❓CАВОЛ:
Ассалому алайкум.куфр ширк сўз айтиб ёки шу гуноҳларни содир этган мусулмон шахс кофир бўладими? тавба қилса яна мусулмон бўла оладими?

💬 ЖАВОБ:
Ва алайкум ассалом! Модомики, жони ғарғага келмасдан олдин тавба қилишга улгурса, унинг тавбаси қабул бўлиши умид қилинади. Валлоҳу аълам.

ЎМИ фатво ҳайъати
#savollar.muslim.uz / @muslimuzportal

❓CАВОЛ:
Ассалому алайкум. Баъзи мамлакатларда жума намозини аёллар масжидга бориб ўқишади. Исломда аёллар масжидга бориб намоз ўқиши мумкинми. Шу ҳақда аниқроқ маълумот бериб ўтсангиз

💬 ЖАВОБ:
Ва алайкум ассалом. Қуйидаги ҳаволадан батафсил жавоб оласиз. - https://muslim.uz/index.php/fatvolar/item/2795-ayollar-masjidga-borib-namoz-uqishi-mumkinmi

ЎМИ фатво ҳайъати
#savollar.muslim.uz / @muslimuzportal

❓CАВОЛ:
Assalomu alaykum. Men kollejda ishlayman. Har kuni ertalab va ish tugashiga davomat olaman. Agar shu davomat olayotganimda ishchilarni jarima solinishidan asrash uchun yoq bolsa ham bor desam gunoh boladimi. Uzrli va uzrsizlar uchun farqi bormi

💬 ЖАВОБ:
Ва алайкум ассалом! Бу иш шаръий эътибордан ҳам ёлғон бўлади .Узри борларни ҳар доим, ҳар қаерда бесабаб, жазога тортилмайди.

ЎМИ фатво ҳайъати
#savollar.muslim.uz / @muslimuzportal

❓CАВОЛ:
Assalomu aleykum xurmatli ustozlar agar ilojisi bosa Muqaddas Kabatulloh xaqida malumot berib otsela, birinchi kim qurgan

💬 ЖАВОБ:
Ва алайкум ассалом! Каъба сўзи мукаъаб яъни куб деган маънода. Бундай номланишига сабаб шуки, у куб шаклида. Уни Иброҳим алайҳиссалом ўғли Исмоил алайҳиссалом билан биргаликда қайта қургани Қуръони каримда "Бақара" сураси, 127-оятда айтилган. Унинг ер юзида Аллоҳга ибодат қилиниши учун илк қурилган уй-бино экани "Оли Имрон" сураси, 96-оятида айтилган. Уни дастлаб ким қургани ҳақида турли хил фикрлар билдирилган,чунончи Абу Зарр розияллоҳу анҳудан қўйидагича ривоят қилинади: «Расулуллоҳ соллаллоҳу алайҳи васалламдан ер юзида қурилган энг аввалги масжид ҳақида сўрадим. У зот: «Масжидул ҳаром», дедилар. «Сўнгра қайси?» дедим. «Масжидул Ақсо», дедилар. «Ораларида қанча (вақт) бор?» дедим. «Қирқ йил», дедилар. Сўнгра: «Ер сенинг учун масжиддир. Сенга қаерда намоз вақти етса, ўқи», дедилар». Икки шайх ва Насаий ривоят қилишган. Шарҳ: «Масжидул ҳаром»дан мурод Каъбаи муаззама. Ривоятларда келишича, Каъбани Иброҳим ва Исмоил алайҳиссаломлар қуришларидан олдин ҳам у фаришталар ва Одам ота томонидан қурилган. Ке¬йинги қурилиш эса, ўша аввалги бино асоси – пойдеворига биноан бўлган. Пайғамбар соллаллоҳу алайҳи васалламнинг ушбу гаплари Қуръони карим оятида келган маънони тасдиқламоқда. Масжидул ҳаром дунёда ибодат учун қурилган биринчи саждагоҳ эканини таъкидла¬- моқда".

