Мамлакатимиз мустақиллигининг ўттиз тўрт йиллиги арафасида турли соҳаларда самарали меҳнати, юртимиз тараққиёти ва халқимиз фаровонлигига қўшган муносиб ҳиссаси учун бир қатор ватандошларимиз юксак давлат мукофотлари билан тақдирланди.

Мукофотланганлар орасида 12 нафар сурхондарёлик юртдошимиз ҳам бор. Бугун вилоят ҳокимлиги мажлислар залида орден ва медалларни уларга тантанали равишда топшириш маросими бўлиб ўтди.

Тадбирда Сурхондарё вилояти ҳокими Улуғбек Қосимов иштирок этиб, барча қатнашчиларни мустақиллик байрами билан самимий муборакбод этди ҳамда давлатимизнинг юксак мукофотларини эгаларига топширди.

Маросимда сўзга чиққан мукофотланувчилар юксак эътибор ва эътироф учун давлатимизга чуқур миннатдорлик изҳор этдилар.

Шунингдек, диний-маърифий соҳада самарали меҳнат қилаётган бир гуруҳ фидойиларга вилоят ҳокимлигининг фахрий ёрлиқ ва совғалари топширилди.

Каналга уланиш: https://t.iss.one/murodbekdavlatov

Президентимиз Фармонига мувофиқ, мамлакатимиз мустақиллигининг 34 йиллиги арафасида юксак давлат мукофотларига сазовор бўлган юз ёшдан ошган пиру-бадавлат отахон ва онахонлар сафида Шўрчи тумани "Қоқайди" маҳалласида истиқомат қилаётган 103 ёшли Икрам бобо Табаров ҳам бор.

Бугун Сурхондарё вилояти ҳокими Улуғбек Қосимов Икрам бобонинг хонадонида бўлиб, давлатимиз раҳбари номидан "Шуҳрат" медали, байрам табриги ва совғаларни топширди.

Икрам бобо 42 йилдан зиёд тракторчи бўлиб ишлаб, пахта ва ғалла етиштириш ҳамда қишлоқ аҳолисининг турмуш шароитларини яхшилашга муносиб ҳисса қўшган.

Ҳозирда отахон 12 фарзанд, 42 невара, 22 чевара ва эваралари ардоғида фаровон умр кечирмоқда. Шу билан бирга, ёш авлодга суронли даврларга тўғри келган болалик, ўспиринлик ва ёшлик йиллари, мудҳиш уруш ҳамда урушдан кейинги оғир даврларда кўрган-кечирганларини ҳикоя қилиб, уларни Ватанга муҳаббат, юртга садоқат ва миллий қадриятларга ҳурмат руҳида тарбиялашга ҳисса қўшиб келмоқда.

Каналга уланиш: https://t.iss.one/murodbekdavlatov