💐#TABRIK

✨8-mart – Xalqaro xotin-qizlar kuni bilan  samimiy tabriklaymiz!

🌸 Biz har gal olamning pokligi, inson kamoloti, umrning ziynati haqida gap ketganda, shubhasiz moʻtabar onalarimizni, goʻzal opa-singillarimizni koʻz oldimizga keltiramiz. Boisi ular qalblarimizda mehr-u muhabbat timsoli boʻlib muhrlangan. Shu maʼnoda bugun mamlakatimiz taraqqiyotida, sohalar rivojida Sizdek ayollarning hissasi beqiyosdir.

🍬💐Fursatdan foydalanib shu qutlugʻ ayyomda sizga chuqur hurmat-ehtiromimiz va ezgu tilaklarimizni izhor etamiz.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|✅Telegram| 📹Youtube|

🎉💐#TABRIK

   Kelajakka ishonch bilan boqing!

 🔔 Bugun siz maktab bitiruvchilari - katta hayot boʻsagʻasida turibsiz. Bu hayotning yangi, masʼuliyatli bosqichi. Bilasizmi, baʼzan yuqori choʻqqilarni zabt etish imkonsizdek tuyuladi. Yuksak marralar faqat omadli va iqtidorlilar uchun degan fikrga kelamiz. Ammo unday emas. Barcha muvaffaqiyatlar eng avvalo, tinimsiz mehnat va harakat orqali keladi. Ishoning, egallab boʻlmaydigan bilim, oʻzlashtirish mumkin boʻlmagan koʻnikmaning oʻzi yoʻq. Kelajakka ishonch bilan boqing! Orzularingiz yoʻlida izlaning, mashaqqatli yoʻl faqatgina omad sari boshlashini aslo unutmang.

🎊 Men sizning chaqnoq nigohlaringizga boqib, buyuk insonlar, shu jumladan, salohiyatli quruvchilar, kommunal soha bilimdonlarini koʻraman. Xususan, mamlakatimizning bunyodkorlik sohasini rivojlantirishda bor kuch-gʻayrati, iqtidorini sarflashga tayyor, zamon bilan hamnafas fikrlovchi yoshlar borligidan quvonaman.

✔️Siz jamiyatning ertangi kelajagi, uning faol aʼzosi, mamlakatimiz salohiyatini belgilovchi buyuk kuchsiz. Ishonchim komilki, Yangi Oʻzbekistonning munosib poydevorlari sifatida ota-onangiz va ustozlaringiz yuzini yorugʻ qilasiz.

Orzularingiz, maqsadlaringiz bugungi islohotlar singari ulkan, erishadigan marrangiz, koʻtariladigan shohsupangiz esa  osmonoʻpar binolardek baland boʻlsin!

🏘 Qurilish va uy-joy kommunal xo‘jaligi vaziri B.Zakirov     

Rasmiy sahifalarimizga a'zo bo'ling👇
|🌍Web| 📸Instagram|💬Facebook|✅Telegram| 📹Youtube|

#TABRIK

💥Inson borki, farzandi uchun yashaydi, dilbandlariga umrini baxshida etadi!

Oʻzbek xalqi ham azal-azaldan bolajon. Yurtimizning qaysi bir goʻshasiga bormang, bolalarga koʻrsatilayotgan gʻamxoʻrliklarning guvohi boʻlasiz. Yosh avlodni jismonan va ma'naviy sogʻlom qilib voyaga yetkazish, farzandlarimizni milliy hamda umuminsoniy qadriyatlar ruhida tarbiyalash masalasi davlat siyosati darajasiga koʻtarilgan.

🎉 Bugun ham Oʻzbekistonda bayram. Zero, bolalarni himoya qilish kunidan maqsad keng jamoatchilik diqqatini barcha oʻsib kelayotgan bolajonlarga, ayniqsa, muammoli bolalarga, ularning huquqlarini himoya qilishga, himoyalangan dunyoda yashash imkoniyatlariga, baxtli bolalikka ega boʻlishlariga va oʻz mamlakatining toʻla-toʻkis hamda xotirjam fuqarosi boʻlishlariga ishonch uygʻotishdir.

