#Brifing

📌 Qurilish resurslari milliy klassifikatori elektron platformasining joriy etilishidan asosiy maqsadlar

AOKAda Qurilish va uy-joy kommunal xoʻjaligi vazirligi huzuridagi institut direktori v.b Abulqosim Abduxoliqov ishtirokida brifing boshlandi.

Quyidagi havola orqali tomosha qilishingiz mumkin:

https://www.facebook.com/aoka.uz/videos/550814310903657/

Rasmiy sahifalarimizga a'zo bo'ling👇
|🌍Web| 📸Instagram|💬Facebook|😎Telegram| 📹Youtube|

#Brifing

Oʻzbekiston Respublikasi Prezidentining tegishli Farmon va qarorlari ijrosini taʼminlash maqsadida Qurilish va uy-joy kommunal xoʻjaligi vazirligi tomonidan “Qurilish resurslari milliy klassifikatori” elektron platformasi ishga tushirilganidan koʻpchilikning xabari bor.

Soʻnggi paytlarda ushbu platforma faoliyatiga oid ayrim mulohaza va eʼtirozlar boʻlayotganiga guvoh boʻlyapmiz. Xoʻsh, ushbu platforma qanday maqsadlarni koʻzda tutadi va buning zarurati nimalardan iborat?

Gap shundaki, Qurilish resurslari milliy klassifikatori, avvalo, loyiha-smeta hujjatlarida narxning sunʼiy ravishda koʻtarilishining oldini oladi. Shuningdek, qurilishda xufiyona iqtisodiyotga shart-sharoitlar yaratilishiga va obyektlarda sifatsiz materiallar hamda ishlardan foydalanishga barham beradi.

Qurilish resurslarining batafsil tasniflanishi va shu orqali aniq nom hamda kod bilan nomlanishi esa yetkazib beruvchilar orasida sogʻlom raqobat va shaffoflikni taʼminlaydi. Xaridor va sotuvchi oʻrtasida tushunmovchiliklarning oldini oladi. Loyihalash va qurilish jarayonini raqamlashtirishda, qurilishga BIM texnologiyalarini joriy etishda, raqamli boshqaruv tizimlaridan foydalashda resurslarni batafsil tasniflash majburiy talab hisoblanadi.

Qurilish materiallariga ishlatilgan xomashyo, uning oʻlchamlari, mexanik xossalaridan kelib chiqib narxlarni shakllantirishda yagona yondashuvni taʼminlaydi. Mazkur platforma turli ishlab chiqaruvchilar va ularning mahsulotlarini bir joyda jamlab, bazada birlashtiradi. Keng auditoriyani ochiq axborot bilan taʼminlaydi. Bu esa ishlab chiqaruvchi va sotuvchilarga potensial mijozlarni jalb kilish va bozorda yanada samarali raqobatlashish imkonini yaratadi.

Qurilish materiallari ishlab chiqaruvchilarining dislokatsiyasi orqali qurilish materiallari ishlab chiqarish sanoati hamda hizmat koʻrsatuvchilarning respublika, viloyatlar va hududlar kesimida tahlil qilish, hududlarning qurilish materiallari ishlab chiqarish salohiyati, quvvati va qurilish materiallari narxini tahlil qilish , shuningdek, investorlar tomonidan joylarda yangi ishlab chiqarish korxonalarini tashkil qilish buyicha qaror qabul qilish imkonini beradi.

🟡 Kelgusida platforma yanada takomillashtiriladi. Buning natijasida qurilish materiallari ishlab chiqaruvchilari uchun yirik oldi-sotdi platformasi va MDH davlatlari oʻrtasida eksport-import faoliyatini yoʻlga qoʻyish imkoni yaratiladi.

