Бугун вилоят ҳокими Улуғбек Қосимов Қизириқ туманида "Янгиобод" оилавий шифокорлик пункти ва туман кўп тармоқли марказий поликлиникасида яратилган шароитлар билан танишди. Мутасаддилар томонидан барча тиббиёт муассасаларида амалга оширилаётган ишлар юзасидан ахборот берилди. Патронаж ҳамширалари фаолиятини самарали йўлга қўйиш, уй шароитидаги беморлар, ёлғиз ва ёрдамга муҳтож қарияларнинг ҳолидан мунтазам хабар олиш зарурлиги таъкидланди. Шунингдек, "Электрон поликлиника" тизимидан самарали фойдаланиш масалалари кўриб чиқилди.

"Кунчиқиш" маҳалласидаги 6-сонли мактабда янги ўқув йилига тайёргарлик ҳолати ва ўқитувчиларнинг малака таркиби билан танишилди. Янги ўқув йилига пухта ҳозирлик кўриш ҳамда "Долзарб 90 кунлик" лойиҳасини сифатли ўтказиш вазифалари белгилаб берилди.

Туман ҳокимлигида ёшлар масалалари муҳокама қилинди. Унда оғир тоифадаги ёшлар билан иш олиб бораётган мутасаддилар, шаҳар ва туман ҳокимларининг ёшлар бўйича ўринбосарлари иштирок этди.

Каналга уланиш: https://t.iss.one/murodbekdavlatov

Вилоят ҳокими Улуғбек Қосимов томонидан Термиз туманидаги инвестицион лойиҳалар ва маҳаллий инфратузилмани ривожлантириш юзасидан берилган топшириқлар ижроси ўрганилди.

Жумладан, "Айритом" маҳалласида "Амир Абдуллоҳ" МЧЖ хорижий корхонаси томонидан мих, тиканли сим ва симтўрлар ишлаб чиқариш лойиҳаси тақдимоти, "Солиобод" маҳалласида "Термиз меҳнатобод" МЧЖга қарашли иссиқхона мажмуасида қишлоқ хўжалиги маҳсулотлари етиштириш жараёни, ва "Термиз Агро Сит" МЧЖга ажратилган 35 гектарлик ер майдонида сабзавотчиликни ташкил этиш бўйича ишлар ҳолати кўриб чиқилди.

Ҳар бир лойиҳани такомиллаштириш, ишлаб чиқаришни кенгайтириш, ажратилган ер майдонларидан мақсадли ва самарали фойдаланиш юзасидан кўрсатмалар ва тавсиялар берилди.

Шунингдек, ижтимоий-иқтисодий жиҳатдан оғир ҳудуд сифатида белгиланган "Учқизил" маҳаласида инфратузилмани яхшилаш бўйича амалга оширилаётган ишлар кўздан кечирилди.

Каналга уланиш: https://t.iss.one/murodbekdavlatov

Инвестиция лойиҳаларининг амалга оширилиши ва янги қувватларни ишга тушириш жараёнларини ўрганиш ишлари Термиз шаҳрида давом эттирилди.

Шаҳарнинг "Шифокор" маҳалласида жойлашган "Turk Lab" МЧЖ хорижий корхонаси томонидан тиббий лаборатория ва соғломлаштириш маркази ташкил этиш лойиҳаси тақдимоти ўтказилиб, инвесторлар билан суҳбат ўтказилди. Корхона аҳолига сифатли тиббий ва соғломлаштириш хизматларини кўрсатиш, шунингдек, Сурхондарёда кўп учрайдиган касалликлар ҳамда зарарли ҳашаротларга қарши курашиш бўйича илмий ишлар олиб боришни мақсад қилган.

Вилоят раҳбари лойиҳани амалга ошириш жараёнидаги муаммоларни бартараф этиш юзасидан тегишли чора-тадбирларни белгилаб берди.

Шунингдек, бир неча йиллардан буён фаолият кўрсатмаётган собиқ "Soyuz Shingdong Grup" МЧЖ корхонаси бино ва иншоотларидан самарали фойдаланиш таклифлари кўриб чиқилди. Тижорат банклари ва мутасаддиларга тадбиркорлар билан ҳамкорликда истиқболли лойиҳаларни йўлга қўйиш вазифаси юклатилди.

Каналга уланиш: https://t.iss.one/murodbekdavlatov