ЎМИ фатво ҳайъати
#savollar.muslim.uz / @muslimuzportal

❓CАВОЛ:
Assalomu Aleykum! Jum'a namozini Masjidda emas yoki uyda uqimoq uchun nechi kishi bo'lishi kerak?, Agar Masjidga chiqishga imkoniyat bo'lmasa? Shu mumkinmi?

💬 ЖАВОБ:
Ва алайкум ассалом! Жума намозини уйда ўқилмайди. Масжидга чиқмасликка шаръий узри бўлган кишилар жуманинг ўрнига пешин намозини ўқийди.

ЎМИ фатво ҳайъати
#savollar.muslim.uz / @muslimuzportal

❓CАВОЛ:
Assalomu alekum ustozlar Quroni Karim suralari joylashuvi nimaga asoslanadi yani birnchi tushirilgan oyatlar Iqro surasi oyatlari lekin birinchi Fotiha surasi turadi.jovabingiz uchun oldindan rahmat.

💬 ЖАВОБ:
Ва алайкум ассалом! Буни Расулуллоҳ соллаллоҳу алайҳи васаллам ўзлари тартиблаб берганлар.

ЎМИ фатво ҳайъати
#savollar.muslim.uz / @muslimuzportal

❓CАВОЛ:
Ассалому алейкум муҳтаррам. Айтингчи, овқат тановул қилиб бўлингач, дастурхон атрофида айтиладиган арабча дуо ҳақида ёзиб юборсангиз. Жавобингиз учун раҳмат

💬 ЖАВОБ:
Ва алайкум ассалом! Абу Саид Худрий розияллоҳу анҳудан ривоят қилинади: “Набий соллаллоҳу алайҳи васаллам таом есалар ёки ичимлик ичсалар, “Алҳамду лиллаҳиллазий атъаманаа ва сақонаа ва жаъаланаа муслимийн”, дер эдилар”. Аҳмад, Абу Довуд, Термизий ва Ибн Можалар ривоят қилишган. Маъноси: “Бизни едирган, ичирган ва мусулмонлардан қилган Аллоҳга ҳамдлар бўлсин”. Бундан бошқа ҳадислар ҳам бор. Таомланиш одоби китоларига мурожаат қилинг.

ЎМИ фатво ҳайъати
#savollar.muslim.uz / @muslimuzportal

❓CАВОЛ:
Ассалому алайкум саволим шундан иборатки эр хотин жанжаллашиб колса эрнинг огзидан "ЁКИ ТАЛОГИНГНИ БЕРАЙМИ" ДЕГАН суз айтилиб кетса талок тушадими шу холатда кандай булади

💬 ЖАВОБ:
Ва алайкум ассалом! Айнан шу сўз билан талоқ тушмайди. Лекин хотин кишини талоқ билан қўрқитиб ушлаб туриш мард йигитнинг иши ҳисобланмайди.

ЎМИ фатво ҳайъати
#savollar.muslim.uz / @muslimuzportal

❓CАВОЛ:
Assalomu alekum. Ulfatlar bilan puldan gap o'ynash mumkinmi?

💬 ЖАВОБ:
Ва алайкум ассалом! Гапни пулсиз ўйнашни тавсия қиламиз. Чунки айрим ҳолатларда мана шу сабабли, турли келишмовчилик ва кўнгил хираликлар келиб чиқяпти.