Taʼkidlash oʻrinliki, xalqaro tajriba asosida standartlarga mos boʻlgan nomlarda qurilish resurslari, ularni guruhlarga va boʻlimlarga tasniflagan holda har biri uchun alohida identifikatsiya kodi va nomlanishini nazarda tutuvchi narxlar elektron katalogi shakllantirildi. Hozirgi kunga qadar mazkur katalogda 1 000 ga yaqin ishlab chiqaruvchi, yetkazib beruvchi tadbirkorlarning 35 000 ga yaqin mahsulotlari joylashtirilgan. Ular oʻzlarining elektron raqamli imzolari orqali platformaning shaxsiy kabinetida onlayn rejimda maʼlumotlarni qoʻshish, tahrirlash va boyitish imkoniga ega.

📌 Qurilish resurslari milliy klassifikatori Soliq qoʻmitasining 190 mingdan ortiq MXIK kodlari bilan uygʻunlashtirildi. Endilikda shartnoma va hisob fakturalarni shakllantirishda tadbirkorlar va xaridorlar avvalgidek umumiy nomdagi emas, balki aniq koʻrsatilgan nomdagi tovar va xizmatlarni koʻrsatishlari mumkin. Bu esa oʻz navbatida aldanib qolish yoki tushunmovchilik holatlarining oldini oladi.

🔺 Hurmatli tadbirkorlar, mazkur platforma Soliq qoʻmitasi, Bojxona qoʻmitasi, Tovar-xomashyo birjasi, Oʻzstandart agentligi, Iqtisodiyot va moliya vazirligi, Statistika agentligi bilan hamkorlikda ularning maʼlumotlar bazalari bilan integratsiyalashgan holda tashkil etilgan.

Albatta vazirlikning Texnik meʼyorlash va standartlashtirish ilmiy-tadqiqot instituti va Soliq qoʻmitasining “Yangi texnologiyalar” ilmiy-axborot markazi bilan hamkorlikda tadbirkorlar tomonidan berilayotgan takliflar hamda muammolar bilan ishlash tizimi yoʻlga qoʻyilgan.

☎️ Murojaat uchun telefon: 71 210 11 04 ( ichki raqam 60 05; 60 06; 60 07)

|🌍Web| 📸Instagram|💬Facebook|😎Telegram| 📹Youtube|

#Brifing

⚫️Mavzu: Qurilish sohasidagi jarayonlarni samarali va shaffof boshqarish maqsadida yangi qurilishlarda davlat nazorati tizimi takomillashtirilishi
🕒 Vaqti: bugun 10:00 da
💬 Ishtirok etadi: Saidnosir Usmonov, Qurilish va uy-joy kommunal xoʻjaligi vazirligi axborot xizmati rahbari

🗺 Manzil: Oʻzbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi

Rasmiy sahifalarimizga a'zo bo'ling👇
|🌍Web| 📸Instagram|💬Facebook|😎Telegram| 📹Youtube|

#Brifing

📌 Qurilish sohasidagi jarayonlarni samarali va shaffof boshqarish maqsadida yangi qurilishlarda davlat nazorati tizimi takomillashtirilishi

AOKAda Qurilish va uy-joy kommunal xoʻjaligi vazirligi axborot xizmati rahbari Saidnosir Usmonov ishtirokida brifing boshlandi.

Quyidagi havola orqali tomosha qilishingiz mumkin:
https://www.facebook.com/share/v/1Ds5817DW3/?mibextid=WC7FNe

Rasmiy sahifalarimizga a'zo bo'ling👇
|🌍Web| 📸Instagram|💬Facebook|😎Telegram| 📹Youtube|

#Brifing

🔴2024-yilning 23-sentabr kuni Oʻzbekiston Respublikasi Prezidenti raisligida boʻlib oʻtgan “Qurilish industriyasi va qurilish materiallarini ishlab chiqarishni yanada rivojlantirish”ga oid videoselektor yigʻilishida qurilish-montaj ishlari sifati masalasiga alohida eʼtibor qaratilib, bu borada bajarilishi shart boʻlgan aniq vazifalar belgilab berilgan edi.

