#XALQARO_HAMKORLIK

🔠 Bugun O‘zbekiston va Turkiya Ishbilarmonlar uyushmasi hamkorligida “Zilzila va Zamin: Tabiiy ofatlar oqibatlarini kamaytirish va barqaror rivojlanish” mavzusida xalqaro anjuman bo‘lib o‘tdi. Mazkur tadbirga xalqaro ekspertlar, tadbirkorlik subyektlari va ilmiy soha vakillari taklif etilgan. Unda Qurilish va uy-joy kommunal xo‘jaligi vaziri o‘rinbosari Toir Alimatov ishtirok etdi va nutq so‘zladi.

Anjumanda quyidagi masalalar ko‘rib chiqildi:

1. Seysmik xavfsizlikni kuchaytirish: Qurilish sohasida xalqaro standartlar asosida zilzilabardosh infratuzilma yaratish;
2. Innovatsion yechimlar: Zilzila oqibatlarining oldini olish va yumshatish uchun zamonaviy texnologiyalar hamda ilmiy yondashuvlarni amaliyotga joriy etish yo‘llari;
3. Hamkorlikni rivojlantirish: Xorijiy rivojlangan davlatlar tajribasi asosida zilzilaga tayyorgarlik bo‘yicha kooperatsiyani mustahkamlash.

🗺Tadbirda turkiyalik mutaxassislar o‘z tajribalari bilan o‘rtoqlashib, zilzila xavfini kamaytirish bo‘yicha innovatsion yondashuvlarni taqdim etdi. Shuningdek, yangi loyiha va tashabbuslar ishlab chiqish bo‘yicha hamkorlikni davom ettirishga kelishib olindi.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|😎Telegram| 📹Youtube|

#XALQARO_HAMKORLIK

🏘 Qurilish va uy-joy kommunal xo'jaligi vaziri o’rinbosari Toir Alimatov Vyetnam Respublikasining “Rox Group” kompaniyasi asoschisi Tuan Chan boshchiligidagi delegatsiya bilan uchrashuv o’tkazdi. O'zaro samimiy kechgan muloqotda sohada hamkorlikni rivojlantirish va qurilish loyihalarini amalga oshirishda tajriba almashishga oid masalalarga e’tibor qaratildi.

- Sir emas, O‘zbekistonda qurilish industriyasi mamlakat iqtisodiyotining asosiy lokomotivlaridan biriga aylandi. Shu ma’noda Vyetnamda ham ushbu soha iqtisodiyotning asosiy tarkibiy qismlaridan biri desak, ayni haqiqat bo’ladi. Iqtisodiy o‘sish, urbanizatsiya va investitsiyalarning ortishi hisobiga har ikki davlatda qurilish jadal sur’atlar bilan rivojlanishda davom etmoqda. Bugungi uchrashuvimiz ham mamlakatlarimizning bu boradagi boy tajribasini ommalashtirishda va tajriba almashishda muhim qadam bo’lishiga ishonch bildiraman, - dedi Toir Alimatov.

😇 Muzokaralarda delegatsiya a'zolari qurilishda yashil texnologiyalar va ilg’or texnik yechimlarni birgalikda amalda qo’llashdan manfaatdor ekanliklarini bildirishdi. Tomonlar yangi investitsiya loyihalarini muhokama qildilar.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|😎Telegram| 📹Youtube|

#XALQARO_HAMKORLIK

🟥 Tadbirda ta’kidanganidek, yuqori togʻli hududlar va murakkab geologik sharoitlarda inshootlarni loyihalash hamda zilzilabardosh yechimlarni ishlab chiqish sohalarida xalqaro hamkorlik ustuvor yoʻnalishlardan biridir.

Oʻzbekiston Respublikasi Qurilish va uy-joy kommunal xoʻjaligi vazirligi bu borada xalqaro hamkorlikni kuchaytirish va ilgʻor texnologiyalarni joriy etish orqali sohani yangi bosqichga olib chiqishni maqsad qilgan.

