Сурхондарё вилояти ўзининг табиий ресурслари, эко ва тиббий туризм йўналишларидаги бой салоҳияти билан халқаро инвесторларни тобора кўпроқ ўзига жалб этмоқда. Жумладан, Хўжаикон туз ғорида янги туризм лойиҳаларини амалга ошириш бўйича қатор компаниялардан таклифлар келиб тушмоқда.

Бугун Сурхондарё вилояти ҳокими Улуғбек Қосимов ушбу йўналишдаги ташаббуслар билан вилоятга ташриф буюрган Kapayurt Soon компанияси директори, шунингдек импорт-экспорт, инвестиция ва онлайн савдо платформалари асосчиси Абдул Карим бошчилигидаги делегацияни қабул қилди.

Учрашувда инвестор томонидан эко ва тиббий туризм соҳасида амалга оширилиши режалаштирилаётган лойиҳалар тақдимоти ўтказилди. Шунингдек, уларнинг техник-иқтисодий асослари ҳамда истиқболдаги натижалари ҳақида маълумот берилди.

Томонлар мутахассислар иштирокида лойиҳани чуқур ишлаб чиқиш, жой танлаш ва йўналишларини аниқлаш ҳамда амалга ошириш босқичлари юзасидан кенг қамровли музокаралар олиб боришга келишиб олдилар.

Каналга уланиш: https://t.iss.one/murodbekdavlatov

Юртимизда спорт турларини ривожлантириш, Олимпия ва Паралимпия ҳаракатларини қўллаб-қувватлаш ҳамда аҳоли ўртасида соғлом турмуш тарзини кенг тарғиб этиш мақсадида тизимли ишлар олиб борилмоқда.

Шу мақсадда, Ўзбекистон Миллий Олимпия қўмитаси томонидан Термиз Олимпия ва Паралимпия спорт турларига тайёрлаш марказига янги спорт анжомлари топширилди. Тантанали маросимда Сурхондарё вилояти ҳокими Улуғбек Қосимов, спорт соҳаси мутасаддилари, мураббийлар ҳамда ёш спортчилар иштирок этди.

Вилоят раҳбари юборилган спорт анжомлари ва жиҳозлар ёш олимпия ва паралимпиячиларнинг машғулотлар самарадорлигини ошириш, иқтидорли спортчиларни тайёрлаш ҳамда спорт салоҳиятини юксалтиришга хизмат қилишини таъкидлади.

Марказга учта йирик юк машинасида етказилган спорт анжомлари асосий спорт турлари билан шуғулланиш учун замонавий ва қулай шароитлар яратиб бериши билан аҳамиятлидир.

Каналга уланиш: https://t.iss.one/murodbekdavlatov

Бугун Сурхондарё вилоятидаги 90 та умумтаълим мактаби замонавий ахборот технологиялари жиҳозлари билан таъминланди. Термиз шаҳридаги 9-сонли мактабида бўлиб ўтган тадбирда Сурхондарё вилояти ҳокими Улуғбек Қосимов иштирок этиб, мактабларга техник жиҳозларни тантанали равишда топширди.

Вилоят раҳбари ушбу мактабдаги замонавий робототехника ва инженерия маркази билан танишди. Бу каби марказ ҳозирда вилоят миқёсида фақат икки мактабда ташкил этилмоқда.

Ҳоким мутасаддиларга ҳар бир туман ва шаҳарда камида биттадан шундай марказларни ташкил этиш бўйича аниқ ҳисоб-китоблар ва амалий таклифлар тайёрлаш вазифасини юклатди.

Шунингдек, вилоят раҳбари Термиз шаҳридаги 15-сонли мактабда амалга оширилаётган қурилиш-таъмирлаш ишлари ҳамда янги ўқув йилига тайёргарлик ҳолати билан танишди. Мутасаддиларга барча ишлар белгиланган муддатда тўлиқ якунланиб, мактабни янги ўқув йилини муносиб даражада бошлашга тайёр ҳолатга келтириш топшириғи берилди.

Каналга уланиш: https://t.iss.one/murodbekdavlatov