📹 #ONLAYN

🏘 Avval xabar berganimizdek, Qurilish va uy-joy kommunal xoʻjaligi vaziri oʻrinbosari Toir Alimatov Buxoro viloyatida boʻlib turibdi.

Vazir o‘rinbosari boshchiligidagi ishchi guruhi Buxoro tumani “Bogʻidasht” mahallasi hududida qad rostlayotgan “Yangi Oʻzbekiston” massivi qurilish jarayonlarini koʻzdan kechirmoqda.

Mazkur massivda 111 ta ko‘p qavatli turar-joy binosini qurish rejalashtirilgan. Ulardan 88 tasi lotlar bo‘yicha ajratilgan. Shundan 69 tasi sotilgan. Shuningdek, bu yerda 990 o‘ringa mo‘ljallangan 2 ta maktab binosi, 3 ta maktabgacha taʼlim muassasasi, 250 qatnovli oilaviy shifoxona, 1 ta eko bozor, 1 ta mahalla binosi qurilishi rejalashtirilgan. Hozirgi kunda 55 ta lot hududida qurilish ishlari amalga oshirilmoqda.

Qurilish obyektini oʻrganish jarayonida vazir oʻrinbosari Toir Alimatov “Yangi O‘zbekiston” massivida amalga oshirilayotgan qurilish loyihalari mamlakatimizda urbanizatsiya jarayonlarini jadallashtirish, aholi uchun zamonaviy va qulay yashash muhitini yaratishga xizmat qilishi bilan ahamiyatli ekanini ta’kidladi.

Ishlarni sifatli tashkil qilish yuzasidan masʼullarga tegishli koʻrsatmalar berildi.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|😎Telegram| 📹Youtube|

#Matbuot_anjumani

📍Toshkent viloyati Qurilish bosh boshqarmasi tomonidan 2024-yilda kommunal sohada amalga oshirilgan ishlar hamda 2025-yil uchun belgilangan rejalar yuzasidan Nurafshon shahrida matbuot anjumani o‘tkazildi.

Matbuot anjumanida ko‘p qavatli turar-joylarga xizmat ko‘rsatuvchi boshqaruv servis kompaniyalari faoliyatiga to‘xtalib o‘tildi. Ko‘p xonadonli uy-joy fondini saqlash hamda ularni joriy va mukammal ta’mirlash ishlarini sifatli bajarish, kuz-qish mavsumini betalofat o‘tkazish, fuqarolarga sifatli kommunal xizmatlar ko‘rsatilishini ta’minlash maqsadida boshqarma tomonidan izchil ishlar amalga oshirilmoqda.

Ma’lumot uchun, 2024-yilda Toshkent viloyatida 2102 ta ko‘p qavatli uylar joriy va mukammal ta’mirlangan.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|😎Telegram| 📹Youtube|

#JARAYON

🔠 "Eng yaxshi boshqaruv organi" ko‘rik tanloviga start berildi

🏘 Qurilish va uy-joy kommunal xo‘jaligi vazirligi tomonidan "Eng yaxshi boshqaruv organi" Respublika ko‘rik tanlovini o‘tkazish bo‘yicha e’lon berilgan edi.

Bugun tanlov komissiyaning ilk yig‘ilishi bo‘lib o‘tdi. Respublika miqyosida faoliyat yuritayotgan ilg‘or boshqaruv organlarining tajribasini keng targ‘ib qilish, ularning faoliyatini qo‘llab-quvvatlashga bag‘ishlangan ushbu loyiha tizimda sog‘lom raqobat muhitini shakllantirishi bilan ahamiyatli. Yig‘ilishda komissiya raisi o‘rinbosari Ozoda Jo‘rayeva so‘zga chiqib, tanlovni tashkil etishda ochiqlik va shaffoflik asosiy mezon bo‘lishi lozimligini ta’kidlab o‘tdi.

-Ko‘p qavatli uylarga xizmat ko‘rsatish sohasida so‘nggi yillarda olib borilayotgan keng islohotlarimiz bugun ijobiy natijasini ko‘rsatib, tizimda sog‘lom raqobat muhiti shakllanib bormoqda. Bugun respublikada faoliyat yurituvchi boshqaruv organlari orasida yaxshi tadbirkorlar, sohada tub o‘zgarishlar qila olayotgan tashabbuskor mutaxassislar yetarlicha topiladi. Ularning faoliyatini qo‘llab-quvvatlash, mashaqqatli mehnatini ko‘proq targ‘ib qilish, motivatsiya berish bizning asosiy vazifamizdir,- dedi vazir o’rinbosari.

Shuningdek, tanlovning hududiy bosqichlarini tegishli tartibda o‘tkazish yuzasidan mas’ullarga qator topshiriqlar berildi. Ta’kidlash lozimki, tanlov 3 bosqichda, ya’ni:

I bosqich- shahar (tuman)lardagi ko‘p kvartirali uyni boshqarish organlari o‘rtasida;
II bosqich- Qoraqalpog‘iston Respublikasi, viloyatlar va Toshkent shahri bo‘yicha I bosqich g‘oliblari o‘rtasida;
III bosqich-respublika tanlovi II bosqich g‘oliblari o‘rtasida o‘tkaziladi.

🚗 Tanlov g‘oliblariga qimmatbaho sovg‘alar va bosh sovrin - Labo avtomobili taqdim etiladi.

Yig‘ilish davomida ko‘p qavatli uylarni boshqarish sohasida birinchi marta o‘tkazilayotgan tadbirni mazmunli tashkil etish bo‘yicha komissiya a’zolarining taklif va mulohazalari tinglandi va zarur vazifalar belgilab olindi.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|😎Telegram| 📹Youtube|

#Hududlardan_xabarlar

Tarixdan ma'lumki, o'tmishda me'mor va quruvchilarning asosiy maqsadi bino va inshootlarga yetarli darajadagi seysmik mustahkamlik va ustuvorlik ta'minlashdan iborat bo'lgan. Ular yaratgan qurilish usullari aniq fan yutuqlariga asoslangan bo'lib, o'z davrining estetik talablari darajasida amaliyotga qo'llanilgan.

📍 Qoraqalpog‘iston Respublikasi Qurilish va uy-joy kommunal xo‘jaligi vazirligida Hukumat qarorlari doirasida O‘zbekiston Respublikasi Fanlar Akademiyasi tomanidan ishlab chiqilgan, mantiqan bir-biri bilan bog'langan inshootlar dinamikasining asosiy elementlari va binolar zilzilabardoshligi haqida yig'ilish bo'lib o'tdi.

Qoraqalpog‘iston Respublikasi Vazirlar Kengashi,  tuman va shahar hokimliklarining qurilish, kommunikatsiyalar, kommunal xo‘jalik, ekologiya va ko‘kalamzorlashtirish masalalari bo‘yicha o‘rinbosarlari hamda boshqa mutasaddi tashkilotlar ishtok etgan tadbirda zilzilalarning paydo boʻlish sabablari, zilzila kuchi va energiyasi, geologik va gidrogeologik sharoitning seysmik intensivlikka ta'siri, zilzilalarni prognoz (bashorat) qilish usullari, qurilish materiali hamda konstruksiyalarning dinamik xarakteristikalari, seysmik kuchlarni aniqlash va mustahkam binolarni loyihalashning umumiy qoidalari xususida fikr almashildi.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|😎Telegram| 📹Youtube|