Shu bilan birga xalqaro hamkorlikning eng muhim tomoni shundaki, bu bizga xorijiy tajribalarni oʻrganish hamda eng soʻnggi ilm-fan yutuqlari bilan tanishish imkonini beradi.

Hozirda qiyaliklar va tunnellarning barqarorligini oshirish, yangi monitoring tizimlarini joriy etish va milliy standartlarni zamonaviy talablar asosida takomillashtirishni rejalashtirilmoqda.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|😎Telegram| 📹Youtube|

#XALQARO_HAMKORLIK

🗺 Fargʻona viloyati va Dushanbe shahri oʻrtasida arxitektura va shaharsozlik boʻyicha hamkorlik aloqalari yanada kengayadi

Fargʻona viloyatida arxitektura va shaharsozlik sohasini yanada takomillashtirish, qoʻshni davlatlarning shaharsozlik va kommunal sohadagi tajribalari, yutuqlari bilan tanishish, shaharsozlik sohalarida amaliy hamkorlikni mustahkamlash, ijtimoiy va iqtisodiy loyihalarni birgalikda amalga oshirish maqsadida joriy yil 17-19-dekabr kunlari Fargʻona viloyati Qurilish va uy-joy kommunal xoʻjaligi bosh boshqarmasi boshligʻi Lazizxon Pozilov boshchiligida davlat xizmatchilari, tuman va shahar arxitektorlari bosh arxitektorlari hamda yetakchi loyiha tashkilotlaridan iborat delegatsiya qoʻshni Tojikiston Respublikasi Dushanbe shahrida boʻlib turishibdi.

Rasmiy sahifalarimizga a'zo bo'ling👇

|🌍Web| 📸Instagram|💬Facebook|😎Telegram| 📹Youtube|

#XALQARO_HAMKORLIK

🏘 Bugun Qurilish va uy-joy kommunal xo‘jaligi vazirligi, Texnik me’yorlash va standartlashtirish ilmiy-tadqiqot instituti hamda “Shaffof qurilish” milliy axborot tizimi vakillaridan iborat delegatsiya Moskva shahrida uchrashuvlar o’tkazdi.

Maqsad Rossiya Qurilish va uy-joy kommunal xo‘jaligi vazirligi bilan hamkorlikda buyurtmachi xizmati faoliyatini va arxitektura-qurilish nazorati jarayonlarini raqamlashtirish bo‘yicha tajriba almashishdan iborat.

☺️ Uchrashuvda sohada shaffoflikni ta’minlash va raqamlashtirish jarayonlarini yanada takomillashtirish masalalari ham muhokama qilindi.

Rasmiy sahifalarimizga a'zo bo'ling👇

|🌍Web| 📸Instagram|💬Facebook|😎Telegram| 📹Youtube|

#XALQARO_HAMKORLIK

🔗 Xabaringiz bor, Qurilish va uy-joy kommunal xo‘jaligi vazirligi, Texnik me’yorlash va standartlashtirish ilmiy-tadqiqot instituti, “Shaffof qurilish” milliy axborot tizimi hamda Qurilish va uy-joy kommunal xo'jaligi sohasida nazorat qilish inspeksiyasi vakillaridan iborat delegatsiya Moskva shahrida uchrashuvlar o’tkazmoqda.

Bugun Rossiyaning Omskning viloyatida amalga oshirilgan raqamlashtirish ishlarining o‘ziga xosligi, Moskva viloyatida davlat nazorati yuritish va raqamlashtirish borasida erishilgan yutuqlar muhokama qilindi.

🟢 Kun tartibidagi masalalar orasida obyektlarning qurilish narxini belgilash tartibi, turlari, qurilish materiallariga indekslarni shakllantirish va qo‘llash yo‘nalishlarida ham tajriba almashish ko‘zda tutilgan.

