Бугун Термиз шаҳридаги Ёшлар марказида тўртинчи "Устозлар миллий форуми" бўлиб ўтди.

Мазкур форумда Сурхондарё вилояти ҳокими Улуғбек Қосимов иштирок этиб, тадбирда жам бўлган 700 нафардан зиёд ўқитувчилар орқали бутун вилоят педагогларини мустақилликнинг 34 йиллик байрами ва "Билимлар куни" билан табриклади.

Тадбир якунида таълим-тарбия соҳасида алоҳида ютуқларга эришган, фаол, ташаббускор, изланувчан ва намунали педагоглардан иборат 30 нафар ўқитувчи вилоят ҳокимининг фахрий ёрлиқ ва эсдалик совғалари билан тақдирланди.

Вилоятнинг таниқли санъаткорлари иштирокидаги концерт дастури тадбир иштирокчиларига янада кўтаринкилик бағишлади.

Каналга уланиш: https://t.iss.one/murodbekdavlatov

Бугун Шўрчи тумани "Оққўрғон" маҳалласида жойлашган автомобилларга суюлтирилган газ қуйиш шохобчасида нохуш ҳодиса рўй берди. Ёқилғи ташувчи автосистернадан ёқилғи сақлаш резервуарига қуйиш жараёнида технологик қоидалар бузилиши натижасида чақнаш содир бўлиб, ёнғин келиб чиққан.

Ҳодиса жойига Фавқулодда вазиятлар хизмати ходимлари тезкор етиб бориб, ёнғинни бартараф этди.

Сурхондарё вилояти ҳокими Улуғбек Қосимов, вилоят прокурори, вилоят ИИББ бошлиғи ҳамда бошқа мутасадди идоралар раҳбарлари билан воқеа жойида бўлиб, жабрланганларга ёрдам кўрсатиш ҳолати, ёнғин келиб чиқиш сабаблари ва етказилган зарар ҳажмини ўрганиш ишлари билан танишди.

Вилоят раҳбари масъулларга ҳодиса оқибатларини тезкор бартараф этиш, аҳоли хавфсизлигини таъминлаш, жабрланганларга тиббий, моддий ва маънавий кўмак бериш бўйича аниқ вазифалар юклатди.

Шундан сўнг, жорий йил 4 август куни туманнинг "Боботоғ" маҳалласдаги уч қаватли савдо марказида содир бўлган ёнғин оқибатларини бартараф этиш ишлари ҳамда бозор ҳудуди кўздан кечирилди. Ўрганиш давомида махсус техникалар ҳаракатланиши учун йўллар ёпиб қўйилгани ва хавфсизлик қоидаларига риоя этилмагани танқид қилиниб, мавжуд камчиликлар кўрсатиб ўтилди.

Туман ҳокимлигида видеоконференсалоқа орқали шаҳар ва туманлар студияларидаги мутасаддилар, фавқулодда вазиятлар тузилмалари, бошқа ҳуқуқни муҳофаза қилувчи ва масъул идоралар раҳбарлари ҳамда ёқилғи қуйиш шаҳобчалари раҳбарлари билан ҳар икки ёнғиннинг келиб чиқиш сабаблари ва оқибатлари муҳокама қилинди.

Йиғилишда масъул органлар ва тузилмалар ходимларидан иборат ишчи гуруҳлар тузилиб, вилоятдаги барча турдаги ёқилғи қуйиш шохобчалари, бозорлар, йирик савдо комплекслари ва бошқа объектларда техника ҳамда ёнғин хавфсизлиги талабларини тўлиқ қайта ўрганиш топширилди. Шунингдек, бир ҳафта муддатда асосий турдаги озиқ-овқат маҳсулотлари нархлари барқарорлигини таъминлаш, ободонлаштириш ва махсус техникалар ҳаракатланиши учун шароит яратиш вазифалари белгиланди.

Ўрганишлар давомида аниқланган камчиликларни тезкор бартараф этиш, шунингдек, ушбу вазифаларга совуққонлик билан қараган ва инсон ҳаёти билан боғлиқ ҳолатларга бепарволик қилган шахсларга нисбатан кескин чоралар кўриш топширилди.

Каналга уланиш: https://t.iss.one/murodbekdavlatov

Кеча Президентимиз раислигида тўқимачилик соҳасида экспорт имкониятлари ва захиралардан самарали фойдаланиш масалалари юзасидан видеоселектор йиғилиши ўтказилиб, бир қатор вазифалар белгиланди.

Бугун вилоят ҳокими Улуғбек Қосимов раҳбарлигида мазкур вазифалар ижроси доирасида озиқ-овқат хавфсизлиги, гўшт маҳсулотлари нархининг барқарорлигини таъминлаш, тўқимачилик корхоналарини соғломлаштириш ва маиший коррупциянинг олдини олиш масалалари муҳокама қилинди.

Йиғилишда соҳалар, тармоқлар ва ҳудудлар кесимида кун тартибидаги масалалар ижроси танқидий таҳлил қилиниб, масъулларнинг ҳисоботлари тингланди. Бозорларда асосий турдаги озиқ-овқат маҳсулотлари, жумладан гўшт нархини барқарор ушлаб туриш, арзонлаштирилган савдо ярмаркаларини ташкил этиш вазифалари белгилаб берилди.

Шунингдек, тўқимачилик корхоналари фаолиятини тиклаш ва соғломлаштириш, ишлаб чиқариш ҳажми ҳамда иш ўринларини кўпайтириш, маиший коррупциянинг олдини олиш бўйича чора-тадбирлар белгиланди.

Каналга уланиш: https://t.iss.one/murodbekdavlatov