Ushbu vazifalar ijrosini taʼminlash, xususan, mamlakatimiz qurilish sohasidagi jarayonlarni samarali va shaffof boshqarish maqsadida yangi qurilishlarda davlat nazorati tizimi joriy etilmoqda. Mazkur tizim zamonaviy raqamli yechimlar asosida ishlab chiqilgan boʻlib, qurilish jarayonlarini boshqarish, hujjatlashtirish va nazorat qilishda qulay imkoniyatlar yaratadi. Tizimning asosiy maqsadi qurilish jarayonlarini izchil boshqarish, ortiqcha qogʻozbozlikka yoʻl qoʻymaslik va inson omili taʼsirini kamaytirish orqali sifat va xavfsizlikni taʼminlashdan iborat.

❕ Xoʻsh, tizimning oʻziga xos yangiligi va imkoniyatlari qanday omillarda koʻrinadi?

Dastlab cheklist tizimiga toʻxtalamiz. Ushbu tizim bilan qurilish jarayonlari bosqichma-bosqich tekshiriladi va har bir ish turi uchun toʻldiriladigan cheklistlar orqali sifat nazorati amalga oshirilib, hujjatlashtirish jarayoni soddalashtiriladi. Tizim qurilish korxonalarining holatini avtomatik baholaydi va reytingi past boʻlgan yoki talabga javob bermaydigan korxonalarga ruxsatnoma bermaydi.

Muhim yangiliklardan yana biri har bir obyekt uchun “QR” kodli pasport joriy etilgan boʻlib, ushbu kod orqali obyekt haqidagi barcha maʼlumotlarni real vaqt rejimida olish mumkin. Bu respublikadagi barcha fuqarolar va jamoat nazorati vakillariga qurilish obyektlar holatini qulay tarzda kuzatish imkonini beradi.

Obyektni foydalanishga qabul qilish jarayoni ham ancha soddalashtirildi. Eski tizimdagi 27 ta cheklist bandi oʻrniga, yangi tizimda faqat 7 ta band qoldirilib, jarayonni tezlashtirish va ortiqcha kechikishlarni oldini olishga yordam beradigan tizim ishga tushdi.
Qurilish ishtirokchilari uchun interaktiv va qulay kabinetlar ishlab chiqildi. Har bir kabinet foydalanuvchiga moslashtirilgan boʻlib, bu orqali ichki nazorat, texnik nazorat, mualliflik nazorati va inspektorlar uchun alohida imkoniyatlar taqdim etilmoqda.
Qurilish jarayonlari tizim orqali raqamlashtirilib, qoʻshimcha ravishda obyektlar real vaqt rejimida kuzatib boriladi. Yaʼni, inspektor obyektni joyiga chiqib monitoring qilish bilan birgalikda elektron hujjat va fotosuratlar orqali obyektni holati boʻyicha qoʻshimcha oʻrganishlarni amalga oshirish imkoniyatiga ega boʻldi. Barcha xulosa, yozma koʻrsatma va tasdiqlar elektron hujjat aylanishi orqali amalga oshiriladi. Bu esa qogʻoz hujjatlariga boʻlgan ehtiyojni kamaytirib, jarayonlarni tezlashtirishga yordam beradi.
😇Eng muhimi, qurilish jarayonlari "Shaffof qurilish" milliy axborot tizimiga integratsiya qilinib, jarayonlarning shaffofligi oshirildi va korrupsiya xavfi kamaytirildi.

Umuman olganda yangi tizim qurilish jarayonlarini shaffoflashtirish, sifat nazoratini kuchaytirish va jarayonlarni soddalashtirishga xizmat qiladi. Bu innovatsion yechimlar quruvchilar va nazorat organlari uchun qulaylik yaratib, obyektni oʻz vaqtida va sifatli tayyorlab foydalanishga topshirishga imkon beradi.

Quyidagi havola orqali tomosha qilishingiz mumkin:
https://www.facebook.com/share/v/1Ds5817DW3/?mibextid=WC7FNe

Rasmiy sahifalarimizga a'zo bo'ling👇
|🌍Web| 📸Instagram|💬Facebook|😎Telegram| 📹Youtube|

#Brifing

🔴 Mavzu: Qurilish va kommunal sohada 2024-yil yakunlari

⏰ Vaqti: 12:00
⭐️ Ishtirok etadi: Saidnosir Usmonov, Qurilish va uy-joy kommunal xoʼjaligi vazirligi Аxborot xizmati rahbari
🗺 Manzil: Oʻzbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi

Rasmiy sahifalarimizga a'zo bo'ling👇
|🌍Web| 📸Instagram|💬Facebook|😎Telegram| 📹Youtube|

#BRIFING

📣 DIQQAT! DIQQAT!