Rasmiy sahifalarimizga a'zo bo'ling👇

|🌍Web| 📸Instagram|💬Facebook|😎Telegram| 📹Youtube|

#Xalqaro_hamkorlik

☯️ Turk ishbilarmon doira vakillaridan iborat delegatsiya ayni paytda Fargʼona viloyatida boʼlib turibdi. Xususan, ular ishtirokida turli sohalarda istiqbolli loyihalarni amalga oshirish borasida uchrashuvlar oʼtkazilmoqda.

Bugun Belgin Taniverdi boshchiligidagi sanoat va qurilish sohasi delegatsiyasi vakillari hamda viloyat Qurilish va uy-joy Kommunal xoʼjaligi boshqarmasi boshligʼi Laziz Pozilov ishtirokida muhokamalar boʼlib oʼtdi. Unda ikki tomonlama manfaatli hamkorlik istiqbollari muhokama qilindi.

Uchrashuvda Oʼzbekiston-Turkiya munosabatlari yangi bosqichda davom etayotganligi, buning natijasida hududlararo aloqalar faollashayotgani taʼkidlandi. Jumladan, viloyatda sanoat va qurilish sohasi yoʼnalishida bir qator loyihalarni amalga oshirish imkoniyatlari haqida soʼz yuritildi.

Mehmonlar Fargʼona shahrida barpo etilayotgan Eko shahar - "Yangi Oʼzbekiston" massivida boʼlib, u yerdagi bunyodkorlik ishlari bilan tanishdilar.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|😎Telegram| 📹Youtube|

#XALQARO_HAMKORLIK

Yangi Toshkent – yangi imkoniyatlar

🔵 Yangi Toshkent shahrini barpo etish direksiyasi mutasaddi rahbarlari va China state construction engineering corporation vakillari o‘rtasida uchrashuv bo‘lib o‘tdi.

Mazkur uchrashuv davomida tomonlar o‘zaro hamkorlik, qurilish jarayonlarini yanada jadallashtirish va ilg‘or texnologiyalarni qo‘llash masalalarini muhokama qildi. Xususan, Yangi Toshkentning infratuzilmasini rivojlantirishda xalqaro tajribani tatbiq etish va resurslardan samarali foydalanish bo‘yicha qator takliflar ilgari surildi.

Uchrashuv doirasida tomonlar o‘zaro manfaatli hamkorlikni mustahkamlash va kelgusidagi rejalarga oid yo‘nalishlarni belgilab olishdi.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|😎Telegram| 📹Youtube|

#Xalqaro_hamkorlik

📌 Bugun "O'zshaharsozlik LITI" DM bosh loyiha institutida Xitoy Xalq Respublikasining qurilish va loyihalash sohasida faoliyat ko'rsatuvchi yetakchi kompaniyalari vakillari ishtirokida konferensiya bo'lib o'tdi.

Tadbirning asosiy maqsadi qurilish va loyihalash sohasida o'zaro hamkorlik aloqalarini o'rnatishdan iborat.

Konferensiya davomida qatnashchilar dastlab "O'zshaharsozlik LITI" DMning tarixi bo'yicha tashkil etilgan muzey faoliyati bilan tanishdilar.

Shuningdek, yig'ilish davomida Xitoy kompaniyalari vakillari o'z faoliyatlari bo'yicha taqdimot o'tkazdilar. Shundan so'ng shaharsozlik hujjatlarini loyihalash va qurilish sohasida hamkorlik aloqalarini o'rnatish yuzasidan o'zlarini qiziqtirgan savollarini berdilar.

