Сурхондарё вилоятида фаолият юритмаётган корхоналарни соғломлаштириш, ишлаб чиқариш ҳажмларини ошириш ва янги иш ўринлари яратиш вазифалари белгиланган.

Хусусан, "Миллий банк" АТБ иштирокида Шеробод туманида фаолияти тўхтаб қолган текстиль фабрикаси ва йирик иссиқхона комплекси қайта ишга туширилмоқда. Текстиль корхонаси учун айланма маблағ ва ускуналар харидига 21 млн евро миқдорида кредит линияси очилди. Лойиҳа тўлиқ қувватда йилига 12 минг тонна ип-калава ишлаб чиқариб, 700 та янги иш ўрни яратади.

"NBU Assets Manajment" МЧЖ иссиқхонада интенсив усулда резавор экинлар — малина, булғор қалампири, бодринг, помидор ва бошқа сабзавотлар етиштириш йўлга қўймоқда.

Вилоят ҳокими мазкур лойиҳаларда амалга оширилган ишлар ва мавжуд муаммоларни ўрганиб, фаолиятни ривожлантириш бўйича чора-тадбирларни белгилаб берди.

Ташриф давомида "Сурхонсементинвест" хорижий корхонаси фаолияти ҳамда фермер хўжаликларидаги пахта ҳосилдорлиги ҳам кўздан кечирилди.

Каналга уланиш: https://t.iss.one/murodbekdavlatov

Бугун Термиз шаҳридаги Ёшлар марказида тўртинчи "Устозлар миллий форуми" бўлиб ўтди.

Мазкур форумда Сурхондарё вилояти ҳокими Улуғбек Қосимов иштирок этиб, тадбирда жам бўлган 700 нафардан зиёд ўқитувчилар орқали бутун вилоят педагогларини мустақилликнинг 34 йиллик байрами ва "Билимлар куни" билан табриклади.

Тадбир якунида таълим-тарбия соҳасида алоҳида ютуқларга эришган, фаол, ташаббускор, изланувчан ва намунали педагоглардан иборат 30 нафар ўқитувчи вилоят ҳокимининг фахрий ёрлиқ ва эсдалик совғалари билан тақдирланди.

Вилоятнинг таниқли санъаткорлари иштирокидаги концерт дастури тадбир иштирокчиларига янада кўтаринкилик бағишлади.

Каналга уланиш: https://t.iss.one/murodbekdavlatov