#Hududlardan_xabarlar

🗺 Samarqand viloyati Qurilish va uy-joy kommunal xo‘jaligi bosh boshqarmasida shaharsozlik kengashining navbatdagi yig’ilishi o‘tkazildi.

Kengashni bosh boshqarma boshlig‘i v.v.b Bahodir Nig'matov olib bordi. Navbatdagi kengashda jami 16 ta loyiha ko‘rib chiqilib, kengash a‘zolari tomonidan muhokama qilindi. Loyihalardan 5 tasi ma‘qullandi. Ulardan biri loyiha tashkiloti “Aziz Proyekt Plan” MCHJ tomonidan Kattaqo‘rg’on shahar Amir Temur mahallasida avtomobillarga ko‘p tarmoqli yoqilg’i quyish shoxobchasi o‘rnida ko‘p qavatli turar joy binosi qurilish loyiha taklifi bo‘ldi.

Kengash yig’ilishi kun tartibiga kiritilgan loyihalardan 2 tasi rad etildi. Qolgan 9 ta loyihaning ayrim kamchiliklari bo‘lganligi sababli ularni qayta ishlab chiqish yuzasidan mas’ullarga taklif va ko‘rsatmalar berildi. Mazkur loyihalar shaharsozlik kengashining navbatdagi yig’ilishida qayta ko‘rib chiqilishiga kelishib olindi.

#SAMARQAND

Rasmiy sahifalarimizga a'zo bo'ling👇
|🌍Web| 📸Instagram|💬Facebook|✅Telegram| 📹Youtube|

#BSKlar_faoliyatidan

📍 Ko‘p qavatli uylarda dezinfeksiya qilish ishlari davom etmoqda

"BO‘STONSAROY KOMMUNAL” BSK tomonidan Samarqand shahar “Geologlar” MFYdagi 1,2,3,4,6,7,8-sonli ko‘p qavatli uylarning kirish yo‘laklari va yerto‘lalari hasharotlarga qarshi dezinfeksiya qilindi.

Shuningdek, “Nuriddin qurilish servis” va “Samarqand oltin asr” boshqaruv servis kompaniyalari tomonidan ham ko‘p qavatli uylarda dezinfeksiya qilish ishlari olib borildi.

#SAMARQAND

Rasmiy sahifalarimizga a'zo bo'ling👇
|🌍Web| 📸Instagram|💬Facebook|✅Telegram| 📹Youtube|

#Hududlardan_xabarlar
#PRESS_TUR

📍Nurobod tumanida ko‘p qavatli uylarda yashovchi fuqarolarga boshqaruv servis kompaniyalari tomonidan xizmat ko‘rsatish borasida amalga oshirilayotgan ishlar yuzasidan press-tur tashkil etildi.

Unda sohaga mas'ullar hamda ommaviy axborot vositalari xodimlari ishtirok etishdi.

Bugungi kunda tumandagi 102 ta ko‘p qavatli uy-joylarda 2308 ta xonadon mavjud bo‘lib, 99 ta ko‘p xonadonli uy-joylar markazlashgan, ichimlik suvi, oqova suv tarmoqlariga ulangan bo‘lsa, shundan 90 tasi markazlashgan issiqlik va issiq suv tarmog‘iga ulangan. Qolgan 9 ta yangi loyihadagi ko‘p kvartirali uy-joylar individual isitish tizimlariga ega.

“Nur sifat kommunal xizmati” boshqaruv servis kompaniyasi tomonidan ko‘p qavatli uy-joylarning tutash hududlarini tozalash, hududni chiqindilardan holi hududga aylantirish ishlari doimiy ravishda olib borilmoqda.

🏠 Bugungi kunda aholiga qulaylik yaratish maqsadida “Mening uyim” billing tizimi ishga tushirilib, fuqarolar majburiy badal to‘lovlarini mobil ilovalar orqali onlayn amalga oshirishlari mumkin.

Joriy yilda ko‘p qavatli uylarga xizmat ko‘rsatib kelayotgan “Nur sifat kommunal xizmati” boshqaruv servis kompaniyasi tomonidan 8 ta ko‘p qavatli uyning 2600 kv.metr tom qismi, 7 ta ko‘p qavatli uyning kirish yo‘laklari ta'mirlandi. 7 ta uyning kirish yo‘laklariga kodli-qulfli temir eshiklar o‘rnatildi. Shuningdek, 9 ta ko‘p qavatli uyning 1000 kv.m yo‘laklarini betonlash hamda yerto‘la va uy ichidagi muhandislik tarmoqlarini ta’mirlash ishlari rejalashtirilgan.