🏘💐 Qurilish va uy-joy kommunal xo'jaligi vazirligi 1-iyun "Xalqaro bolalarni himoya qilish kuni" munosabati bilan ertamiz egalari boʻlgan aziz farzandlarimizga sogʻlik va baxt tilaydi!

Rasmiy sahifalarimizga a'zo bo'ling👇
|🌍Web| 📸Instagram|💬Facebook|✅Telegram| 📹Youtube|

#TABRIK

  Aziz yurtdoshlar!

🌙 Barchangizni muqaddas Qurbon hayiti bilan samimiy tabriklayman.

Prezidentimiz Sh.Mirziyoyev boshchiligida shakllangan yaxshi anʼanaga muvofiq Qurbon hayiti munosabati bilan bu yil ham bir necha kundan iborat dam olish kunlari belgilandi.

Bu esa hayotimizga chinakam bayram kayfiyatini olib kirishga xizmat qilmoqda. Boisi ulug‘ ayyom kunlari muqaddas maskanlar, buyuk ajdodlarimiz qadamjolarini ziyorat qilish, aziz ota-onalarimiz, qarindosh-urugʻlarimiz, yor-u do‘stlarimizni yoʻqlash, yordamga muhtoj, bemor insonlar holidan xabar olish, yurtimiz boʻylab sayohatlarni amalga oshirish uchun qulay imkoniyat bo‘lmoqda.

Shunday ekan el-yurtimizning bu muborak oyda qilgan ibodatlari, ezgu niyatlari ro‘yobga chiqishiga tilakdoshman.

💐 Aziz Vatanimizda tinchlik va barqarorlik hamisha bardavom boʻlsin! Har bir sohadagi ezgu ishlarimiz, intilishlarimizni Yaratganning o‘zi qo‘llasin!

💫 Ushbu ayyom har birimizga sihat-salomatlik, totuvlik va baxt-omad olib kelsin.

🏘 Qurilish va uy-joy kommunal xo‘jaligi vaziri B.Zakirov

Rasmiy sahifalarimizga a'zo bo'ling👇
|🌍Web| 📸Instagram|💬Facebook|✅Telegram| 📹Youtube|

💐#TABRIK

😄 Aziz matbuot va ommaviy axborot vositalari xodimlari!

Sizni bugungi kasb bayramingiz munosabati bilan samimiy muborakbod etamiz!

Hozirgi kunda jamiyatimizda ochiqlik va oshkoralikni ta'minlash, har sohada jamoatchilik nazoratini kuchaytirish yo'lidagi mashaqqatli, shu bilan birga sharafli mehnatingiz yuksak e'tirofga sazovor. Siz mamlakatimizda amalga oshirilayotgan keng islohotlarni inson qadri, uning manfaatlarini himoya qilishga safarbar etishda muhim ahamiyat kasb etasiz.

Jamiyatda yuz berayotgan o‘zgarishlar, ustuvor g‘oya va tashabbuslarning mazmun-mohiyatini xalqimizga tezkor va xolislik bilan yetkazadigan Sizdek uyg‘oq qalb egalariga mamlakatimiz taraqqiyotiga qo‘shayotgan beqiyos hissangiz uchun chuqur minnatdorlik bildiramiz.

🔗  Izlanishdan, ijod qilishdan, yuksalishdan chekinmang! Sizlar bilan hamkorlikda xalqimizga xizmat qilishdan mamnunmiz!
                           
🏘 Qurilish va uy-joy kommunal xo'jaligi vaziri            B.Zakirov

Rasmiy sahifalarimizga a'zo bo'ling👇
|🌍Web| 📸Instagram|💬Facebook|✅Telegram| 📹Youtube|

💐#TABRIK

😄 27-iyun - Matbuot va OAV xodimlari kuni munosabati bilan soha vakillarini samimiy tabriklaymiz.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|✅Telegram| 📹Youtube|

💐#TABRIK

Rasmiy sahifalarimizga a'zo bo'ling👇
|🌍Web| 📸Instagram|💬Facebook|✅Telegram| 📹Youtube|

💐#Tabrik

🎉 Muhtaram va qadrli vatandoshlar!