✍️ Ayni daqiqalarda AOKAda "Qurilish va kommunal sohada 2024-yil yakunlari" mavzusida brifing bo‘lib o‘tmoqda. Unda vazirlik axborot xizmati rahbari Saidnosir Usmonov ishtirok etmoqda.

🎚️ Brifingni onlayn tarzda ko‘rish uchun havola👇

https://www.facebook.com/share/v/19kYRTfbPv/?mibextid=wwXIfr

Rasmiy sahifalarimizga a'zo bo'ling👇
|🌍Web| 📸Instagram|💬Facebook|😎Telegram| 📹Youtube|

#Brifing

🟢 Mamlakatimizda qurilish va kommunal sohani yanada taraqqiy ettirish borasida davlatimiz rahbari boshchiligida salmoqli tashabbuslarga qoʼl urildi. Xususan, 2024 yilda jami 9 ta shahar, 43 ta shaharcha va 94 ta qishloqning bosh rejalari ishlab chiqildi.

Natijada bosh rejalar bilan taʼminlash darajasi shaharlar boʼyicha 97 foizga, shaharchalarda 25 foizga, qishloqlar boʼyicha 22 foizga yetdi. Sohaga oid texnik-normativ hujjatlarni zamonaviy talablar asosida yangilash va xalqaro normalarga uygʼunlashtirish maqsadida 105 ta shaharsozlik norma va qoidalari, 56 ta standart hamda 4 ta texnik reglamentlar ishlab chiqildi.

Shuningdek, ish turlari, qurilish materiallari, mashina va mexanizmlari koʼrsatkichlarining yagona bazasini oʼzida ifoda etgan “Qurilish resurslari milliy klasifikatori” ishlab chiqilib, tegishli tashkilotlarning maʼlumotlar bazalari bilan integratsiya qilindi va onlayn maʼlumotlar almashinuvi yoʼlga qoʼyildi. Mazkur klassifikatorga bugungi kunda 180 mingdan ortiq qurilish resurslari kiritilgan.

🏢 “Yangi Oʼzbekiston” massivlarida va aholi talabgor hududlarda 1 984 ta zamonaviy koʼp qavatli uylar foydalanishga topshirildi.
Shuningdek, ushbu uylarni muhandislik-kommunikatsiyalari bilan taʼminlash maqsadida:
- 100 km avtomobil yoʼllari;
- 63 km ichimlik va oqova suv tarmoqlari hamda 18 ta suv inshootlari;
- 68 km isitish tarmoqlari va 22 ta qozonxonalar;
- 208 km elektr tarmoqlari va 224 ta transformatorlar;
- 29 km gaz tarmoqlari va 16 ta gaz taqsimlash punktlari barpo etildi.

Energiya tejamkor texnologiyalar, materiallar va loyiha yechimlaridan samarali foydalangan holda ijtimoiy soha obyektlarining 20 tipdagi namunaviy loyihalari ishlab chiqildi. Ushbu zamonaviy loyihalar 404 ta ijtimoiy soha obyeklarida qoʼllanildi.

☺️ “Shaffof qurilish” tizimi orqali 23 mingga yaqin obyekt loyihasi ekspertizadan oʼtkazildi va natijada salkam 8 trln soʼm mablagʼ loyihalarning smeta qismidan iqtisod qilindi. Shuningdek, “Shaffof qurilish” platformasi orqali 13 mingdan ortiq obyektlar boʼyicha loyiha va pudrat tashkilotlarini aniqlash uchun onlayn elektron tenderlar oʼtkazildi. Natijada 614 mlrd soʼm mablagʼ iqtisod qilindi.