Press-turda ishtirokchilar o'zlarini qiziqtirgan savollarga mas'ullardan javob oldilar.

#SAMARQAND

Rasmiy sahifalarimizga a'zo bo'ling👇
|🌍Web| 📸Instagram|💬Facebook|✅Telegram| 📹Youtube|

#Hududlardan_xabarlar
#PRESS_TUR

🗺 Toyloq tumani “Yangi Oʻzbekiston” massivida amalga oshirilayotgan ishlar yuzasidan press-tur tashkil etildi

Unda sohaga masʻullar hamda ommaviy axborot vositalari xodimlari ishtirok etishdi.

Taʻkidlanganidek, “Yangi Oʻzbekiston” massivi qurilishi 3 bosqichda amalga oshirilmoqda:

I bosqichda 2024-yilda 12 ta koʻp xonadonli uy-joy, II bosqichda 2025-yilda 16 ta koʻp xonadonli uy-joylar, 1 ta 360 oʻrinli DMTT, mahalla markazi savdo va xizmat koʻrsatish obyektlari qurilishi, III bosqichda 2026-2027-yillarda 15 ta koʻp qavatli uy-joylar, 1 ta 990 oʻrinli maktab, 100 qatnovli oilaviy poliklinika, 1 ta yoshlar markazi hamda savdo markazi va xizmat koʻrsatish obyektlari qurilishi rejalashtirilgan.

Press-turda ishtirokchilar o‘zlarini qiziqtirgan savollarga mutasaddilardan javob oldilar.

#SAMARQAND

Rasmiy sahifalarimizga a'zo bo'ling👇
|🌍Web| 📸Instagram|💬Facebook|✅Telegram| 📹Youtube|

#Hududlardan_xabarlar

📍 Samarqand viloyati Qurilish va uy-joy kommunal xoʻjaligi bosh boshqarmasi boshlig‘i v.v.b B.Negmatov va viloyat prokuraturasi mas’uli viloyatda faoliyat yurituvchi boshqaruv servis kompaniyalari hamda uy-joy mulkdorlari shirkatlari vakillari bilan uchrashdilar.

Yig‘ilishda kuz-qish mavsumiga tayyorgarlik ko‘rish, majburiy badal to‘lovlaridan yuzaga kelgan debitor qarzdorlik, elektr shitlarni ta’mirlash va tutash hududlar chegaralarini belgilash, shuningdek, aholi o‘rtasida is gazi bilan bog‘liq vaziyatlarning oldini olishga qaratilgan targ‘ibot ishlarini kuchaytirishga oid masalalar muhokama qilindi.

Boshqaruv tashkilotlarining kelgusida amalga oshiriladigan vazifalari belgilab olinib, sohani takomillashtirishga qaratilgan taklif va mulohazalar umumlashtirildi hamda ishtiriokchilar tomonidan yo'llangan savollarga atroflicha javob berildi.

#SAMARQAND

Rasmiy sahifalarimizga a'zo bo'ling👇
|🌍Web| 📸Instagram|💬Facebook|✅Telegram| 📹Youtube|

#Hududlardan_xabarlar

📍 Shahar bedarvoza emas. Ayrim fuqarolar ko‘p qavatli uylarning tayanch devorlarini o‘zgartirishning  zararli oqibatlarini  bilishsa-da, belgilangan talablarga bepisandlik bilan qarashadi.  Xususan, Samarqand shahrida  o‘zboshimchalik bilan binoning tayanch devorlarini o‘zgartirayotgan holatlar ham uchrab turibdi.

Samarqand viloyati Qurilish va uy-joy kommunal xo‘jaligi sohasida hududiy nazorat qilish inspeksiyasi tomonidan shu kabi holatlarni oldini olish maqsadida aholi murojaatlariga asosan reyd tadbirlari o‘tkazildi.

Shuningdek, Samarqand shahar Rudakiy ko‘chasidagi 120-ko‘p qavatli uyning mulkdori o‘zboshimchalik bilan binoning devor konstruksiyasini buzib, uyning old tutash hududidan qo‘shimcha qurilma qurganligi aniqlandi va ushbu holat yuzasidan huquqbuzarga holatni bartaraf qilib, oldingi holatiga qaytarish yuzasidan bajarilishi majburiy bo‘lgan ko‘rsatma berildi.

Xususan, Rudakiy ko‘chasidagi 132-ko‘p qavatli uyning mulkdori ham o‘ziga tegishli xonadonning ichki tayanch va to‘siq konstruksiyalarini hamda uyning fasad qismidagi 2 ta deraza joyini buzib, o‘zboshimchalik bilan noqonuniy ravishda eshik ochganligi aniqlandi.

