Бугун Термиз шаҳри "Тинчлик" маҳалласида жойлашган коллекторнинг замонавий услубда ёпилган 1,2 км қисмида савдо ва хизмат кўрсатиш ҳамда автосервис нуқталари қурилишига старт берилди.

Тадбирда Сурхондарё вилояти ҳокими Улуғбек Қосимов иштирок этиб, лойиҳалар қурилишининг тамал тошини қўйиб берди.

Мазкур ташаббус "Аббос Яхё Келажак" МЧЖ томонидан амалга оширилаётган бўлиб, шу вақтгача ташландиқ ҳолда бўлган коллекторда сизот сувлари оқимини тўхтатмаган ҳолда ёпилган майдон устидан қурилган лойиҳалар инфратузилмани ривожлантириш, янги иш ўринлари яратиш ҳамда иқтисодий фаолликни ошириш ва бюджетга тушумларнинг ортишига хизмат қилади.

Каналга уланиш: https://t.iss.one/murodbekdavlatov

Вилоят ҳокими Улуғбек Қосимов Бойсундан Деновгача бўлган масофада йўл қурилиши ишларини ўрганди. Буюртмачи, лойиҳа ташкилоти, пудратчи ва субпудратчи корхоналар билан ҳамкорликда ҳар бир лот бўйича қурилиш жараёнлари ва кейинги босқичдаги лойиҳалаш ишлари кўриб чиқилди.

Жумладан, 4Р105 "Дарбанд–Бойсун–Элбаён" йўлининг 5–70 км ва 4Р100 "Манғузор–Жарқўрғон–Бандихон–Олтинсой–Денов" йўлининг 128–174 км оралиқларида олиб борилаётган ишлар билан танишилди. Масъуллар томонидан амалга оширилаётган ишлар юзасидан маълумот берилди ва лойиҳанинг кейинги босқичлари тақдим этилди.

Қурилиш суръатида кечикишларга сабаб бўлаётган омиллар муҳокама қилиниб, муаммоларни бартараф этиш бўйича аниқ чора-тадбирлар белгилаб олинди. Жумладан, ишларни жадаллаштириш ҳамда лойиҳалаш жараёнларини мавжуд инфратузилма ва ҳудуд релейфи хусусиятларини ҳисобга олган ҳолда олиб бориш вазифаси юкланди.

Каналга уланиш: https://t.iss.one/murodbekdavlatov

Ҳукуматнинг тегишли баёни ва топшириқлари асосида Денов туманини жадал комплекс ривожлантириш дастури тасдиқланиб, лойиҳаларни амалга ошириш учун маблағлар йўналтирилган.

Сурхондарё вилояти ҳокими Улуғбек Қосимов мазкур дастур доирасида амалга оширилаётган ишлар билан танишиш мақсадида Денов туманидаги "Кўзичоқли" маҳалласида жойлашган "Ёшлар саноат зонаси"да бўлди.

Ташриф давомида мутасаддилар томонидан туманни ижтимоий-иқтисодий ривожлантириш бўйича амалга оширилаётган лойиҳалар тақдимоти ўтказилди. Жумладан, "З.М.Бобур" маҳалласи ҳудудидаги "Саид Оталиқ" мадрасаси ва "Денов қалъаси" атрофидаги биноларни реконструкция қилиш, "Қизилсув" дарёсининг қирғоқларини мустаҳкамлаш асосида хизмат кўрсатиш объектлари, сайлгоҳ ва йирик савдо мажмуалари барпо этиш каби ташаббуслар ҳақида ахборот берилди.

Вилоят раҳбари тақдимотлар билан танишиб, ҳар бир йўналиш бўйича аниқ вазифалар ҳамда тегишли тавсия ва кўрсатмаларни берди.

Каналга уланиш: https://t.iss.one/murodbekdavlatov

Сариосиёда муҳим лойиҳалар ва устувор вазифалар ижроси ўрганилди

Сурхондарё вилояти ҳокими Улуғбек Қосимов Сариосиё туманига ташриф буюриб, аҳоли турмуш шароитини яхшилаш, ёшларни касбга йўналтириш ва ҳудудда амалга оширилаётган муҳим лойиҳалар билан танишди.

Ташриф доирасида “Шахриобод” маҳалласидаги “Хорижий тилларга ўқитиш ва касб-ҳунарга ўргатиш маркази” фаолияти кўздан кечирилди. Марказда ёшларга асосан Кореяда талаб юқори бўлган касблар ҳамда корейс тили ўргатилмоқда.
Шунингдек, “Камбағалликдан фаровонлик сари” дастури доирасида оғир тоифадаги “Хулкар” маҳалласининг инфратузилмавий ҳолати ўрганилиб, маҳалла “еттилиги” аъзолари билан устувор вазифалар муҳокама қилинди.

Ҳоким 31-сонли умумтаълим мактабини капитал таъмирлаш ишлари билан ҳам танишди. Умумий қиймати 3,7 миллиард сўмлик мазкур лойиҳа “Ўзсаноатқурилишбанк” АТБ ҳомийлигида амалга оширилмоқда.

Шу билан бирга, Ўзбекистон – Тожикистон чегарасида ташкил этилаётган “Сариосиё” эркин иқтисодий зонаси ва логистика маркази қурилиши кўздан кечирилиб, ишлар суръатини ошириш юзасидан топшириқлар берилди.

Туман ҳокимлигида ўтказилган йиғилишда эса тижорат банклари томонидан ажратилган кредит маблағларидан самарали фойдаланиш, қарздорликларни қисқартириш масалалари муҳокама қилиниб, аниқ чора-тадбирлар белгиланди.

Каналга уланиш: https://t.iss.one/murodbekdavlatov