🎚️ Brifingni onlayn tarzda ko‘rish uchun havola👇

https://www.facebook.com/share/v/19kYRTfbPv/?mibextid=wwXIfr

Rasmiy sahifalarimizga a'zo bo'ling👇
|🌍Web| 📸Instagram|💬Facebook|😎Telegram| 📹Youtube|

#Brifing

⌛ “Reyting elektron platformasi”ning mezon va koʼrsatkichlari takomillashtirildi hamda ushbu reytingga kiritilgan qurilish tashkilotlari soni 17 mingdan ortib, loyiha tashkilotlari soni 2 300 taga yaqinlashdi.

Ijtimoiy va ishlab chiqarish infratuzilmasini rivojlantirish Dasturi doirasida 2 444 ta obyektda davlat budjeti hisobidan qurilish-taʼmirlash ishlari olib borildi.

Natijada 709 ta maktabgacha va maktab taʼlimi, 10 ta oliy taʼlim, 140 ta tibbiyot, 32 ta sport, 7 ta madaniyat, 2 ta ilmiy muassasa, 77 ta ichimlik suvi, 8 ta issiqlik taʼminoti, 82 ta yoʼllar va koʼpriklar,166 ta irrigatsiya va melioratsiya hamda 180 ta boshqa soha obyektlari foydalanishga topshirildi.

Mahallalar infratuzilmasini rivojlantirish dasturi doirasida 1 571 ta ijtimoiy soha va infratuzilma obyektlarida qurilish, taʼmirlash va jixozlash ishlari amalga oshirildi. Boshqaruv tashkilotlari mablagʼlari hisobidan 9 849 ta koʼp kvartirali uylarda taʼmirlash ishlari olib borildi. Natijada 2 846 ta uyning tom qismi, 6 975 ta kirish yoʼlaklari, 3 624 ta elektr shitlar, 1 022 ta uyning ichki muhandislik tarmoqlari, 3 833 ta yertoʼla qismidagi muhandislik tarmoqlari va 1 159 ta uyning fasad qismi taʼmirlandi. Shuningdek, 2 075 ta kodli qulfli temir eshiklar, 317 ta kodli qulflar, 4 318 kv.m framuga romlar va 4 279 ta sensorli lampalar oʼrnatildi. Bundan tashqari uylardagi 374 mingdan ortiq elektr xoʼjalik obektlari xatlovdan oʼtkazilib, “qizil”, “sariq”, “yashil” toifalarga ajratildi. Shu asosda “qizil” toifadagi 108 mingdan ortiq shitlar mukammal taʼmirlandi. Koʼp qavatli uylardagi eskirgan 528 ta lift yangi va zamonaviysiga almashtirildi.

Xususan, koʼp qavatli uylar va ular haqidagi maʼlumotlar jamlangan “Mening uyim” billing tizimi joriy qilindi.

Hududlarda faoliyat yuritayotgan 498 ta qozonxona va 3 500 km issiqlik tarmoqlaridan 16 mingga yaqin koʼp qavatli uyga hamda 4 mingdan ortiq ijtimoiy soha obyektlariga 7,7 mln geko kaloriya issiqlik energiyasi va issiq suv yetkazib berildi. Shuningdek, 14 ta investitsiya loyihasi doirasida 10 ta qozonxona va 68 km issiqlik tarmoqlarida qurilish-rekonstruksiya ishlari bajarilib, 14 ta isitish qozonlari oʼrnatildi. Jahon banki ishtirokidagi loyihalar doirasida 10 ta isitish qozonlari qurib bitkazildi, 56 km issiqlik tarmoqlari yangilandi hamda 1 280 ta individual issiqlik punktlari oʼrnatildi. Issiqlik tizimini qish mavsumiga tayyorlash doirasida 3 ta qozonxona, 736 ta qozon va 585 km issiqlik tarmoqlarini taʼmirlandi.

💧Qolaversa, barcha dasturlar doirasida 292 ta mahallada jami 1 342 km ichimlik suv tarmoqlari va 225 ta suv inshooti qurildi. Natijada 1,3 mln nafar aholi ichimlik suvi bilan taʼminlandi va 3 mlndan ortiq aholining ichimlik suvi taʼminoti yaxshilandi. Taʼkidlash kerakki, joriy yilda ham bu boradagi ishlar tizimli davom ettiriladi.

