Сурхондарёда навбатдаги йирик лойиҳа – умумий қиймати 50 миллион АҚШ долларига тенг "Оби ҳаёт парк" мажмуаси қурилиши бошланди. Лойиҳа "Сурхон" дарёсининг Термиз туманидан ўтувчи қисмида, 20 гектар майдонда амалга оширилади.

Ташаббус доирасида 42 та турар ва нотурар объектлар, жумладан, кўп қаватли уй-жойлар, 250 ўринли иккита меҳмонхона, ресторан ва кафе, фитнес клублар, кўнгилочар масканлар ҳамда 24 соат фаолият юритувчи туризм кўчалари барпо этилади.

Дарёнинг табиий оқимини сақлаган ҳолда барча хавфсизлик талаблари таъминланади, қирғоқлар мустаҳкамланади ва кўприклар ҳамда турли бизнес ва кўнгилочар объектлар қурилади.

Лойиҳа нафақат ҳудуд инфратузилмаси ва шаҳарсозлик кўринишини яхшилайди, балки кўплаб иш ўринлари яратиб, аҳоли фаровонлиги ва иқтисодий барқарорликка ҳисса қўшади.

Тамал тоши қўйиш маросимида вилоят ҳокими Улуғбек Қосимов, нуронийлар, фаоллар, мутасадди идоралар вакиллари иштирок этди.

Каналга уланиш: https://t.iss.one/murodbekdavlatov

Сурхондарё вилоятида пахта йиғим-терими ишлари уюшқоқлик билан амалга оширилмоқда. Ҳосилни қисқа муддатда, ёғинли кунларга қолдирмасдан йиғиб олиш сифатни таъминлаш билан бирга фермер хўжаликлари ва оилавий пудратларнинг юқори даромад олишига хизмат қилади.

Шу мақсадда жорий йил ҳосилини қисқа муддатда йиғиштириб олиш мақсадида вилоятга 60 та замонавий терим машиналари олиб келинди. Айни кунларда ушбу техника ёрдамида ҳосил йиғим-терими ишлари қизғин давом этмоқда.

Бугун Сурхондарё вилояти ҳокими Улуғбек Қосимов Қизириқ туманига ташрифи чоғида "Глобал Техтил" МЧЖнинг пахта далаларида терим машиналарининг иш жараёнлари ва йиғилаётган ҳосил ҳолати билан танишди.

Ташриф давомида терим жараёнларини сифатли ташкил этиш, терим машиналаридан айниқса теримчиларни жалб қилиш имконияти чекланган ҳудудларда самарали фойдаланиш зарурлиги қайд этилди ва тегишли кўрсатмалар берилди.

Каналга уланиш: https://t.iss.one/murodbekdavlatov

Қизириқ туманидаги "Такия" маҳалласида дастурга асосан янги трансформатор пункти, 83 дона темир бетон устунлар ўрнатилиб 2,4 км тармоқ тортилди, 4 км ички хўжалик йўллари асфалтланди, яна 2,5 км йўлни йил якунига қадар асфалтланади.

Шунингдек, 3 километрдан ортиқ янги ичимлик суви тармоғи тортилиши натижасида 680 нафар аҳоли илк бор тоза ичимлик суви билан таъминланди ҳамда 4 та жойда таъмирлаш ишлари амалга оширилиб, 160 та хонадонда яшовчи 640 нафар аҳолининг ичимлик суви таъминоти яхшиланди.

Маҳалланинг асосий кўчаси "Намунали" кўчага айлантирилиб, аҳоли учун воиш усулида узум етиштириш учун шароитлар яратилди. Кам таъминланган оилалар ижтимоий кўллаб-қувватланиб, ишсиз фуқароларнинг бандлиги таъминланди.

Бугун вилоят ҳокими Улуғбек Қосимов Қизириқ туманига ташрифи давомида ушбу маҳаллада амалга оширилган ишлар ижросини ўрганди, маҳалла нуронийлари ва фаоллари билан суҳбатлашди. Шунингдек, маҳаллада аҳолининг тадбиркорлик лойиҳалари билан ҳам танишилди.

Каналга уланиш: https://t.iss.one/murodbekdavlatov