Қишлоқ хўжалигида замонавий илм-фан ютуқларини амалиётга жорий этиш, хусусан, селекция ишларини кучайтириш ва ҳосилдорликни ошириш йўналишида изчил чора-тадбирлар кўрилмоқда. Айниқса, иқлим ва тупроқ шароитига мос, юқори унумдор навларни апробация қилиш — яъни маҳаллий шароитларда синаб кўриш ишлари амалга оширилмоқда.

Жумладан, Сурхондарё вилоятида ғўзанинг янги, юқори ҳосилдор навларини апробация қилиш ишлари изчиллик билан давом эттирилмоқда. Вилоят ҳокими Улуғбек Қосимов Термиз, Ангор ва Музработ туманларида амалга оширилаётган апробация жараёнлари билан яқиндан танишди.

Ташриф давомида янги навларнинг ҳосилдорлик кўрсаткичлари, иқлим шароитига мослиги, шунингдек, уларни парваришлаш ва суғориш билан боғлиқ агротехник тадбирлар муҳокама қилинди.

Масъуллар ва фермерларга иссиқ иқлим шароитларини инобатга олган ҳолда ғўза қатор ораларига енгил ишлов бериш ҳамда суғориш ишларини ўз вақтида ва тизимли ташкил этиш юзасидан тегишли кўрсатмалар берилди.

Каналга уланиш: https://t.iss.one/murodbekdavlatov

Аҳоли турмуш даражасини ошириш ва маҳаллаларда инфратузилмани янада яхшилаш мақсадида ҳудудларда "еттилик" фаолиятини самарали ташкил этиш, масъул ташкилотлар ўртасида ўзаро ҳамкорликни кучайтириш борасидаги ўрганиш ва муҳокама ишлари давом этмоқда.

Шу мақсадда навбатдаги тадбир Музработ туманида ташкил этилди. Вилоят ҳокими Улуғбек Қосимов раҳбарлигида "Орият" маҳалласида ўтказилган муҳокамада вилоят ва туман "еттилик" раҳбарлари, шунингдек, маҳалладаги "еттилик" аъзоларининг ҳисоботлари эшитилди.

Йиғилишда "еттилик" фаолиятида самарадорлик ва натижадорликни ошириш, асосий мақсад аҳоли розилигини таъминлаш эканлиги таъкидланди.

Шунингдек, "Орият" маҳалласида "обод хонадон, обод кўча, обод маҳалла" тамойиллари асосида инфратузилмани яхшилаш, ободонлаштириш ва аҳоли турмуш шароитларини яхшилаш бўйича аниқ вазифалар белгилаб олинди. Бундан ташқари, тумандаги барча маҳаллаларда камида биттадан кўчани шундай намунада ташкил этиш вазифаси қўйилди.

Каналга уланиш: https://t.iss.one/murodbekdavlatov

Сурхондарё вилояти ҳокими Улуғбек Қосимов Термиз шаҳрида амалга оширилаётган ободонлаштириш ва инфратузилмани такомиллаштириш ишлари билан танишди. Жумладан, Ислом Каримов кўчасида олиб борилаётган ишлар ҳамда аввалги ўрганишларда берилган топшириқларнинг ижроси кўздан кечирилди.

Кўча бўйлаб кўп қаватли уйлар атрофини ободонлаштириш, яшил ҳудудлар яратиш ва мавжудларини сақлаш, аҳоли учун дам олишга мўлжалланган қулай масканлар барпо этиш, шунингдек, замонавий савдо ва хизмат кўрсатиш нуқталарини ташкил этиш орқали ушбу ҳудудни янада жозибадор ва гавжум масканга айлантириш вазифалари белгиланди.

Шунингдек, ҳудуддаги инфратузилмавий лойиҳалар – хусусан, йўл ва ёритиш тизимлари, ободонлаштириш ишларига алоҳида эътибор қаратилди.

Каналга уланиш: https://t.iss.one/murodbekdavlatov

Япониялик тажрибали мураббий, 5-ДАН белбоғ соҳиби, Халқаро лицензияга эга устоз — Жунна Кикучи сурхондарёлик дзюдочиларни келгуси 1 йил давомида халқаро мусобақаларга тайёрлайди.

Бугун Термиз шаҳридаги Кураш мажмуасида вилоят ҳокими Улуғбек Қосимов япониялик дзюдо мураббийси Жунна Кикучи билан учрашув ўтказди ҳамда спортларимизнинг машғулотлари билан танишди.

Суҳбат давомида хорижийлик мураббий Сурхон спортчиларида катта салоҳият ва иқтидор борлигини таъкидлаб, уларни Олимпиада сингари йирик ареналарга олиб чиқиш учун барча билим ва кучини сарфлаган ҳолда тайёрлашини билдирди.

Вилоят раҳбари дзюдо федерацияси вилоят бўлими мутасаддиларининг ахборотларини тинглади. Хорижлик мураббийнинг тажрибасидан унумли фойдаланган ҳолда спортчиларимизни халқаро мусобақалар, айниқса Олимпиада ва Паралимпияда мусобақаларига пухта тайёрлаш вазифалари белгиланди.

Каналга уланиш: https://t.iss.one/murodbekdavlatov