🎚️ Brifingni onlayn tarzda ko‘rish uchun havola👇

https://www.facebook.com/share/v/19kYRTfbPv/?mibextid=wwXIfr

Rasmiy sahifalarimizga a'zo bo'ling👇
|🌍Web| 📸Instagram|💬Facebook|😎Telegram| 📹Youtube|

#Brifing

🔴 Mavzu: 2025-yilda qurilish va uy-joy kommunal xo‘jaligi sohasida amalga oshiriladigan tizimli islohotlarga oid rejalar
⏰ Vaqti: 14:00
⭐️ Ishtirok etadi: Saidnosir Usmonov, Qurilish va uy-joy kommunal xoʼjaligi vazirligi Аxborot xizmati rahbari

🗺 Manzil: Oʻzbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi

Rasmiy sahifalarimizga a'zo bo'ling👇
|🌍Web| 📸Instagram|💬Facebook|😎Telegram| 📹Youtube|

#BRIFING

📣 DIQQAT! DIQQAT!

✍️ Ayni daqiqalarda AOKAda "2025-yilda qurilish va uy-joy kommunal xo‘jaligi sohasida amalga oshiriladigan tizimli islohotlarga oid rejalar" mavzusida brifing bo‘lib o‘tmoqda. Unda vazirlik axborot xizmati rahbari Saidnosir Usmonov ishtirok etmoqda.

🎚️ Brifingni onlayn tarzda ko‘rish uchun havola👇

https://www.facebook.com/share/v/18YjuWHBcN/?mibextid=wwXIfr

Rasmiy sahifalarimizga a'zo bo'ling👇
|🌍Web| 📸Instagram|💬Facebook|😎Telegram| 📹Youtube|

#Brifing

🔴 2025-yilda qurilish va uy-joy kommunal xo‘jaligi sohasida amalga oshiriladigan tizimli islohotlarga oid rejalar

Davlatimiz rahbari tomonidan tasdiqlangan strategiya, dastur va ustuvor vazifalardan kelib chiqqan holda Qurilish va uy-joy kommunal xo‘jaligi vazirligi o‘z oldiga ko‘plab istiqbolli reja hamda maqsadlarni belgilab oldi.

Mazkur yo‘nalishda harakatlar rejasi ham ishlab chiqildi. Xususan, asosiy e’tibor tizimni raqamlashtirishga qaratiladi. Bu bo‘yicha Prezidentimiz tomonidan sohaga oid barcha jarayonlarni maksimal raqamlashtirish vazifasi qo‘yilgan.

Shundan kelib chiqqan holda - bosh rejalar mutlaqo yangi ko‘rinishda, ya’ni GIS formatida ishlab chiqiladi. Bu bo‘yicha Toshkent va Nukus shaharlari namuna sifatida tanlab olingan.
Barcha bosh rejalar geoaxborot tizimiga raqamli formatda yuklanadi hamda tizimda shaharlarning raqamli egizagi yaratiladi. Bundan esa obyektlarni joylashtirish va loyihasini kelishishda foydalaniladi. Ushbu jarayonda inson omili qisqaradi va subyektiv yondoshuv yo‘qoladi.

Yana bir muhim jihat. Endilikda arxitektura sohasidagi ayrim davlat xizmatlari, ya’ni me’moriy rejalashtirish, loyihani kelishish va qurilishga ruxsat berish bo‘yicha xizmatlar birlashtiriladi va bir bosqichli jarayonga aylantiriladi va bu ham to‘liq raqamli jarayonga aylantiriladi. Natijada hujjatlar aylanmasi 3 baravarga, xizmat ko‘rsatish vaqti esa 20 kunga qisqaradi.

