#JARAYON

🏘 Bugun Qurilish va uy-joy kommunal xo‘jaligi vazirligida "Zamonlift" aqlli lift kompleksi yuzasidan taqdimot o‘tkazildi. Unda vazir o‘rinbosari Ozoda Jo‘rayeva ham qatnashib, tizimning texnik va innovatsion xususiyatlari bilan tanishdi.

Zamonaviy turar-joy infratuzilmasi lift uskunalarini ekspluatatsiya qilish va aholi xavfsizligini ta'minlashni nazarda tutadi. Bugungi kunda liftlarga xizmat ko‘rsatish sohasidagi bir qator muammolar ushbu tizimni to‘liq raqamlashtirish zaruratini orttirmoqda.

"Zamonlift" aqlli lift kompleksi uchta tarkibiy qismlarni o‘z ichiga olgan, avtomatlashtirilgan lift boshqaruv tizimidir. Bular:
- Dispetcherlik tizimi;
- Kirish nazorati tizimi;
- Videokuzatuv tizimi.

Ta’kidlanganidek, mazkur uchta tizimni yagona infratuzilmaga birlashtirish aholi xavfsizligini oshirish, ekspluatatsiya xarajatlarini kamaytirish, shaffoflik va hisobdorlikni ta’minlash, favqulodda vaziyatlarni oldini olishni ta’minlaydi.

Vazir o‘rinbosari liftlarga texnik xizmat ko’rsatish yo’nalishidagi ushbu yangi yechimlarni mukammal ishlab chiqish, bunda har bir jihatga alohida e’tibor qaratish lozimligini ta’kidladi.

- Raqamlashtirish orqali biz liftlar bilan bog‘liq salbiy holatlarni oldini olishimiz mumkin. Bunda lift qurilmalaridan samarali foydalanish, elektr enerrgiyasini tejashga e’tibor berish lozim. Shuningdek, videokuzatuv tizimi orqali aholida ham kommunal madaniyatni shakllantirishga erishishimiz mumkin, - dedi O.Jo‘rayeva.

Muhokamalar yakunida tizimni yanada takomillashtirish va bosqichma-bosqich amaliyotga joriy etish yuzasidan mas’ullarga tegishli topshiriqlar berildi.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|😎Telegram| 📹Youtube|

#JARAYON

🏘 Bugun Qurilish va uy-joy kommunal xoʻjaligi vazirligida 2025-yilning 5-mart kuni kuni davlatimiz rahbari raisligida boʻlib oʻtgan korrupsiyaning oldini olish boʻyicha ishlar natijadorligi va kelgusidagi ustuvor vazifalarga bagʻishlangan kengaytirilgan yigʻilish hamda unda belgilab berilgan topshiriqlar ijrosiga doir yigʻilish oʻtkazildi.

Tadbirni Qurilish va uy-joy kommunal xoʻjaligi vaziri Sh.Hidoyatov hamda Bosh prokuratura boshqarma boshligʻi A.Muhiddinov olib bordi. Eʼtirof etildiki, yurtimizda korrupsiyaning oldini olish va unga qarshi kurashish boʻyicha aniq tizim yaratildi, alohida qonunlar qabul qilindi.

Ochiqlik boʻyicha xalqaro reytinglardagi mamlakatimizning oʻrni 138 pogʻonaga yaxshilanib, Markaziy Osiyoda birinchi, dunyoda 30-oʻringa koʻtarildi.

Korrupsiyani tag-tomiri bilan quritish uchun avvalo inson omili va qogʻozbozlikni kamaytirishga alohida eʼtibor qaratilmoqda. Masalan, sohadan kelib chiqadigan boʻlsak, “Shaffof qurilish” dasturi joriy etilgach, tizimda ochiqlikni taʼminlash, korrupsiyaga yoʻl qoʻymaslik boʻyicha ijobiy oʻzgarishlarga erishildi.

Ilgari investitsiya dasturiga kirgan obyektlarni quradigan pudratchilar mingtaga ham yetmasdi. Oʻtgan yili 13,5 mingta obyekt qurilishida 4 mingdan ziyod pudratchi ishtirok etdi. Soha raqamlashgani hisobiga oʻtgan 4 yilda 3,6 trillion soʻm byudjet mablagʻi tejaldi.