Sizlarni eng ulug‘, eng aziz bayramimiz – Mustaqilligimizning 33 yilligi bilan chin qalbdan samimiy muborakbod etaman.

Bugungi xalqchil islohotlar davrida butun jamiyatimizni qamrab olayotgan ezgu ishlarimiz tufayli hayotimizda fayz-u baraka, millatlararo do‘stlik va mehr-oqibat tuyg‘ulari kuchayib bormoqda. Ushbu o‘zgarishlar va yangi loyihalarning barchasi yagona maqsadga qaratilgan bo‘lib, mehnatkash va oliyjanob xalqimizni rozi qilish, yurtdoshlarimizning ishonchini oqlash, og‘irini yengil qilishdan iboratdir.

Fursatdan foydalanib, sizlarni O‘zbekiston davlat mustaqilligining 33 yillik bayrami bilan yana bir bor chin dildan tabriklab, barchangizga sihat-salomatlik,oilaviy xotirjamlik va yangi-yangi yutuqlar yor bo‘lishini tilab qolaman.

✨Yurtimiz tinch,osmonimiz musaffo, mustaqilligimiz abadiy bo‘lsin!

Hurmat bilan Sherzod Hidoyatov - Qurilish va uy-joy kommunal xo‘jaligi vaziri v.b

Rasmiy sahifalarimizga a'zo bo'ling👇
|🌍Web| 📸Instagram|💬Facebook|✅Telegram| 📹Youtube|

💐#TABRIK

Qadrli ustoz va murabbiylar!

Muhtaram faxriylar!

Avvalo, siz azizlarni, taʼlim-tarbiya sohasining barcha jonkuyar xodimlarini 1-oktabr – Oʻqituvchi va murabbiylar kuni bilan chin qalbdan samimiy muborakbod etaman.

Dunyodagi eng bebaho boylik – aql-zakovat va ilm, oʻlmas meros – yaxshi tarbiyadir. Sizlar esa dunyodagi eng bebaho boylik va boqiy merosni yaratish, uni xalqimizga, yangi avlodga yetkazish yoʻlida chinakam fidoyilik koʻrsatib mehnat qilayotgan ulugʻ insonlarsiz!

💤Aziz ustozlar!

Jamiyatimizda bogʻcha tarbiyachisi, maktab muallimi, oliygohlarning professor-oʻqituvchilari va ilmiy-ijodiy ziyolilarni bugun biz intilayotgan Uchinchi Renessansning toʻrt tayanch ustuni deb eʼtirof etilmoqda. Shu jihatdan sizlarning hurmat-eʼtiboringizni oshirish, qadringiz, shaʼningiz va gʻururingizni tiklash, mashaqqatli va sharafli mehnatingizni har taraflama ragʻbatlantirish boʻyicha boshlangan ishlar izchil davom etmoqda. Bu – koʻpni koʻrgan, ustozni otadek ulugʻ deb bilgan donishmand xalq minnatdorligining ifodasidir.

🎉Siz azizlarni qutlugʻ bayramingiz bilan yana bir bor tabriklab, barchangizga sihat-salomatlik, baxt-u saodat, faoliyatingizda ulkan muvaffaqiyatlar, xonadonlaringizga fayz-u baraka tilayman.

Hamisha sogʻ-omon boʻling, aziz ustozlar!

🏘Hurmat bilan Sherzod Hidoyatov
Qurilish va uy-joy kommunal xoʻjaligi vaziri v.b

Rasmiy sahifalarimizga a'zo bo'ling👇
|🌍Web| 📸Instagram|💬Facebook|✅Telegram| 📹Youtube|

💐#TABRIK

O’zbek tili - millatimizning ma’naviy boyligi hisoblanadi. Ota-bobolarimizning tanti va samimiy gurunglari, onalarimizning mehr to’la allalari bilan bunyod bo’lgan, qon-qonimizda singgan ona tilining qadri va qimmati har narsadan baland. Zero, til bor - millat bor!