Loyihalarni ekspertiza qilishda obyektlarga oid birlamchi hujjatlarni olish va ko‘rib chiqish ham raqamlashtiriladi. Ya’ni, yer ajratish qarori, arxitektura topshirig‘i, loyiha kelishuvi, ruxsatnoma, toposyomka va texnik ko‘rik xulosalari tegishli bazalardan integratsiya orqali olinadi. Natijada ekspertiza uchun vaqt sarfi 25 foizga qisqaradi va turli soxtakorliklarning oldi olinadi.

Qurilishda narxlarni shakllantirish va obyektlar smeta qiymatini aniqlash ham elektron tizimga o‘tkaziladi. Buning uchun Qurilish resurslari milliy klassifikatori ishlab chiqilgan.
Buyurtmachi xizmati tizimi ham, ya’ni obyektlar bo‘yicha moliyalashtirish, texnik nazoratni yuritish, bajarilgan ishlar hajmini qabul qilish va obyektni foydalanishga topshirish jarayonlari ham raqamlashtiriladi. Buning uchun texnik imkoniyatlar ya’ni– reyting, tender, manzilli ro‘yxat va monitoring tizimlari raqamlashtirilgan.

⭕️ Qurilish nazorati inspeksiyasi o‘z faoliyatini to‘liq raqamlashtirgan holda olib boradi. Ya’ni, obyektlarda ishlarning borishini kunlik tekshirib borish yo‘lga qo‘yiladi hamda real vaqt rejimida kuzatish imkoni yaratiladi. Buning uchun, hududiy inspeksiyalarda operativ-shtab tashkil etilib, nazorat inspektorlari bodi-kameralar bilan ta’minlanadi va obyektlarga videokuzatuv kameralari o‘rnatiladi.

Yana bir muhim yo‘nalish – sohaga oid texnik-normativ hujjatlar takomillashtiriladi. Shuningdek, 55 ta eskirgan va o‘z ahamiyatini yo‘qotgan texnik-normativ hujjatlar qayta ishlanib, zamonaviy talablarga moslashtiriladi va xalqaro normalar bilan uyg‘unlashtiriladi. Bundan tashqari qurilishga oid ilg‘or xorijiy standartlar va milliy normalarni o‘zaro uyg‘unlashtirib, “Uzbekistan building code” qurilish qoidalarini ishlab chiqish maqsad qilingan. Natijada qurilish ishlarida innovatsion texnologiyalarni qo‘llash hamda binolarning xavfsizligi, seysmik mustaxkamligi va energiya tejamkorligini oshirish ta’minlanadi.

🎚️ Brifingni onlayn tarzda ko‘rish uchun havola👇

https://www.facebook.com/share/v/18YjuWHBcN/?mibextid=wwXIfr

Rasmiy sahifalarimizga a'zo bo'ling👇
|🌍Web| 📸Instagram|💬Facebook|😎Telegram| 📹Youtube|

#Brifing

Joriy yil sohada kadrlar salohiyatini oshirishga ham katta e’tibor qaratiladi. Bunda avvalo ishchi-kasb egalariga razryad berish tizimi yo‘lga qo‘yiladi. Ya’ni, ishchi-quruvchilar sohaga oid texnikumlar, kasbga tayyorlash markazlari va mono-markazlarda o‘qitiladi va ularga razryad beriladi. Ana shunday razryadga ega korxonaning har bir ishchisi uchun “Shaffof reyting” tizimida alohida rag‘bat bali beriladi. Ish haqini to‘lashda ham razyardga alohida ustama to‘lash ko‘zda tutiladi. Bu esa sohada malakali mehnat bozorining shakllanishiga hamda xorijiy bozorga chiqish imkoniga ega korxonalarning paydo bo‘lishiga xizmat qiladi. Bundan tashqari sohada kamida 3 yil faoliyat yuritayotgan mutaxassislarni Kompetensiyani rivojlantirish institutida maxsus bakalavriat va magistraturada o‘qitishni yo‘lga qo‘yish ham reja qilingan. Bunda ushbu o‘qitish dual-ta’lim tizimi asosida amaliyotga yo‘naltiriladi.

