Бугунги кунда вилоятимизда фермер хўжаликлари томонидан ғўзанинг ҳосилдорлигини ошириш мақсадида бир қатор агротехник тадбирлар амалга оширилмоқда. Хусусан, иқлим ва тупроқ шароитига мос, юқори унумдор навларни апробация қилиш, шунингдек, Шинжон усулида парваришлашга оид замонавий технологиялар синовдан ўтказилмоқда.

Бугун Сурхондарё вилояти ҳокими Улуғбек Қосимов Термиз ва Жарқўрғон туманларида бўлиб, ғўза парвариши жараёнлари ва ҳосилдорликни ошириш чора-тадбирлари билан танишди. Пахта хомашёсини етиштиришда янги навлар ва илғор агротехнологияларни қўллаш орқали юқори ҳосил олиш мақсад қилинган.

Ташриф давомида далаларда амалга оширилаётган ишлар, навларнинг иқлим ва тупроқ шароитига мослиги ўрганилди. Масъуллар томонидан бу борада ишлар юзасидан ахборот берилди.

Туман масъулларига фермер хўжаликларига яқиндан амалий ёрдам кўрсатиш, ғўза қатор ораларига енгил ишлов бериш, чилпиш ва суғориш ишларини сифатли ташкил этиш вазифалари юклатилди.

Каналга уланиш: https://t.iss.one/murodbekdavlatov

Вилоят ҳокими Улуғбек Қосимов Қумқўрғон ва Шўрчи туманларига ташриф буюриб, белгиланган вазифалар ижросини ўрганди ҳамда жойлардаги долзарб муаммоларни маҳаллий аҳоли ва масъуллар иштирокида таҳлил қилди.

Хусусан, Қумқўрғон туманидаги "Янги шаҳар" маҳалласининг Туркистон кўчасида ичимлик суви тармоқларини тортиш, йўл ва пиёдалар йўлакларини таъмирлаш, шунингдек, аҳоли турмуш шароитларини яхшилашга қаратилган ишлар кўздан кечирилди. Ижтимоий ҳимояга муҳтож оилалар ҳолати ўрганилиб, мавжуд муаммоларни ҳал этишда мутасадди ташкилотлар фаоллиги етарли эмаслиги таъкидланди.

Масъул раҳбарларга бир ҳафта мобайнида ушбу маҳаллада доимий иш олиб бориш, инфратузилмавий муаммоларни тез ва сифатли ҳал этиш вазифалари юклатилди.

Шунингдек, Шўрчи туманидаги "Ободон" маҳалласида ҳам инфратузилмани яхшилаш, ижтимоий соҳа объектларини таъмирлаш ва аҳоли учун қулай турмуш муҳитини яратиш масалалари ўрганилди.

Каналга уланиш: https://t.iss.one/murodbekdavlatov

Вилоят раҳбарининг топшириғи билан Термиз тумани "Учқизил" маҳалласида 4,8 километр йўлни асфалтлаш, 2 та трансформатор пункти ҳамда 186 та бетон устун ўрнатиш, 4,6 километр электр тармоқларини тортиш, 2 та насос агрегати ўрнатиш ва 4 километр ариқни бетонлаш, шунингдек, кўчаларни ободонлаштириш ҳамда чиқиндилардан холи ҳудудга айлантириш каби вазифалар белгиланган.

Бугун вилоят ҳокими Улуғбек Қосимов маҳаллада олиб борилаётган ишлар ҳолати билан танишди. Маҳаллада кўчалар бўйлаб юрилиб, нуронийлар ва фаоллар билан муаммолар жойида ўрганилди.

Ҳозирга қадар 2,4 километр ички йўл асфалтланган, насос агрегатлари ва бетон устунлар ўрнатилган, электр тармоқлари тортилиб, ариқлар бетонлаштирилган. Трансформатор пункти қурилиши давом этмоқда. Бироқ, кўчаларни ободонлаштириш, чиқиндиларни олиб чиқишда сусткашликка йўл қўйилган.

Асфалтлашлашни жадаллаштириш, чиқиндиларни тозалаш, ободонлаштириш ишларини сифатли якунлаш бўйича масъулларга аниқ топшириқлар берилди.

Каналга уланиш: https://t.iss.one/murodbekdavlatov