Сурхондарё вилояти ҳокими Улуғбек Қосимов Ангор туманига ташрифи давомида "Хўжонқон" маҳалласидаги "Беш ака-ука" оилавий корхонаси ҳамда "Янгиобод" маҳалласидаги "Эко Само Мебель" МЧЖнинг мебелчилик ва мебель маҳсулотлари ишлаб чиқариш фаолиятини ўрганди.

Аввалги ташрифларда берилган топшириқларга асосан, тадбиркорлар фаолияти қўллаб-қувватланиб, ишлаб чиқаришни кенгайтиришга амалий ёрдам кўрсатилган.

Вилоят раҳбари тадбиркорлар ва маҳалла ҳоким ёрдамчилари билан суҳбатда ишлаб чиқариш қувватларини янада кенгайтириш, "драйвер" лойиҳаларни қўллаб-қувватлаш ҳамда доимий иш ўринлари сонини ошириш юзасидан тавсия ва кўрсатмалар берди.

Шунингдек, ташриф давомида туман марказидан оқиб ўтувчи канал бўйида барпо этилаётган 24/7 режимида фаолият кўрсатадиган кўча қурилиш жараёнлари ҳам ўрганилди. Бу ерда ишларни жадаллаштириш, савдо ва хизмат кўрсатиш нуқталарини босқичма-босқич ташкил этиш бўйича вазифалар топширилди.

Каналга уланиш: https://t.iss.one/murodbekdavlatov

Вилоят раҳбари Ангор тумани "Баҳор" маҳалласида жойлашган чармга ихтисослаштирилган ёшлар саноат ва тадбиркорлик зонасида лойиҳалар ижросини ўрганди.

Дастлаб "Равон Диёр" МЧЖ томонидан қишлоқ хўжалиги маҳсулотлари учун пластмасса саватлар ишлаб чиқариш фаолияти кўздан кечирилди. Қиймати 1,6 миллиард сўм бўлган мазкур лойиҳа йилига 100 минг дона маҳсулот ишлаб чиқариш қувватига эга. Тадбиркор билан мавжуд муаммолар ва келгусидаги режалар юзасидан суҳбат қилинди.

Шунингдек, "Сурхаш Мото" МЧЖнинг электр скутерлар йиғиш ва етказиб бериш фаолияти, замонавий агромажмуа ҳамда "ин-витро" лабораторияси ташкил этиш, "Ангор Агро Стар" МЧЖнинг агросаноат комплекси барпо этиш лойиҳалари тақдимотлари ҳам кўриб чиқилди.

Ёшлар саноат ва тадбиркорлик зонасида амалга оширилаётган лойиҳаларни тезкорлик билан ишга тушириш, мавжуд муаммоларни бартараф этиш ва тадбиркорларни қўллаб-қувватлаш бўйича аниқ чора-тадбирлар белгиланди.

Каналга уланиш: https://t.iss.one/murodbekdavlatov