Shubhasiz, o‘zlikni anglash, milliy ong va tafakkurning ifodasi, avlodlar o‘rtasidagi ruhiy-ma’naviy bog‘liqlik til orqali namoyon bo‘ladi. Jamiki ezgu fazilatlar inson qalbiga avvalo, ona tilining betakror jozibasi bilan singadi. Xalqimiz tafakkurining ko‘zgusi bo‘lgan ushbu bebaho ne’matni asrab-avaylash va rivojlantirish bugungi kundagi eng katta vazifalarimizdan biridir. Boisi til faqatgina jamiyat bilan birgalikda rivojlanadi.

✨ Aziz yurtdoshlar, sizlarni o‘zbek tiliga davlat tili maqomi berilganligining 35 yilligi hamda 21-oktabr – O‘zbek tili bayrami kuni bilan samimiy tabriklab, barchangizga mustahkam salomatlik, oilangizga qut-baraka, tinchlik va xotirjamlik tilayman!

🏘 Qurilish va uy-joy kommunal xo'jaligi vaziri v.b
Sherzod Hidoyatov

Rasmiy sahifalarimizga a'zo bo'ling👇
|🌍Web| 📸Instagram|💬Facebook|✈️Telegram| 📹Youtube|

#TABRIK

💐O‘zbekiston kasaba uyushmalari kuni muborak bo‘lsin!

Mamlakatimizda “Inson qadri uchun” g‘oyasini umummilliy harakatga aylantirishda davlat va jamoat tashkilotlari bilan bir qatorda hech shubhasiz, kasaba uyushmalari ham muhim o‘rin tutmoqda. Xususan, kasaba uyushmalari ijtimoiy sheriklik tamoyili asosida mehnat ahlining ijtimoiy-iqtisodiy manfaatlari va huquqlarini himoyalash bilan birga, aholi turmush farovonligini yuksaltirish, bandlikni ta’minlash, munosib mehnat sharoitlarini yaratish yo‘nalishlarida ham tizimli ishlarni amalga oshirmoqda.

🏘 Qurilish va uy-joy kommunal xo'jaligi vazirligi jamoasi Kasaba uyushmalari faollari va xodimlarini 11-noyabr – O‘zbekiston kasaba uyushmalari kuni munosabati bilan samimiy muborakbod etadi.

Inson manfaatlarini himoya qilish, uning meʼyoriy asoslarini mustahkamlashdagi ishlaringizga rivoj, xonadoningizga tinchlik-xotirjamlik va farovonlik tilaymiz!

Rasmiy sahifalarimizga a'zo bo'ling👇
|🌍Web| 📸Instagram|💬Facebook|✈️Telegram| 📹Youtube|

💐#TABRIK

  Hurmatli yurtdoshlar!

    🇺🇿Barchangizni O‘zbekiston Respublikasi Konstitutsiyasi qabul qilinganligining 32 yilligi munosabati bilan samimiy qutlayman!
      Mamlakatimiz rivoji, xalqimiz farovonligining kafolati va poydevori bo‘lgan Bosh qomusimiz yuksak faxrimizdir.
      Sizlarga sihat-salomatlik, baxt va omad, xonadoningizga tinchlik-xotirjamlik, fayz-u baraka tilayman. Vatanimiz taraqqiyoti yo‘lidagi xayrli ishlaringizda omad yor bo‘lsin!
                   
🏘 Qurilish va uy-joy kommunal xo'jaligi vaziri Sherzod Hidoyatov

Rasmiy sahifalarimizga a'zo bo'ling👇
|🌍Web| 📸Instagram|💬Facebook|😎Telegram| 📹Youtube|

💥#TABRIK

💥 Aziz yurtdoshlar, qadrli hamkasblar, quruvchilar, usta meʼmorlar va kommunal soha xodimlari!

