📢 15-17 кастрычніка Гродзенскі дзяржаўны гісторыка-археалагічны музей сумесна з упраўленнем культуры Гродзенскага аблвыканкама праводзяць міжнародную навукова-практычную канферэнцыю "Культавыя помнікі Беларусі - намінанты сусветнай спадчыны ЮНЕСКА: вывучэнне, ацэнка, прасоўванне".
16 кастрычніка ўдзельнікі канферэнцыі наведваюць цэрквы абарончага тыпу ў в.Сынкавічы (помнік архітэктуры кан.ХV - пач. ХVІ ст.) і ў в.Мураванка (помнік архітэктуры ХVІ ст.) -- намінанты сусветнай спадчыны ЮНЕСКА.
З дакладамі выступяць спецыялісты, вучоныя з Беларусі і Расіі.

❗️ ✨ Сёння наведвальнікі Старога замка змаглі ўбачыць музейную батлейку “Пажар у замку Вітаўта”. Мерапрыемства прымеркавана да Тыдню бацькоўскай любові.

👀 Калі жадаеце паглядзець батлейку – спяшайцеся!

⏱ Наступныя прадстаўленні ў 13.00 і 14.00.
Чакаем Вас!

🎆17 кастрычніка ў Сенатарскай зале Новага замка адбылося адкрыццё персанальнай выстаўкі мастака Глеба Анатольевіча Отчыка “Беларускі космас”.

🌍 На выстаўцы прадстаўлена каля 40 жывапісных палотнаў, некаторыя з іх прысвечаны космасу, увасабляюць касмічны нацюрморт і сімвалізуюць вясковы быт – “беларускі космас”.

#АртэФакт

🤔 Мерныя кубкі выкарыстоўваліся ў XIX – першай палове XX ст. на рынках і кірмашах для вымярэння аб'ёмаў вадкасцей на продаж (малака, алею, смятаны і інш.). Кубкі рабіліся мясцовымі рамеснікамі, але праходзілі кантроль у вымяральных палатах, дзе месца сцягі корпуса кубка пазначалі пломбамі з нумарамі мерніка і вымяральнай установы. Дадзены кубак быў зроблены ў Гродне на Сенным рынку і там жа, па ўсёй бачнасці, ужываўся.

🔨 Кубак мае цыліндрычную форму з ручкай-вушкам. Зроблены са скручанага і спаянага металічнага ліста, да якога прымацавана донца і ручка. Аб'ём, пазначаны на кубку, – “1 L”.

📢 Выстаўка “Арсенал: ваенная зброя ў гістарычным кантэксце” з фондаў Гродзенскага дзяржаўнага гісторыка-археалагічнага музея адкрылася 23 кастрычніка 2024 года ў Музеі “Замкавы комплекс “Мір”.

⚔️ Выставачны праект з'яўляецца не толькі знаёмствам з гісторыяй, але і сапраўдным далучэннем да духу той эпохі, калі кожны прадмет быў напоўнены сэнсам і значнасцю.

🟠 На выстаўцы прадстаўлена халодная і агнястрэльная зброя, ваенны рыштунак, армейскія мундзіры і іх элементы, а таксама ўзнагароды, жэтоны, кукарды перыяду XVIII–XIX стст.
Убачыць зброю і ацаніць, як у ёй пераплятаюцца мастацтва і рамяство, задумацца аб нашай спадчыне, аб уплыве вайны на чалавецтва ў цэлым і лёсы народаў у прыватнасці, змогуць усё жадаючыя.

🟠 Выстаўка будзе працаваць да 24 кастрычніка 2025 г. у выставачнай зале ўстановы “Замкавы комплекс “Мір”.

➡️ Падрабязнасці па спасылцы
https://mirzamak.by/events/otkrytie-vystavki-23