Бугун Сурхондарё вилояти ҳокими Улуғбек Қосимов Денов туманига ташриф буюриб, мазкур ишлар ижросини ўрганди.

Хусусан, "Сўфи Оллаёр" маҳалласида барпо этилаётган 9 қаватли 180 хонадонли турар-жойлар мажмуасида олиб борилаётган пардоз ишлари кўздан кечирилди. Шунингдек, туман марказидаги турар-жойлар, инфратузилма объектлари ва янги лойиҳалар тақдимотлари муҳокама қилинди.

Қурилиш жараёнларини жадаллаштириш, инфратузилмани ривожлантириш ва тақдим этилган янги лойиҳалар бўйича тавсиялар берилди.

Шу билан бирга, оқова сувларни тозалаш иншооти ва тармоқларни реконструкция қилиш ишлари ҳам кўриб чиқилди. Лойиҳада мавжуд муаммоларни тегишли вазирликлар кўмагида бартараф этиш ва қурилишни сифатли давом эттириш чоралари белгиланди.

Якунда Денов тумани ҳокимлигида мутасаддилар ҳамда шаҳар ва туман ҳокимларининг қурилиш масалалари бўйича ўринбосарлари иштирокида йиғилиш ўтказилиб, давлат дастурлари ва лойиҳалар ижроси муҳокама қилинди.

Каналга уланиш: https://t.iss.one/murodbekdavlatov

Вилоятимиз миришкорлари 2025 йил ҳосили учун 62 минг 850 гектар майдонда ғўза парваришлаб, мўл ҳосил етиштиришди. Иссиқ иқлим ва унумдор тупроқ туфайли парваришланган пахта ҳосили пишиб етилди.

Бугун қатор ҳудудларимизда пахта йиғим-терими бошланди. Вилоят ҳокими Улуғбек Қосимов Термиз, Ангор ва Музработ туманларидаги пахта далаларида терим жараёнлари ҳамда теримчилар учун яратилган шароитлар билан танишди. Теримчилар билан суҳбатлашиб, уларни рағбатлантириш мақсадида совғалар топширди.

Вилоят раҳбари терим жараёнларини уюшқоқлик билан ташкил этиш, теримчилар учун далаларда иссиқ овқат, тоза ичимлик суви, дам олиш масканлари ва зарур шароитлар яратиш бўйича мутасаддиларга топшириқлар берди.

Маълумот ўрнида, ҳосилни ўз вақтида ва сифатли йиғиб олиш учун 1 277 та терим отряди ташкил этилган, уларга 1 010 та ташиш трактори ва 1 965 та тиркама бириктирилган. Шунингдек, терим ишларини тез ва самарали якунлаш мақсадида 60 та янги пахта териш машинаси сотиб олинди.

Каналга уланиш: https://t.iss.one/murodbekdavlatov