Идроксиз кўриш деганда эса кўрилган нарсани тасвирлаб бера олмайдиган, унинг қандайлигини тушунтириб бера олмайдиган ҳамда ёдида сақлаб қола олмайдиган даражада кўриш маънолари тушунилади. Шу маънода мўминлар Аллоҳ таолонинг жамолига шаклсиз, идроксиз ва бирор тимсолсиз равишда назар ташлайдилар.

Кофирлар эса ўша кунда Аллоҳ таолони кўришдан тўсиладилар. Бу ҳақида Қуръони каримда қуйидагича хабар берилган: «Йўқ!!! Албатта, улар ўша кунда ўз Роббиларини кўришдан тўсилурлар» (Мутоффифин сураси 15 оят).

Имом Шофеъий роҳматуллоҳи алайҳ: «Ушбу оятда мўминларнинг Аллоҳ таолони кўришларига далил бор»,-деганлар....

БАТАФСИЛ

❓CАВОЛ:
Assalamu alaykum Xurmatli Ustozlar, Masjidda tahorat qilib turgan paytda azon aytila boshlandi. Shu payt ham tahorat qilib ham muazzin aytgann azonni ichimda qaytarsam boladimi ? Javobingiz uchun oldindan raxmat.

💬 ЖАВОБ:
Ва алайкум ассалом! Бўлади.

ЎМИ фатво ҳайъатига савол йўллаш📝
savollar.muslim.uz
Ⓜ️USLIM.UZ – HIDOYAT MASKANI
Дўстларингизга ҳам улашинг!
Обуна бўлиш тугмаси ☑️
Канални тавсия этиш тугмаси 📣