Бугун Сурхондарё вилояти ҳокими Улуғбек Қосимов "Санъат саройи" мажмуаси амфитетарида асосий саҳна ва атрофдаги йўлаклар, майдонларни байрамона кўринишга келтириш, декорациялар билан безатиш ҳамда концерт дастурига тайёргарлик ҳолати билан танишди.

Илгариги ўрганишлар давомида берилган топшириқлар ижроси юзасидан масъуллар ахбороти тингланди. Тайёргарлик ишларини жадаллаштириш ва режа асосида ташкил этиш вазифалари белгилаб берилди.

Кейинги манзилда вилоят раҳбари Термиз туманидаги "Учқизил" сув омбори ҳудудида ташкил этилаётган "Ёшлар ва туризм" кўчаси қурилиш ишларини кўздан кечирди. Ишлар талаб даражасида эмаслиги, айрим қурилиш-таъмирлаш ишлари тўхтаб қолгани танқид қилинди. Масъулларга йўл қўйилган камчиликлар кўрсатилиб, зарур кўрсатмалар берилди.

Барча куч ва имкониятларни жалб этган ҳолда 2 километр узунликдаги пиёдалар ва велосипед йўлакларини барпо этиш, шунингдек, савдо ва хизмат кўрсатиш нуқталарининг қурилишини жадаллаштириш вазифалари белгиланди.

Каналга уланиш: https://t.iss.one/murodbekdavlatov

Сурхондарё вилоятининг барча туманларида оғир тоифага кирувчи маҳаллаларда инфратузилмани ривожлантириш, аҳоли турмуш шароитини яхшилаш ва камбағалликни қисқартиришга қаратилган манзилли ишлар изчил давом этмоқда.

Жумладан, Жарқўрғон туманида жойлашган "Какайди" ва "Нефтчилар" маҳаллаларида ҳам белгиланган топшириқлар асосида йўлларни таъмирлаш, электр таъминотини барқарорлаштириш, ичимлик ва оқова суви тармоқларини яхшилаш, шунингдек, аҳоли дам олиши учун қулай жойлар ташкил этиш ишлари амалга оширилмоқда.

Бугун вилоят ҳокими Улуғбек Қосимов мазкур маҳаллаларга ташриф буюриб, амалга оширилаётган ишлар билан яқиндан танишди, шунингдек, нуронийлар ва фаоллари билан мулоқот қилди.

Учрашувда аҳоли муаммоларига ечим бўладиган лойиҳаларни амалга ошириш, сайлгоҳлар барпо этиш, йўлларни таъмирлаш ва коммунал хизматлар сифатини ошириш бўйича вазифалар белгилаб олинди.

Каналга уланиш: https://t.iss.one/murodbekdavlatov

Бугун вилоят ҳокими Термиз шаҳрида иқлим мўътадиллигини ошириш, сувбўйи ҳудудларни ободонлаштириш ва "Зарбдор" тажрибаси асосида драйвер лойиҳаларни жорий этиш, шунингдек, "Болажон" боғини сув билан таъминлаш мақсадида ҳудуддан оқиб ўтувчи канални реконструкция қилиш ишлари билан танишди.

Реконструкция жараёнини сифатли ва белгиланган муддатларда амалга ошириш, шунингдек, лойиҳаларни самарали жойлаштириш бўйича мутасаддиларга аниқ вазифалар юклатилди.

Шундан сўнг, Ташқи меҳнат миграцияси агентлигининг вилоят бўлими учун қурилаётган янги бинода олиб борилаётган қурилиш ишлари ҳам кўздан кечирилди. Шу ерда Татаристон Республикасининг "Алабуга" махсус эркин иқтисодий зонаси ва Германияга ишлашга кетиш истагида бўлган фуқароларни хавфсиз, тартибли ва қонуний ишга юбориш механизмлари тақдимот қилинди.

Хорижда ишлашни хоҳловчи ишсиз фуқароларни талаб этилаётган касбларга ўқитиш ва уларни малакали мутахассислар сифатида ишга юбориш бўйича чора-тадбирлар белгиланди.

Каналга уланиш: https://t.iss.one/murodbekdavlatov