Фотограф Нюрбинского театра Александра Комогорцева с 7 по 12 июля 2025 года в составе прессы Нюрбинского района работала волонтером в крупнейшем спортивном событии Республики Саха (Якутия) - XXII-й Спартакиаде по национальным видам спорта «Игры Манчаары».
«Работать фотографом в составе команды района на Играх Манчаары было очень интересно и насыщенно. Атмосфера крутая, команда сплочённая, все поддерживают друг друга. Была возможность проявить креатив, поймать живые эмоции и динамичные моменты. Конечно, временами было напряжённо, особенно при большом объёме съёмки, но в целом — очень крутой опыт. Я рада, что стала частью этого проекта!» - поделилась своими впечатлениями Александра.

Бүгүн ууттан эмсэҕэлээбит Өймөкөөн улууһугар 8 киһилээх добровольческай мобильнай этэрээт суолга турунна.

Биһиги уолаттарбыт ханнык да ыарахан түгэннэртэн чаҕыйбакка, уустук кэмнэргэ күүс-көмө буоларга бэлэм - дьиҥнээх патриоттар!

Хомуллан барбыт бөлөх ууттан эмсэҕэлээбит Өймөкөөн улууһун олохтоохторугар төһө кыалларынан күннээҕи олохторугар төннөллөрүгэр, олохторун-дьаһахтарын чөлүгэр түһэриитигэр көмөлтө буолуохтара.

Ыҥырыыны ылынан барбыт, сигили, материальнай өттүнэн күүс-көмө буолар дьоммор-сэргэбэр махталбын тириэрдиэхпин баҕарабын. Биир сомоҕо буолан туох баар күчүмэҕэйдэри этэҥҥэ ааһыахпыт!

Саха сирин күүһэ - норуотун сомоҕолоһуутугар!

https://t.iss.one/glavanyurbainnokentev

#ньурбалар #игрыманчаары

Таатта сиригэр ыыттыллыбыт ХХII Манчаары оонньууларын чемпионнарын уонна призердарын бэлиэтээһин үөрүүлээх түгэнэ Ньурба түмэлигэр ыытылынна.

🚀 Спортсменнары уонна тренердары улуус салалтата, нэһилиэктэр баһылыктара, коллегалар эҕэрдэлээтилэр. Харчы сертификаттартан ураты ыччаттарга аат-суол иҥэрии эмиэ баар.

🚀 Улуус баһылыга Алексей Иннокентьев ДЮСШ мас тардыһыытын тренерыгар Иван Ивановка таһаарыылаах үлэтин иһин "За вклад в социально-экономическое развитие Нюрбинского района" бэлиэни туттарда.

🚀 Маалыкайтан төрүттээх республика топовай спортсменнарыттан биирдэстэрэ Владимир Федоровка "Бордоҥ нэһилиэгин бочуоттаах олохтооҕо" ааты иҥэрбиттэрин баһылык Прокопий Степанов иһитиннэрдэ.

🚀 Улуус баһылыгын Почетнай грамоталарынан эдэр спортсменнартан Алена Захарова, Валентин Афанасьев, Ньургун Семенов наҕараадаланнылар.

🚀 Холобур буолар ыччаттары, бары спортсменнары эҕэрдэлиибит!

@molodejnrb

#ньурбаүлэһитыччата

"Бу эйгэҕэ хаалабын диэн санаа баар", - диэн үллэстэр "Смак" маҕаһыын товароведа Мария Семенова. Бүгүн Россияҕа атыы-эргиэн үлэһиттэрин күнэ.

🏬 Ньурбаҕа маҕаһыын аайы кэриэтэ ис киирбэх эдэр атыыһыттары киһи өйдөөн, сөбүлээн көрөр. Уопсайынан даҕаны күннээҕи олохпутугар атыыһыттар улахан оруоллаахтар.

📝 Ону таһынан көстүбэт фронт үлэһиттэрэ бааллар. Мария бэйэтэ технология учуутала идэлээх. Төрөөбүт дойдутугар Марха орто оскуолатыгар үлэлии сылдьыбыт. Ньурбаҕа көһөн киирэн вакансиянан "Смак" маҕаһыыҥҥа тиийбит.

⬆️ 26 саастаах учуутал кыыс үс сыл атыыһыт-кассирдаабыт. Үтүө үлэһити бэлиэтээн былырыыҥҥыттан товаровед буолбут, саҥа идэҕэ сыыйа үөрэммит. Товар киллэрэр, заявкалыыр, түөрт маҕаһыынынан тарҕатар, атыылаһааччы наадатын анализтаан булар-талар, үлэни бэрэбиэркэлиир.

🚀 Кьюар-код, 20% НДС киирбитэ ыарахаттардаах курдугун да иһин, "Хамнас үчүгэй, коллектив үчүгэй, хотунум үчүгэй" - Мария доргуччу, эрэллээхтик этэр. Киниэхэ биэс күн үлэ, икки күн сынньалаҥ. "Смак" бары маҕаһыыннарыгар эргийэ сылдьан үлэлиир. Холобур, бүгүн Комсомольскай уулуссаҕа турарга көрсөн кэпсэттибит.

☀️ "Смак" маҕаһыын 23 үлэһиттээх. Итинтэн атыыһыта - 14. Эдэрдэр аҕыйаҕа суохтар. Идэлээх күннэринэн эҕэрдэлиибит, үлэттэн дуоһуйууну баҕарабыт!

@molodejnrb

Бу түүн "Нюрбинский полумарафон" группа тиллэ түстэ. "Drivee" компания тэрийиитинэн хасыһын даҕаны Дьокуускайга киэһээҥҥи полумарафон буолла.

🏙 Сүүрүүнэн уруккуттан дьарыктанааччылары тэҥэ былырыыҥҥы "Түмэр түгэн" фестиваль полумарафонуттан саҕалаабыттар эмиэ бааллара олус үөрдэр. Ньурбаттан барыта аҕыстар эбит.

📝 Ньурба полумарафонун ыытарга былаан баар. Ону тэҥэ 2027 сылга ыытыллар Спортивнай оонньууларга полумарафон киириэхтээх. Онно сыаллаан, бэлэмнэнэн, дьону угуйан ааспыт сылга бу сэргэх тэрээһин ыытыллан саҕаламмыта.

🚀 Сүүрүүктэргэ өссө биир кыайыынан эҕэрдэ!

@molodejnrb