Мустақиллигимизнинг 34 йиллиги арафасида Сурхондарё вилоятида халқимиз учун туҳфа сифатида давлат дастурлари доирасида жами қиймати 460 млрд сўм бўлган 158 та объект туҳфа сифатида фойдаланишга топширилди.

Жумладан, 3 та олий таълим муассасаси, 3 та касб-ҳунар мактаби, 2 та спорт зали, 10 минг 400 ўқувчига мўлжалланган 40 та мактаб, 1 600 ўринли 15 та болалар боғчаси, 320 ўринли 5 та тиббиёт муассасаси, ичимлик сув иншоотлари, умумий узунлиги 262 километр бўлган 80 та ички йўл, 4 та селдан ҳимоя ва бошқа объектлар.

Шу маънода, бугун давлат инвестиция дастури доирасида умумий қиймати 9,5 миллиард сўмлик Сурхондарё футбол академиясининг бино ва иншоотлари фойдаланишга топширилди. Лойиҳа доирасида мавжуд бинолар тубдан таъмирланди, 90 ўринли ётоқхона барпо этилди, 45х90 метр ўлчамда сунъий қопламали футбол майдони ва замонавий ошхона қурилди.

Тантанали тадбирда Сурхондарё вилояти ҳокими Улуғбек Қосимов иштирок этиб, мустақиллигимизнинг 34 йиллиги билан барчани самимий табриклаб, янгиланган академиядан келгусида жаҳонга машҳур, дунёнинг етакчи жамоаларида тўп суришга қодир футболчилар етишиб чиқишини тилади. Вилоят раҳбари нуронийлар, спорт соҳаси вакиллари, академия тарбияланувчилари ҳамда ёшлар билан суҳбатлашиб, уларга эсдалик совғалари топширди.

Эслатиб ўтамиз, мазкур футбол академиясига юртимиз шарафини халқаро майдонларда муносиб ҳимоя қилаётган машҳур футболчи, воҳадошимиз Элдор Шомуродов номи берилган.

Каналга уланиш: https://t.iss.one/murodbekdavlatov

Ватан учун, миллат учун, халқ учун! | Термиз шаҳрида мустақиллигимизнинг ўттиз тўрт йиллиги нишонланмоқда

Каналга уланиш: https://t.iss.one/murodbekdavlatov