Tadbir yakunida mamlakatlar o'rtasida hamkorlik loyihalari, undagi ikki tomonlama manfaatli dasturlar muhokama qilindi va kelgusidagi vazifalar belgilab olindi.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|😎Telegram| 📹Youtube|

#Xalqaro_hamkorlik

🔠 Xitoy delegatsiyasi bugun "Qishloqqurilishloyiha" davlat muassasasida bo’ldi

Tadbir davomida delegatsiya a'zolari davlat muassasasi tomonidan o'tgan yillarda amalga oshirilgan ishlar va kelgusidagi rejalar bilan tanishdilar.
Shuningdek, suhbat davomida kelgusidagi istiqbolli aloqalar rivoji xususida ham o’zaro fikr almashildi. Uchrashuv yakunida manfaatli kelishuvlarga erishildi.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|😎Telegram| 📹Youtube|

#Xalqaro_hamkorlik

Qurilish va uy-joy kommunal xo'jaligi, Kambag‘allikni qisqartirish va bandlik vazirliklari mas'ullari hamda Mahallalar uyushmasi vakillaridan iborat mamlakatimiz delegatsiyasi Xitoy Xalq Respublikasining Shenchjen shahrida bo'lib turibdilar.

📍 Dastlab delegatsiya a'zolari texnologiyalar, tadqiqotlar, ishlab chiqarish, biznes-iqtisodiyot, turizm va transport borasida global markazlardan biri bo'lgan Shenchjen shahri hukumati vakillari bilan uchrashdilar. Tadbirda kambag‘allikni qisqartirishda dunyo miqyosida eng rivojlangan shahar tajribasi xususida so‘z bordi.

Ta'kidlanganidek, kambag'al oilalarni kasbga yo'naltirish, uy-joy bilan ta'minlash yoxud ularning yashash sharoitlarini yaxshilashda Shenchjen shahri yaxshi samaraga erishgan. Ushbu jarayonda hukumat va tadbirkorlarning samarali hamkorligidan unumli foydalanilgan.

Tadbir davomida mazkur yo'nalishda hamkorlik loyihalarining istiqbollari muhokama qilinmoqda.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|😎Telegram| 📹Youtube|

#Xalqaro_hamkorlik

📍 Xabar berganimizdek, mamlakatimizning bir qator vakolatli davlat tashkilotlari vakillaridan iborat guruhlar Xitoy Xalq Respublikasida bo'lib, aholining bandligini ta'minlash orqali kambag'allikni qisqartirish bo'yicha amalga oshirilgan manzilli ishlar bilan tanishmoqdalar.

Xususan, Liangshan Yi avtonom prefekturasi bo'lib o'tgan yig'ilish ham ayni maqsadda tashkil etildi. Erkin muloqot va o’zaro fikr almashish asnosida o'tkazilgan tadbirda tomonlar aholining ijtimoiy himoyaga muhtoj qatlamini muntazam bandligini ta'minlash, ularni qo'llab-quvvatlash, uy-joylar uchun imtiyozli kreditlar ajratish masalalarini muhokama qildilar. Shuningdek, Xitoyning kichik tadbirkorlikni rivojlantirishdagi tajribasi xususida qiziqarli ma'lumotlar berildi.

Tadbir yakunida tomonlar kelgusidagi hamkorlik loyihalarini amalga oshirishga kelishib oldilar.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|😎Telegram| 📹Youtube|

#Xalqaro_hamkorlik

🏠 Uy-joy insoniyatning eng birlamchi ehtiyoji. Undagi qulay sharoitlar esa aholining bevosita ish samaradorligiga ham ijobiy ta’sir o’tkazadi. Shu ma’noda dunyo miqyosida aholi turar joylarini saqlash, ulardagi yashash sharoitlarini yaxshilash sohasiga alohida e’tibor qaratib kelinadi.

Hozirda Xitoy Xalq Respublikasida bo’lib turgan delegatsiya a’zolari bugun Foshan shahrida bo’ldilar. Xususan, vazirligimiz va boshqa bir qator tegishli davlat tashkilotlari mas’ullari Uy-joy va shahar qurilishi departamenti vakillari bilan uchrashdilar.

Unda aholini uy-joy sharoitlarini yaxshilash orqali kambag’allikdan chiqarish bo’yicha Foshan shahri tajribasi to’g’risida so’z bordi.

Jumladan, mazkur yo’nalishdagi loyihalar va ularni bosqichma-bosqich amaliyotga joriy etish mexanizmlari ko’rib chiqildi.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|😎Telegram| 📹Youtube|