Сурхондарё вилоятида аҳоли билан бевосита ишлайдиган тизимда самарадорликни ошириш мақсадида маҳаллаларда "еттилик" фаолияти ўрганилмоқда. Ушбу йўналишда, "еттилик" аъзоларининг мутасадди ташкилотлар билан ҳамкорлигини кучайтириш, ҳудуддаги муаммоларни манзилли ҳал этишга қаратилган ишлар амалга оширилмоқда.

Шу мақсадда вилоят ҳокими Улуғбек Қосимов ҳар кунлик иш режаси доирасида ҳудудларда маҳалла "еттилиги" билан учрашувлар ўтказмоқда. Навбатдаги учрашув Термиз туманидаги оғир тоифадаги маҳаллалардан бири — "Учқизил" маҳалласида бўлиб ўтди.

Вилоят ҳокими раҳбарлигида ташкил этилган учрашувда тегишли вилоят бошқармалари, туман раҳбарлари ҳамда барча маҳалла "еттилиги" аъзолари иштирок этди.

Тадбирда маҳаллаларда инфратузилмани яхшилаш, аҳоли турмуш шароитларини ошириш, муаммоларни аниқ ва манзилли ҳал этиш бўйича устувор вазифалар белгилаб берилди.

Каналга уланиш: https://t.iss.one/murodbekdavlatov

Сурхондарё вилояти ҳокими Улуғбек Қосимов қурилиш, саноат ва коммунал соҳаларда амалга оширилаётган ишлар ҳамда лойиҳалар ижроси билан танишиш ишларини Термиз туманида давом эттирди.

Хусусан, "Termez National Carpets" МЧЖнинг гилам ва гилам маҳсулотлари ишлаб чиқариш корхонасида мавжуд муаммолар, фаолиятини соғломлаштириш бўйича режалар ҳамда тадбиркорнинг бошқа ташаббуслари тақдимоти, шунингдек, шу ерда электр энергияси, газ, ичимлик суви таъминоти, йўл ва бошқа коммунал йўналишлар бўйича куз-қиш мавсумига тайёргарлик ва қурилиш лойиҳаларини инфратузилма билан таъминлаш вазифалари юзасидан тақдимот кўриб чиқилди.

"Янги Ўзбекистон" массивига туташ ҳудудида Ёшлар саноат зонаси лойиҳаси қурилишини бошлаш топшириғи берилди. Лойиҳа доирасида массивда истиқомат қилувчи ишсиз фуқаролар ҳамда олийгоҳларда таҳсил олаётган талабаларнинг бандлиги таъминланади.

Туманнинг "Жўйжангал" маҳалласида давлат-хусусий шерикчилик асосида автошоҳбекат лойиҳаси қурилиши ўрганилди.

Каналга уланиш: https://t.iss.one/murodbekdavlatov

Қишлоқ хўжалигида замонавий илм-фан ютуқларини амалиётга жорий этиш, хусусан, селекция ишларини кучайтириш ва ҳосилдорликни ошириш йўналишида изчил чора-тадбирлар кўрилмоқда. Айниқса, иқлим ва тупроқ шароитига мос, юқори унумдор навларни апробация қилиш — яъни маҳаллий шароитларда синаб кўриш ишлари амалга оширилмоқда.

Жумладан, Сурхондарё вилоятида ғўзанинг янги, юқори ҳосилдор навларини апробация қилиш ишлари изчиллик билан давом эттирилмоқда. Вилоят ҳокими Улуғбек Қосимов Термиз, Ангор ва Музработ туманларида амалга оширилаётган апробация жараёнлари билан яқиндан танишди.

Ташриф давомида янги навларнинг ҳосилдорлик кўрсаткичлари, иқлим шароитига мослиги, шунингдек, уларни парваришлаш ва суғориш билан боғлиқ агротехник тадбирлар муҳокама қилинди.

Масъуллар ва фермерларга иссиқ иқлим шароитларини инобатга олган ҳолда ғўза қатор ораларига енгил ишлов бериш ҳамда суғориш ишларини ўз вақтида ва тизимли ташкил этиш юзасидан тегишли кўрсатмалар берилди.

Каналга уланиш: https://t.iss.one/murodbekdavlatov