ЎМИ фатво ҳайъати
#savollar.muslim.uz / @muslimuzportal

❓CАВОЛ:
Ассалому алейкум !!! Хурматли диндошим саволим шуки хайвонларни уриштириш хуроз ит бедана вахоказоларни уриштириш гунохми шу хакида малумот берсангиз жавоб учун олдиндан рахмат

💬 ЖАВОБ:
Ва алайкум ассалом! Аллоҳ таоло яратган жонзотларга нисбатан бундай муомалада бўлиш гуноҳдир. Чунки ҳадиси шарифда шундай дейилган: Ибн Аббос розияллоҳу анҳумодан ривоят қилинади: “Расулуллоҳ соллаллоҳу алайҳи васаллам жониворларни бир бирига уриштиришдан қайтардилар”. Имом Абу Довуд ривоят қилган. Шунга кўра, қўчқор, туя, хўроз, бедана ва шу каби жонзотларни бир бири билан уриштириш ман қилинган бўлиб, бу иш асло мумкин эмасдир.

ЎМИ фатво ҳайъати
#savollar.muslim.uz / @muslimuzportal

❓CАВОЛ:
Ассалому алайкум! "Бир кунлик адолат - юз кунлик тоат-ибодатдан афзалдир", деган ҳикматли Ҳадис қайси "Ҳадис"дан келтирилган? (Имом ал-Бухорий, Имом ат-Термизий ёки бошқа муҳаддис олимларимизнинг Ҳадисларидами?) Бу Ҳадис маълумотга кўра Амир Темур ўгитларида ҳам келтирилганми? "Темур тузуклари" да бу Ҳадис мавжуд эмас. Илтимос аниқ маълумот беринг, жавобингиз учун раҳмат!

💬 ЖАВОБ:
Ва алайкум ассалом. Сиз айтган матн ҳадис китобларида борлиги бизга маълум эмас. Абу Ҳурайра разияллоҳу анҳудан "Бир кун адолат қилмоқ – олтмиш йиллик нафл ибодатдан яхшироқдир", деган маънодаги ҳадис Имом Асбаҳоний, Ибн Асокир, Дайламий, Табароний каби ровийлар томонидан турли даражадаги санадлар билан ривоят қилинган. Бу ривоятлар барчаси бир бирининг маъносини қувватлайди. "Темур тузуклари" ҳадис китоби ҳам эмас. Бу ҳадис Амир Темур ўгитларида келса ҳам ҳадиснинг маъносидан иқтибос олинган ўгит бўлади. Валлоҳу аълам.

ЎМИ фатво ҳайъати
#savollar.muslim.uz / @muslimuzportal

❓CАВОЛ:
Ассалому алейкум.Хурматли устозлар.6 ёшли кизим жуда хам куп уйкисида куркиб йиглийди.Базида мени хам танимай колади.Икки уч марта дом лага укитиб юбордик.. Духтирларга хам курсатдик.Лекин фойдаси булмаяпти.Ёшлигида куёндан ва маскали мулт филм кахрамонларидан каттик куркиб колган ди.Шундан бери колмаяпди.Маслахат беринг илтимос.

💬 ЖАВОБ:
Ва алайкум ассалом.Ота-онанинг фарзанди ҳақида чин-ихлос билан қиладиган дуоси Аллоҳнинг даргоҳида зарур қабул бўлади.Шунинг учун сизлар ҳам ибодатда бардавом бўлиб дуолар қабул бўладиган вақтларда фарзандингиз ҳақига дуо қилингизлар.Иншааллоҳ Аллоҳ таъола фарзандингиздан бу касалликни тезда кетказиб,сизларга хурсандчилик ато этади.Чунки ҳар-бир қийинчиликдан кейин икки ҳисса хурсандчилик келиши ваъда қилингандир.

