Вилоят ҳокими Сариосиё тумани "Янги Ўзбекистон" массивида барпо этилаётган кўп қаватли турар жойлар, оилавий поликлиника ва бошқа ижтимоий объектлар қурилишини кўздан кечирди.

Масъулларга ҳудудни ободонлаштириш, яшил майдонлар ташкил этиш ҳамда суғориш тизимларини ўрнатиш бўйича аниқ вазифалар белгилаб берилди.

"Сариосиё Малл" савдо мажмуаси ва кўп қаватли турар жойлар комплексини барпо этиш, ҳудудни ижтимоий-иқтисодий ривожлантириш лойиҳалари тақдимот қилинди. Кейинги манзилларда туман марказини ободонлаштириш, инфратузилмани яхшилаш ишлари ўрганилди. Хусусан, 9-сонли мактабнинг 570 ўринли қўшимча ўқув биноси қурилиш жараёнлари билан танишилди.

Шунингдек, "Бойсунобод" маҳалласи ҳудудида ҳарбий қисм дала ўқув майдонида олиб борилаётган қурилиш таъмирлаш ишлари ўрганилди ҳамда "Ҳулкар" маҳалласида асаларичилик билан шуғулланаётган оила хонадонига ҳам ташриф буюрилди.

Ўрганиш якунида қурилиши юзасидан муҳокама ўтказилди.

Каналга уланиш: https://t.iss.one/murodbekdavlatov

Сурхондарё вилоятида "Фермер хўжаликларида кўп тармоқли фаолиятни ривожлантириш муаммолари ва вазифалари" мавзусида амалий конференция ўтказилди. Тадбирда вилоят ҳокими Улуғбек Қосимов, Ўзбекистон фермерлари кенгаши раиси ўринбосари Тўлқин Саттаров, Қишлоқ хўжалиги вазирлиги департаменти бошлиғи Иззатилла Икрамов ҳамда марказий ва ҳудудий масъуллар, шунингдек фермер хўжаликлари раҳбарлари иштирок этдилар.

Конференцияда фермерлик ҳаракатини ривожлантириш, кўп тармоқли фаолиятни қўллаб-қувватлаш, мавжуд муаммолар ва уларнинг ечимлари бўйича фикр-мулоҳазалар билдирилди. Шунингдек, устувор вазифалар ҳамда амалий чора-тадбирлар белгилаб олинди.

Йиғилиш якунида беш нафар ташаббускор ва фаолиятида юқори натижаларга эришган фермер хўжаликлари раҳбарлари "Илғор фермер" кўкрак нишони билан тақдирланди. Шунингдек, Бандихон туманидаги "Омад" фермер хўжалиги раҳбари, "Шуҳрат" медали соҳиби Ботир Ражабовга эсдалик совғалар топширилди.

Каналга уланиш: https://t.iss.one/murodbekdavlatov

Вилоят ҳокими Улуғбек Қосимов Термиз туманидаги пахта қабул қилиш масканида Хитойдан олиб келинган замонавий FM WORLD 4MZ-4 русумли пахта териш машиналари билан танишди. Шунингдек, кластер ва фермер хўжаликлари билан мавсумий вазифалар ижроси муҳокама қилинди. Туман раҳбарияти ва масъуллар томонидан амалга оширилаётган ишлар ва мавжуд муаммолар юзасидан ахборот берилди.

Вилоят раҳбари пахта териш машиналаридан самарали фойдаланиш, терим олди агротехник тадбирларни сифатли бажариш зарурлигини таъкидлади. Шу билан бирга, "Нурмуҳаммад Мафтуна" фермер хўжалигида ҳосилдорлик ва тайёргарлик ишлари жойига чиқиб ўрганилди.

Ташриф давомида ҳоким Ангор туманидаги "Навшаҳар" канали реконструкцияси жараёнлари билан танишди. Ишларни жадаллаштириш ва лойиҳани белгиланган муддатда якунлаш бўйича топшириқлар берилди.

Каналга уланиш: https://t.iss.one/murodbekdavlatov