2024 йил 23 декабрь куни Денов туманида шароити талаб даражасига жавоб бермайдиган қурилиш материаллари ва мол бозорлари ўрнида замонавий савдо мажмуаларини барпо этишга старт берилган эди. Бугун ушбу лойиҳа доирасида туманнинг "Қизилсув" дарёси бўйида қайта қурилган ва замонавий шароитлар билан таъминланган "Денов чорва бозори", "Денов тахта бозори" ҳамда "Денов темирчилар бозори" фойдаланишга топширилди.

Тантанали очилиш маросимида вилоят ҳокими Улуғбек Қосимов, туман фаоллари ва нуронийлари, мутасадди раҳбарлар, тадбиркорлар ҳамда жамоатчилик вакиллари иштирок этди.

Шу билан бирга, ушбу ҳудудда жойлашган темирчилик ҳамда бошқа савдо нуқталарини ташкил этиш ишларига старт берилди. Лойиҳа қисқа муддатда ва юқори сифатда амалга оширилиши юзасидан тегишли топшириқлар берилди.

Шунингдек, "Саид Оталиқ" мадрасаси ва "Денов қалъаси" оралиғидаги ҳудудда инфратузилмани ривожлантириш ҳамда мавжуд биноларни реконструкция қилиш бўйича ишлар ҳам кўздан кечирилди.

Каналга уланиш: https://t.iss.one/murodbekdavlatov

Вилоят ҳокимининг ҳудудлардаги ўрганишларида белгиланган чора-тадбирлар асосида ҳар бир ҳудудда маҳаллалар инфратузилмасини яхшилаш, аҳоли турмуш даражасини оширишга қаратилган қатор ишлар амалга оширилди.

Жумладан, Шеробод туманидаги "Олтин воҳа" ҳамда Олтинсой туманидаги "Мўминқул" маҳаллаларида "Обод хонадон – обод кўча – обод маҳалла" мезонлари асосида ишлар жадал давом этмоқда. Мазкур маҳаллаларда ички йўллар асфалтланиб, электр ва ичимлик суви тармоқлари янгиланмоқда, ариқлар бетонлаштирилиб, оқова сув тизими яхшиланмоқда. Ижтимоий соҳа объектлари ҳамда ижтимоий ҳимояга муҳтож оилаларнинг турар жойлари таъмирланмоқда. Аҳоли бандлигини таъминлаш мақсадида қатор лойиҳалар йўлга қўйилмоқда.

Бугун Сурхондарё вилояти ҳокими Улуғбек Қосимов Шеробод туманидаги "Олтин воҳа" маҳалласида амалга оширилаётган ишлар ҳолати билан танишди. Маҳалла "еттилиги" аъзолари ва масъуллар томонидан амалга оширилган ишлар ва келгусидаги режалар юзасидан ахборот берилди.

Каналга уланиш: https://t.iss.one/murodbekdavlatov

Сурхондарё вилоятида ҳам бюджет маблағлари ҳисобидан Термиз шаҳри ва барча туманларда жорий йил ҳар бир ҳудудда 20 километрдан йўл таъмирланди.

Бугун ушбу дастур доирасида Термиз шаҳридаги "Нурли келажак" маҳалласининг Гулшан кўчаси, "Жўйжангал" маҳалласининг Тагор кўчаси ҳамда "Маърифат" маҳалласининг Тохаристон кўчасида таъмирланган 20 километр йўл фойдаланишга топширилди.

Очилиш маросимида вилоят ҳокими Улуғбек Қосимов, нуронийлар, маҳалла фаоллари ва жамоатчилик вакиллари иштирок этди. Президентимизнинг ҳудудларда инфратузилмани яхшилаш ва аҳоли турмуш фаровонлигини оширишга қаратилган топшириқлари ижроси доирасида амалга оширилган мазкур ишлар учун давлат бюджетидан 60 млрд сўм йўналтирилди.

Шундан сўнг, тадбир иштирокчилари Тошкент тиббиёт академияси Термиз филиалида янгидан қурилаётган бинода жиҳозлаш ишлари ва яратилаётган шарт-шароитлар билан танишишди. Ишларни тез фурсатда якунлаш вазифалари белгилаб берилди.

Каналга уланиш: https://t.iss.one/murodbekdavlatov