ЎМИ фатво ҳайъати
#savollar.muslim.uz / @muslimuzportal

❓CАВОЛ:
assalomu alaykum. Savolim shundan iboratki,agar biror bir ishda ishlasanggizda sizga qilgan ishinggiz xizmat vazifanggiz bo'lsada,sizga chin ko'nggildan pul yoki boshqa qimmatbaho narsa taklif qilishsa yoxud sizni ziyofat yoki ovqatlanishga taklif qilishsa, taklifga rozi bo'linsa bu gunoh hisoblanmaydimi

💬 ЖАВОБ:
Ва алайкум ассалом. Ишчига келишилган иш ҳақини тўлаш шартдир. Удан зиёда ҳақ тўлаш иш берувчининг ихтиёри. Фақат бу зиёда ҳақ беғараз бўлиши лозим. Шундай бўлса, олувчига ҳам гуноҳ йўқ. Агар ишчи бир одамнинг ҳақини поймол қилиб, масалан, бирор ишхонада бировнинг навбатини олиб қўйиб, ана у зиёда пул тўловчи кишини навбатдан ташқари битириб бергани учун тўласа, жоиз эмас. Акс ҳолда ҳар икки томон – олувчи ва берувчи ҳам тенг гуноҳкор бўладилар. Зиёфатга таклиф қилишнинг ҳукми ҳам шу. Валлоҳу аълам.

ЎМИ фатво ҳайъати
#savollar.muslim.uz / @muslimuzportal

❓CАВОЛ:
Lòlilar soch chigalini sòrab kelsa bersa bòladimi

💬 ЖАВОБ:
Инсон мукаррамдир. Шунингдек, унинг барча аъзолари, ҳатто соч толаси ҳам мукаррамдир. Унинг ҳеч бир аъзосини сотиш мумкин эмас. Сочини ҳам покиза ва оёқ ости қилиниб, беҳурмат қилинмайдиган жойга кўмиш лозим.

ЎМИ фатво ҳайъати
#savollar.muslim.uz / @muslimuzportal

❓CАВОЛ:
Assalomu aleykum xurmatli ustozlar. Men bir odamdan savdoga tavar olib qarz bolib qolgan edim 2500$ bergani pulim bolmadi chunki boshqa odamlardan xam kattaroq miqdorda qarz bolib qolgan edim savolim 2500$ evaziga ozini soxasi boyicha sotsa 2500$ pul qila oladigon tavarni qaytarib bersam boladimi shariatimizda gunox sanalgan ishni qilib qoygan bolib qolmiymanmi chunki pul bergani umuman imkoniyatim yo`q javob uchun oldindan katta raxmat

💬 ЖАВОБ:
Ва алайкум ассалом. Бирор валютада қарздор бўлган киши келишилган вақтда ўша валютани қайтара олмаса, ўша кундаги қийматига яраша бошқа валюта ёки унинг ўрнига бирор товар (нарса-буюм) бериши жоиз. Валлоҳу аълам.

ЎМИ фатво ҳайъати
#savollar.muslim.uz / @muslimuzportal

❓CАВОЛ:
Assalomu alaykum savolim shundan iboratki irim bor narsami yo'q narsami inson o'lganda yumshoq ketsa nima bo'ladi iltimos batafsil tushuntirib bering javob uchun oldindan raxmat.

💬 ЖАВОБ:
Ва алайкум ассалом.Аввало шуни такидлаб ўтамизки шариатимизда ирим яъни шумланишдан қайтарилади.Хушхабарланишга эса тарғиб қилинади. Ҳар хил нарсалардан ва баъзи ойлардан шумланиш ҳамда турли ирим-сиримларга берилиш ислом эътиқодига зиддир.Сиз зикр қилган нарса эса хушхабарланиш жумласидандир. Баъзи бир солиҳ мўминларнинг танаси қотмаслиги ва дафн этилгач ҳам асл ҳолини йўқотмаслиги, танаси чиримаслиги, Қиёмат куни жароҳатидан қони оққан ҳолда қайта тирилиши ҳадисларда айтилган. Қуръонга амал қилиб ҳаёт кечирган қори ва баъзи бошқа солиҳ кишиларни танаси чиримаслиги ҳам ҳадисларнинг шарҳларида айтилган. Валлоҳу аълам.

ЎМИ фатво ҳайъати
#savollar.muslim.uz / @muslimuzportal