Sizlarni kirib kelayotgan yangi 2025-yil bilan samimiy tabriklayman. Oʻtib borayotgan yil ham mamlakatimiz tarixida katta yangiliklar, inson qadrini ulugʻlash, uning manfaatlarini qoʻllab-quvvatlashdek ezgu amallar bilan barchamizning yodimizda qoldi desak mubolagʻa boʻlmaydi. Hurmatli yurtboshimiz tashabbusi bilan boshlangan bunyodkorlik ishlari ushbu yilda ham yangi mazmun-mohiyat bilan boyidi.

Chekka qishloq va ovullardan boshlab, shahar va tuman markazlarini zamonaviy qiyofada rivojlantirish, “Yangi Oʻzbekiston” massivlari, “Yangi Toshkent” loyihasi kabi xalqchil tashabbuslar doirasida qurilish ishlarini takomiliga yetkazish boʻyicha muayyan ishlar qilindi va bu yoʻldagi ezgu saʼy-harakatlar izchil davom ettirilmoqda.

🗺 Hududlarda aholini uy-joy bilan taʼminlash, ijtimoiy soha obyektlarini qurish, koʻp kvartirali uylarning kommunal sharoitlarini yanada yaxshilashga oid keng qamrovli ishlar shular jumlasidandir. Mazkur murakkab, ammo yurtdoshlarimiz uchun manfaatli boʻlgan yoʻl zimmamizdagi masʼuliyatni yanada oshirishi tabiiy. Shu maʼnoda boshlangan xayrli amallar 2025-yilda yanada taraqqiy etishi uchun bor kuch-gʻayratimizni ishga solamiz.

🌳 “Atrof-muhitni asrash va “yashil” iqtisodiyot yili”da oʻz oldimizga koʻplab reja va maqsadlarni qoʻydik. Bunda sohani raqamlashtirishni yangi bosqichga olib chiqish, energosamaradorlikni taʼminlash, mamlakatimiz yashil tabiatiga hissa qoʻshish va aholimizning yashash sharoitlarini yaxshilashga alohida eʼtibor qaratamiz.

🎉 Yana bir bor Siz azizlarni Yangi yil bayrami bilan tabriklayman. Xonadoningizdan fayz-u baraka arimasin. Kirib kelayotgan yil sizga baxt, quvonch va omad olib kelsin. Tinch osmonimiz, betakror vatanimiz rivoji yoʻlidagi matonatli va zahmatli mehnat yoʻlida barchangizga kuch-quvvat tilayman.

Sizga cheksiz hurmat bilan Sherzod Hidoyatov

🏘 Oʻzbekiston Respublikasi Qurilish va uy-joy kommunal xoʻjaligi vaziri

Rasmiy sahifalarimizga a'zo bo'ling👇

|🌍Web| 📸Instagram|💬Facebook|😎Telegram| 📹Youtube|

#TABRIK

💐 Hurmatli Vatan himoyachilari! Yurtimizning mard va jasur oʻgʻlonlari!

🏘 Qurilish va uy-joy kommunal xo‘jaligi vazirligi Siz azizlarni O‘zbekiston Respublikasi Qurolli Kuchlari tashkil topganligining 33 yilligi hamda 14-yanvar "Vatan himoyachilari kuni" munosabati bilan samimiy qutlaydi!

Siz borki, hayot yoʻlimiz charogʻon, tinch osmon ostida baxtli bolalar kulgusi jarang sochadi.

😇 Yurtboshimiz ta’biri bilan aytganda, biz sizlar kabi botir va dovyurak ona yurt farzandlari – Vatanimizning haqiqiy posbonlari bilan haqli ravishda faxrlanamiz.

Barchangizga mustahkam sog‘liq, oilaviy baxt va saodat, sharafli va mas’uliyatli faoliyatingizda ulkan zafarlar yor boʻlsin. Yurtimiz taraqqiyoti va tinchligi yo‘lida amalga oshirayotgan zahmatli mehnatingiz yo‘lida hamisha sobit qadam bo‘ling!
 
Rasmiy sahifalarimizga a'zo bo'ling👇
|🌍Web| 📸Instagram|💬Facebook|😎Telegram| 📹Youtube|