Vazirlikda boʻlib oʻtgan yigʻilishda qurilish va kommunal sohani toʻliq korrupsiyasiz sohaga aylantirish borasidagi ishlarni izchil davom ettirish, korrupsiya holatlarini keltirib chiqaruvchi omillar, sabablar va ularni bartaraf etishga qaratilgan chora-tadbirlarni yanada kuchaytirish, mutaxassislarning kasbiy koʻnikma hamda malakasini oshirish, sohani raqamlashtirish yuzasidan takliflar ishlab chiqish va bu boradagi ishlarda prokuratura organlari bilan samarali hamkorlikni rivojlantirish kerakligi qayd etildi.

🔗 Tadbir davomida taklif va mulohazalarni umumlashtirib, navbatdagi yigʻilishlarda yaxlit xulosa va yoʻl xaritalarini ishlab chiqishga kelishib olindi.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|😎Telegram| 📹Youtube|

#JARAYON

🚨 Qurilish va uy-joy kommunal xo‘jaligi sohasida nazorat qilish inspeksiyasida inspeksiya rahbari Sirojiddin Eshquvvatov boshchiligida navbatdagi kengaytirilgan yig‘ilish o‘tkazildi.

Unda qurilish obyektlarining holati, kommunal sohada amalga oshirilgan ishlar, shuningdek, ichimlik suvi ta’minoti va oqova suvlarni chiqarib yuborish tizimining nazorati masalalari muhokama qilindi.

Yig‘ilish davomida har bir hududiy inspeksiya rahbarlarining hisobotlari onlayn tinglanib, davlat dasturiga kiritilgan va inspeksiya ro‘yxatidan o‘tgan qurilish obyektlarida shaharsozlik me’yorlariga rioya etilishi, texnik hamda mualliflik nazorati samaradorligi va sifat masalalari atroflicha ko‘rib chiqildi.

Shuningdek, inspeksiya rahbari tomonidan qurilish obyektlarida davlat nazoratini kuchaytirish, kamchiliklarni o‘z vaqtida bartaraf etish hamda shaffof va samarali nazorat tizimini rivojlantirish bo‘yicha tegishli ko‘rsatmalar berildi.

✅ Bundan tashqari yig‘ilishda kommunal xizmatlar sifatini oshirish, ichimlik suvi ta’minoti va oqova suv tizimlarini takomillashtirish, qurilish jarayonlarining shaffofligi hamda samaradorligini oshirish bo‘yicha ustuvor vazifalar belgilandi.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|😎Telegram| 📹Youtube|

#JARAYON

🟢 Kompetensiyani rivojlantirish instituti va Turin Politexnika universiteti o‘rtasida ilmiy hamkorlik memorandumi imzolandi

Kuni kecha Kompetensiyani rivojlantirish instituti va Turin Politexnika universiteti mas'ullari o‘zaro ilmiy va amaliy tajriba almashish, xalqaro ta'lim standartlari asosida kadrlar tayyorlash hamda shaharsozlik sohasidagi innovatsion yechimlarni ishlab chiqish bo‘yicha fikr almashdilar. Shuningdek, suhbat davomida ilmiy-tadqiqot ishlarini birgalikda olib borish, yangi materiallar yaratish va xorij tajribasini o‘rganish orqali mutaxassislarning malakasini oshirishga qaratilgan strategiyalar ko'rib chiqildi.

🔺 Uchrashuv so'nggida Kompetensiyani rivojlantirish instituti rektori A’zamiddin Qo’ldoshev va Turin Politexnika universiteti rektori Olimjon To‘ychiyev o‘rtasida ilmiy hamkorlikni rivojlantirishga qaratilgan memorandum imzolandi.

Mazkur memorandum doirasida tomonlar bir qator muhim yo‘nalishlarni rivojlantirishga kelishib oldilar. Jumladan, ilmiy loyihalar, ta’lim sohasida tajriba almashish, mutaxassislarni qayta tayyorlash va malakasini oshirish, shuningdek, zilzilabardoshlik hamda shahar infratuzilmasining seysmik xavfsizligini oshirishga qaratilgan qo‘shma loyihalarni amalga oshirish belgilandi.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|😎Telegram| 📹Youtube|