Yana bir holatda esa Samarqand shahar Damariq-1 mahallasi Narpay ko‘chasidagi 77-sonli ko‘p qavatli uyning umumiy foydalanishdagi konstruksiyasi ya‘ni zina qismini ushbu uyning mulkdori shaharsozlik hujjatlarini rasmiylashtirmasdan, tegishli tashkilotlarning ruxsatisiz buzib tashlagani ma’lum bo‘ldi.

Yuqoridagi holatlar yuzasidan Inspeksiya tomonidan huquqbuzarlarga nisbatan O‘zbekiston Respublikasi MJtKning 159-moddasi 3 qismiga asosan ma’muriy jarimalar qo‘llanildi. Ushbu holatlarni huquqbuzarlar o‘z ixtiyori bilan texnik shartlar asosida oldingi holatiga kuchaytirilgan tartibda qaytarishi yuzasidan bajarilishi majburiy bo‘lgan ko‘rsatmalar taqdim qilindi.

Agarda ko‘rsatmada berilgan muddat ichida huquqbuzarlar holatni bartaraf qilib oldingi holatiga qaytarmasa, majburiy tartibda bartaraf qilish yuzasidan fuqarolik ishlari bo‘yicha sudga da'vo arizalari kiritiladi.

Inspeksiya tomonidan viloyat bo‘ylab yuqoridagi kabi holatlarni oldini olish maqsadida reyd tadbirlari davom etmoqda.

#SAMARQAND

Rasmiy sahifalarimizga a'zo bo'ling👇
|🌍Web| 📸Instagram|💬Facebook|✅Telegram| 📹Youtube|

💐#Bayram_shukuhi

🎉 Qurilish sohasi xodimlari taqdirlanmoqda

#Samarqand

Rasmiy sahifalarimizga a'zo bo'ling👇
|🌍Web| 📸Instagram|💬Facebook|✅Telegram| 📹Youtube|

#Hududlardan_xabarlar

🚨 Samarqand viloyati Qurilish va uy-joy kommunal xoʻjaligi sohasida hududiy nazorat qilish inspeksiyasi tomonidan ichimlik suvi inshootlarida isteʼmolchilarga yetkazilayotgan ichimlik suvini zararsizlantirish holati oʻrganilmoqda.

Xususan, o‘tkazilgan monitoringlar davomida Urgut tuman tibbiyot birlashmasida yer ostidan olingan suv zararsizlantirilmasdan hamda  ichimlik suvi sifati kafolatlanmagan holda foydalanilayotganligi aniqlandi.

Shuningdek, jarayonda inshootning sanitariya muhofaza zonasi himoya devorlari bilan o'ralmagani va yer osti suvlaridan foydalanish bo'yicha ularda maxsus ruxsatnoma mavjud emasligi ma'lum bo'ldi.

🔴 Mazkur holat yuzasidan Inspeksiya tomonidan tuman tibbiyot birlashmasi masʼuliga nisbatan MJTKning 72-moddasiga asosan ma'muriy bayonnoma rasmiylashtirilib, jarima choralari qo'llanildi.

#SAMARQAND

|🌍Web| 📸Instagram|💬Facebook|✅Telegram| 📹Youtube|

#Hashar_elga_yarashar

Xalqimizda hashar deb nomlangan ajoyib an‘ana bor. Bu odat yillar o‘tsaki, o‘z ahamiyatini yo‘qotmagan. Boisi unda xalqimizning birdamligi, ahilligi namoyon bo‘ladi.

Mamlakatimiz mustaqilligining 33 yilligi munosabati bilan respublikamiz bo‘ylab “Mahalla obod-yurt obod” shiori ostida oʻtkazilayotgan umumxalq xayriya hasharida Samarqand viloyati Qurilish va uy-joy kommunal xo‘jaligi bosh boshqarmasi xodimlari ham xayrixohlik bilan ishtirok etishdi. 

Ishchi xodimlar erta tongdan boshqarma hovlisida tozalash ishlarini olib borishdi. Bu yerdagi yo‘l chetlari va ariq bo‘ylari tozalanib, daraxtlar tagi yumshatildi, atrof toza va orasta maskanga aylantirildi.

#SAMARQAND

Rasmiy sahifalarimizga a'zo bo'ling👇
|🌍Web| 📸Instagram|💬Facebook|✅Telegram| 📹Youtube|

#REYD

🚨 Samarqand viloyati Qurilish va uy-joy kommunal xoʻjaligi sohasida hududiy nazorat qilish inspeksiyasi va “Samarqand suv ta’minoti” AJ xodimlari hamkorlikda suv tarmog’iga o‘zboshimchalik bilan ulanish holatlarini aniqlash bo‘yicha Jomboy tumanida reyd tadbirlarini o‘tkazishdi.

