​Туҳматдан тийилиш учун ва умуман ҳаёт фаолиятингизда фойдали бўладиган - Суқротнинг "3 та элак" қоидасига амал қилинг
#фойдали #қоида

Бир одам Суқротнинг олдига келиб:

- Биласизми, дўстингиз Сиз ҳақингизда нималар деб юрибди?

- Тўхтанг, - деб уни гапини бўлди Суқрот. - Аввало, ҳозир менга айтмоқчи бўлган гапингизни 3 та элакдан ўтказинг.

- 3 та элакдан? - ҳайрон бўлди гап етказмоқчи бўлган одам.

- Ҳа, ҳар доим бир нима гапиришдан олдин, уни 3 та элакдан ўтказиш лозим. Биринчидан, ҳақиқат элагидан. Ҳозир менга айтмоқчи бўлган гапингиз ҳақиқатлигига ишончингиз комилми?

- Йўқ, мен буни эшитдим холос.

- Яхши. Демак, буни ҳақиқат ёки ёлғонлигини билмайсиз. Унда иккинчи - яхшилик элагидан ўтказамиз. Мени дўстим ҳақида қандайдир яхши гап айтмоқчимисиз?

- Йўқ! Тескарисини айтмоқчиман!

- Демак, - деб давом этибди Суқрот, - Сиз дўстим ҳақида ёмон гап айтмоқчисизу, лекин бу ҳақиқатлигини билмайсиз. Унда учинчи - фойда элагидан ўтказиб кўрамиз. Эшитган нарсангизни менга айтишга эҳтиёжингиз каттами?

-Йўқ, бунга эҳтиёж йўқ.

- Хулоса қилиб айтганда, менга айтмоқчи бўлган гапингизда на яхшилик, на бирор фойда, на бунга эҳтиёж бўлмаса, нима кераги бор бу ҳақда сўз очишни?

@muslimuzportal | Muslim.uz
https://telegram.me/joinchat/BO0aAj0jjw0GT5rhPph8OQ