🔵 Namangan shahrida BIG-I Study logistika akademiyasi ochildi

Namangan shahridagi IT Park binosida faoliyatini boshlagan BIG-I Study logistika akademiyasining ochilish marosimi o‘tkazildi.

Tadbir avvalida logistika akademiyasi faoliyati va akademik kurslarning rivojlanishi bilan tanishuv bo‘lib o‘tdi.

Mahalliy davlat hokimiyati organlari, IT Park rezidentlari, yuk tashuvchi va boshqa logistika kompaniyalar o‘rtasida transport logistikasi bo‘yicha investitsion hamkorlikni yo‘lga qo‘yish imkoniyatini yaratib bergan ushbu tadbir Raqamli texnologiyalar vazirligi, Namangan viloyati hokimligi, BIG-I STUDY, JNG Tech va ArtelLogistics kompaniyalari hamkorligida tashkil etildi.

Ushbu markazning ochilishi IT sohasida yoshlar uchun munosib ish o‘rinlari yaratish, aholining kasbiy bilimlarini oshirish, Vodiy IT sohasida yangi bosqichni boshlab berishda muhim omillardan biri bo‘lishi maqsad qilingan.

📩Telegram 📱Facebook 📱 Instagram 📺Youtube 🐦 X 🌐 LinkedIn 🐦 Threads