Jumladan, o‘tkazilgan reyd tadbirlari davomida tumanning “Xolvoyi” MFY hududida joylashgan “Chalaqo‘rg‘on” oilaviy shifokorlik punkti ichimlik suvi tarmog‘idan o‘zboshimchalik bilan foydalanayotgani hamda suv hisoblagich uskunasi ro‘yxatdan o‘tkazilmagani va muhrlanmaganligi aniqlandi.

🔴 Ushbu qoidabuzarlik yuzasidan tashkilot mas'ullariga ma'muriy bayonnomalar rasmiylashtirilib, holatlar joyida inspeksiya xodimlari tomonidan bartaraf etilmoqda.

Bu kabi nazorat tadbirlari viloyatning har bir hududida davom etmoqda.

#SAMARQAND

Rasmiy sahifalarimizga a'zo bo'ling👇
|🌍Web| 📸Instagram|💬Facebook|✅Telegram| 📹Youtube|

#Hududlardan_xabarlar
#Reyd

⚠️ Investitsiya dasturi doirasida qurilayotgan ijtimoiy soha obyektlarida qurilish ishlarining borishi o‘rganildi

Samarqand viloyati Qurilish va uy-joy kommunal xo‘jaligi sohasida hududiy nazorat qilish inspeksiyasi boshlig‘i Umar Mirzayev Urgut tumanida bo‘lib, tegishli mas‘ullar ishtirokida hududda bunyod etilayotgan ijtimoiy soha obyektlari, xususan, umumta’lim maktablari hamda maktabgacha ta’lim tashkilotlaridagi qurilish jarayonlarini ko‘zdan kechirdi.

Asosan olib borilayotgan ishlarning sifatiga e’tibor qaratilib, qurilishni belgilangan muddatlarda yakunlash yuzasidan mutasaddilarga tegishli tavsiya va ko‘rsatmalar berildi.

#SAMARQAND

Rasmiy sahifalarimizga a'zo bo'ling👇
|🌍Web| 📸Instagram|💬Facebook|✈️Telegram| 📹Youtube|

#Hududlardan_xabarlar
#Kuz_qish

🌧❄️ Hududlarda kuz-qish mavsumiga tayyorgarlik ishlari qizg’in davom etmoqda.

Xususan, viloyatimizda faoliyat olib borayotgan boshqaruv servis kompaniyalari tomonidan ko‘p qavatli uylarni kuz-qish mavsumiga tayyorlash yuzasidan bir qator ishlar amalga oshirilmoqda. Jumladan, Nurobod tumanidagi ko‘p qavatli uylarga xizmat ko‘rsatuvchi “Nur sifat kommunal xizmati” BSK tomonidan Amir Temur mahallasidagi 37-sonli ko‘p qavatli uyning tom qismi ta‘mirlandi.

Shuningdek, Kattaqo‘rg’on shahrida faoliyat yurituvchi “Miyonqul smart” boshqaruv kompaniyasi - MCHJ tomonidan Bobur ko‘chasidagi 2-sonli ko‘p qavatli uyning kirish yo‘laklari ta'mirlanib, yo'laklarga beton qoplamasi yotqizildi.

Bundan tashqari Samarqand shahrida faoliyat yurituvchi “Maftunkor kimyogar” BSK tomonidan Narpay ko‘chasidagi 15-sonli ko‘p qavatli uyning tom qismida ta'mirlash ishlari olib borildi.

#SAMARQAND

Rasmiy sahifalarimizga a'zo bo'ling👇
|🌍Web| 📸Instagram|💬Facebook|✈️Telegram| 📹Youtube|

#Press_tur

😄 OAV vakillari hamda jamoatchilik faollari ishtirokida press-tur tashkil qilindi

Bugun Samarqand viloyati Qurilish va uy-joy kommunal xo’jaligi bosh boshqarmasi tomonidan OAV vakillari, blogerlar hamda jamoatchilik faollari ishtirokida press-tur o'tkazilmoqda.

🗺 Unda Urgut tumanidagi “Yangi O’zbekiston” massivi hududida amalga oshirilayotgan qurilish-montaj ishlari to’g’risida ma’lumot berib o’tilyapti.

Ayni paytda press-tur davom etmoqda.

#SAMARQAND

Rasmiy sahifalarimizga a'zo bo'ling👇

|🌍Web| 📸Instagram|💬Facebook|😎Telegram| 📹Youtube|