Loyiha faoliyatini takomillashtirish va transformatsiya qilish ham ustivor vazifa etib belgilandi. Bunda loyiha tashkilotlariga litsenziya berishda mutaxassislar malakasiga bo‘lgan talab kuchaytiriladi va ular haqida ma’lumotlarni oliy ta’lim va mehnat tizimlaridan integratsiya orqali olish yo‘lga qo‘yiladi. Shuningdek, reyting tizimida ham loyihachi mutaxassislarga malaka talabini alohida baholashga e’tibor berilib, ball mezonlari qayta ko‘rib chiqiladi.
Yana bir yo‘nalish – kommunal xo‘jaligi sohasini rivojlantirish, tizimlarni modernizatsiya qilish va raqamlashtirishdir.
Xususan, ko‘p qavatli uylarni boshqarish tizimi ham to‘liq raqamlashtirilib, umumiy yig‘ilishlar, hisobotlar, shikoyatlar va dispetcherlik xizmatlari raqamli ko‘rinishga o‘tkaziladi.

🔴 Aholining murojaatlari to‘liq “Mening uyim” tizimi orqali boshqaruv-servis kompaniyalariga yuboriladi va vazirlik tomonidan ularning ijrosi kuzatib boriladi. Ushbu kompaniyalar faoliyati yuzasidan aholining shikoyat va mulohazalari mazkur tizim orqali qabul qilinadi hamda shu asosda ularning reytingi shakllantiriladi. Bundan tashqari ko‘p kvartirali uylarning liftlarini boshqarish va monitoring qilish bo‘yicha “Xavfsiz lift” yagona idoralararo platformasi ishlab chiqiladi. Shuningdek, ko‘p qavatli uylardagi 8 942 ta lift texnik ko‘rikdan o‘tkazilib, ular bo‘yicha pasport va muvofiqlik sertifikati joriy etiladi. Shu asosda kelgusi 5 yilda 2 001 ta lift yangilanadi va 382 tasi ta’mirlanadi.

Ko‘p qavatli uylarning texnik pasportlari ham ishlab chiqiladi. Buning uchun dastlab 1991-yilgacha qurilgan uylar xatlovdan o‘tkazilib, texnik pasportlari yaratiladi. Shu asosda barcha uylar holatini aniq ko‘rish mumkin bo‘lgan elektron baza ishga tushiriladi. Ushbu pasportlar asosida ta’mirlanadigan yoki renovatsiyaga tushadigan uylar ro‘yxati shakllantiriladi.

✨ Issiqlik ta’minoti tizimini rivojlantirish maqsadida kelgusida 110 ta loyiha amalga oshiriladi. Jumladan:
- 102 ta qozonxona modernizatsiya qilinadi;
- 1 088 km issiqlik tarmoqlari almashtiriladi;
- 6 048 ta individual issiqlik punktlari o‘rnatilib, “ochiq” tizimidan “yopiq” tizimiga o‘tkaziladi.
Natijada 6 720 ta ko‘p qavatli uylar va 913 ta ijtimoiy soha obyektlarining issiqlik ta’minoti yaxshilanadi.

💧Bundan tashqari ichimlik suvi ta’minotini yaxshilashda yangicha tizim sifatida davlat ijtimoiy buyurtma loyihalari amalga oshiriladi. Ya’ni, xususiy sektorni ijtimoiy sherik sifatida jalb qilgan holda olis hududlarda ichimlik suvi inshootlari va tarmoqlari barpo etiladi. Ushbu maqsadlar uchun har yili budjetdan 50 mlrd so‘m mablag‘ ajratish ko‘zda tutilmoqda.

🏘Qurilish va uy-joy kommunal xo‘jaligi vazirligi joriy yil shu kabi qator loyihalarni jadal amalga oshirib boradi. Buning uchun Davlatimiz rahbari tomonidan barcha sharoit va imkoniyatlar yaratib berilgan.

🎚️ Brifingni onlayn tarzda ko‘rish uchun havola👇

https://www.facebook.com/share/v/18YjuWHBcN/?mibextid=wwXIfr

Rasmiy sahifalarimizga a'zo bo'ling👇
|🌍Web| 📸Instagram|💬Facebook|😎Telegram| 📹Youtube|