Президентимизнинг ташаббуси билан 2025 йил сув хўжалигида "Насослар самарадорлигини ошириш йили" деб эълон қилинган ҳамда ҳокимликлар ва мутасадди вазирликларга ҳудудларда сув хўжалигини ривожлантириш бўйича аниқ вазифалар белгилаб берилган.

Бугун вилоят ҳокими Улуғбек Қосимов Қумқўрғон, Бандихон, Қизириқ, Шеробод ва Музработ туманларидаги суғориш тизимлари, ирригация тармоқлари ҳамда насос станциялари фаолияти, уларни модернизация қилиш вазифалари ижросини ўрганди.

Мутасаддиларга сув ресурсларидан оқилона ва самарали фойдаланиш, фермерлар, деҳқон хўжаликлари ва аҳоли томорқаларига сув етказиб беришда белгиланган тартиб ва графикка қатъий риоя этиш, шунингдек, пахта майдонларини суғориш ишларини бир ҳафта муддатда якунлаш вазифалари юклатилди.

Шунингдек, ғўза парвариши ва агротехник тадбирларнинг ижроси ҳам ўрганилиб, бу йўналишда амалга оширилиши зарур бўлган чора-тадбирлар белгиланди.

Каналга уланиш: https://t.iss.one/murodbekdavlatov

Бугун Термиз шаҳрида 1 та, Шеробод туманида эса 3 та давлат мактабгача таълим ташкилоти капитал таъмирланиб, замонавий ҳолатда фойдаланишга топширилди.

Жумладан, Инвестиция дастури ҳамда бошқа дастурлар доирасида амалга оширилган лойиҳаларга мувофиқ, Термиз шаҳридаги 16-сонли давлат мактабгача таълим ташкилоти 3,2 млрд сўм, Шеробод туманидаги 3-сонли МТТ 3,7 млрд сўм, 21-сонли МТТ 2,9 млрд сўм, 45-сонли МТТ эса 4 млрд сўм маблағ эвазига капитал таъмирланиб, замонавий таълим талабларига мос равишда қайта жиҳозланди.

Термиз шаҳридаги боғча биносининг очилиш маросимида вилоят ҳокими Улуғбек Қосимов иштирок этди ҳамда ушбу тадбир доирасида онлайн тарзда Шерободдаги боғчалар фаолиятига ҳам старт берилди.

Маросимда сўзга чиққан мутасаддилар ва фаол жамоатчилик вакиллари мазкур бунёдкорлик ишлари мактабгача таълимнинг сифатини ошириш, болаларнинг ҳар томонлама ривожланиши учун мустаҳкам пойдевор яратишда муҳим аҳамият касб этишини таъкидлашди.

Каналга уланиш: https://t.iss.one/murodbekdavlatov

Бугун вилоят ҳокими Улуғбек Қосимов Шўрчи туманидаги 89- ва 94-сонли оилавий поликлиникалар, "Ободон" маҳалласидаги оилавий шифокорлик пунктида тиббий хизмат кўрсатиш шароитларини ўрганилди. Муассасаларда кутиш ва қабул хоналари замонавий жиҳозлар билан таъминланган, тиббий хизмат сифати ва қамрови оширилган.

Шунингдек, 2-сонли спорт мактабида "Долзарб 90 кун" доирасида амалга оширилган ишлар кўздан кечирилди. Тўгараклар фаолияти кенгайтирилиб, спорт федерациялари билан ҳамкорликда ёш спортчиларни тайёрлаш йўлга қўйилган.

Вилоят раҳбари масъуллар ахборотини тинглаб, вазифаларни белгилаб берди. Ёш спортчилар билан суҳбатда ушбу мактаб келаси йил давлат дастури доирасида реконструкция қилиниши таъкидланди.

Шу билан бирга, "Ободон" маҳалласи марказидаги шароитлар ҳамда нодавлат боғча фаолияти билан танишилиб, ҳудуд инфратузилмасини яхшилаш, тадбиркорликни ривожлантириш ҳамда савдо ва хизмат кўрсатиш нуқталарини ташкил этиш бўйича масъулларга вазифалар юкланди.

Каналга уланиш: https://t.iss.one/murodbekdavlatov