📚💥📚«І сёння з намі Колас і Купала»

💥📚💥 У гэтым годзе Беларусь адзначае 140-годдзе з дня нараджэння класікаў нацыянальнай літаратуры Янкі Купалы і Якуба Коласа.
💥7 ліпеня супрацоўнікі сектара па абслугоўванню дзіцячага чытача арганізавалі віртуальную гасцёўню «І сёння з намі Колас і Купала», на якой пазнаёмілі дзяцей з невядомымі старонкамі жыццёвага лёсу і творчай біяграфіяй народных паэтаў.

💥Удзельнікі мерапрыемства акунуліся ў атмасферу купалаўскай і коласаўскай лірыкі, адчулі прыгажосць роднай беларускай мовы.

💥Для прысутных быў падрыхтаваны відэаэкскурс «З кутка жаданняў». Дзеці прымалі ўдзел у конкурсах: «Хвіліна эрудытаў», «Кемлівыя і знаходлівыя», «Хто хутчэй?» і інш.


#мостовщина_читающая #mostylib #Купала #Колас

✨✨✨“Твае Песняры, Беларусь”✨✨✨

✨7 ліпеня для чытачоў філіяла “Струбніцкая сельская бібліятэка” быў праведзены літаратурны вечар “Твае Песняры, Беларусь”, прысвечаны 140-годдзю з дня нараджэння выдатнага класіка Янкі Купалы.

✨Дзеці здзейснілі падарожжа па творчасці пісьменніка, пазнаёміліся з гісторыяй яго сям’і, дзяцінствам і захапленнямі. Падчас мерапрыемства гучалі вершы паэта, якія ён напісаў менавіта для дзяцей, бо дзіцячага чытача пісьменнік вельмі цаніў і паважаў.

✨Маленькія ўдзельнікі прачыталі ўслых вершы “Хлопчык і лётчык”, “Юрачка”, “Летам” і іншыя. Бібліятэкар пазнаёміла прысутных з кніжнай выставай, прысвечанай песнярам.


#мостовщина_читающая #mostylib #Купала #Колас

🌟 Зямлі вялікай галасы 🌟

7️⃣ ліпеня ў філіяле “Правамастоўская сельская бібліятэка” адбылася гадзіна паэзіі “Зямлі вялікай галасы”, прысвечаная 140-годдзю з дня нараджэння паэта.

📕 Творчасць Янкі Купалы – летапіс жыцця беларускага народа, адбітак нацыянальнага характару. Яго самабытныя творы адрозніваюцца высокай нотай духоўнасці. З цікавасцю прысутныя слухалі асноўныя факты з жыцця і творчасці Янкі Купалы.

⚡️Гучала цудоўная беларуская мова, госці мерапрыемства чыталі вершы класіка: “Мая малітва”, “Спадчына” “Роднае слова”, “У вырай” і інш., якія дапамаглі раскрыць асобу паэта яшчэ больш выразна.

#мостовщина_читающая #mostylib #Купала #Колас