Сурхондарё вилояти ҳокими Улуғбек Қосимов Жарқўрғон туманидаги "Нефтчилар" маҳалласида вазифалар ижроси билан танишди. Белгиланган режаларга мувофиқ, маҳаллада ички йўллар таъмирланди, ариқлар бетонлаштирилди, электр таъминотини яхшилаш мақсадида бетон устунлар ўрнатилди.

6,3 минг нафар аҳоли яшовчи ушбу маҳалланинг асосий драйвери — деҳқончилик, иссиқхона хўжалиги, шунингдек, савдо ва хизмат кўрсатиш соҳаларидир. Жорий йилнинг ўтган даври мобайнида мазкур йўналишларда 78 та янги иш ўрни яратилган.

Вилоят раҳбари "маҳалла еттилиги" аъзолари, нуронийлар ва фаоллар иштирокида ҳудуддаги мавжуд муаммоларни ўрганди. Ички йўлларни таъмирлашни якунлаш, коммунал хизматлар сифати ва қамровини ошириш, шунингдек, янги иш ўринлари яратишга қаратилган микролойиҳаларни амалга ошириш юзасидан тегишли топшириқлар берилди.

Шунингдек, маҳалла марказида ташаббускорлар иштирокида сайлгоҳ барпо этиш лойиҳасини ишлаб чиқиш ва тақдимотга тайёрлаш вазифаси юклатилди.

Каналга уланиш: https://t.iss.one/murodbekdavlatov

Вилоят ҳокими Улуғбек Қосимов Жарқўрғон туманида "SAG Agro Jarqo‘rg‘on" МЧЖ томонидан 1 670 гектар майдонда амалга оширилаётган, умумий қиймати 20 миллион доллар бўлган боғдорчилик лойиҳаси билан танишди. Ушбу лойиҳа доимий 150 нафар, мавсумий 400 нафар фуқарони иш билан таъминлаш имконини беради. Шунингдек, ҳар йили 400 тонна бодом етиштирилиши ва 2 миллион долларлик маҳсулот экспорт қилиниши режалаштирилган.

Шундан сўнг, "Petromaruz Uzbekistan" хорижий корхонасига тегишли "Какайди" нефть конининг 2-сонли қудуғидаги нефть қазиб олиш ишлари билан танишилди. Мутасаддилар маҳсулдорлик даражаси ва захиралар ҳолати юзасидан маълумот берди.

Ташриф давомида "Агро қурилиш" МЧЖнинг "Сурхон Парк" дам олиш маскани, "Чинни Ой Сервис" МЧЖнинг логистика маркази ҳамда "Омад Денов" хусусий корхонасининг қурилиш материаллари савдо ва хизмат кўрсатиш нуқталари қурилишига тамал тоши қўйилди.

Якунда Қумқўрғон туманида Ёшлар тадбиркорлик ва саноат зонаси қурилиши ўрганилди.

Каналга уланиш: https://t.iss.one/murodbekdavlatov

Сурхондарё вилоятида туризм салоҳиятини ошириш мақсадида 615 гектар майдонда барпо этилаётган "Сангардак" туристик марказидаги лойиҳалар халқаро миқёсдаги компаниялар билан ҳамкорликда амалга оширилмоқда.

Жумладан, мазкур марказнинг мастер-режасига асосан, 16 гектар майдонда Австриянинг "INPUT Projektentwicklungs-GmbH" компанияси томонидан ишлаб чиқилган лойиҳалар қурилиши бошланди.

Тадбирда Сурхондарё вилояти ҳокими Улуғбек Қосимов, тегишли ташкилотлар масъул раҳбарлари, тадбиркорлар, нуронийлар ва фаоллар иштирок этдилар.

Эслатиб ўтамиз, ушбу лойиҳалар жорий йилнинг 30 июль куни вилоят ҳокимлигида тақдимот қилинган эди.

Каналга уланиш: https://t.iss.one/murodbekdavlatov