🟢 #ONLAYN

#MATBUOT_ANJUMANI

☯️ Bugungi kunda Texnik me'yorlash va standartlashtirish ilmiy tadqiqot instituti tomonidan texnik meʼyorlash va standartlashtirish sohasini tubdan takomillashtirish, unda ilmiy-tadqiqot ishlarini kuchaytirish, xalqaro institutlarning mazkur sohalardagi tajribalarini oʻzlashtirish ishlarini izchil tashkillashtirish yuzasidan salmoqli ishlar olib borilmoqda.

Xususan:

Birinchidan, 2023-yilning ish rejasiga muvofiq 34 ta davlat standartlari xalqaro va ilgʻor xorijiy mamlakatlarning tajribasi asosida qayta koʻrib chiqildi, shuningdek,
17 ta beton va temir-beton mahsulotlarga oid;
3 ta keramik quvurlarga oid;
3 ta temir yoʻl, gidrotexnik inshootlar va gaz quvurlari tizimlarining ishchi chizmalariga oid;
2 ta bogʻlovchilarga oid; 
1 ta yogʻoch-tolali plitalarga oid; 
1 ta issiqlik izolyatsiyalovchi materiallarga oid;
1 ta barqaror va rivojlangan shaharlarni qulaylik muhitini aniqlashga oid;
2 ta quyosh panellariga oid;
2 ta yashil standartlarga oid;
1 ta qurilishda xaridlarni tartibga solishga oid;
1 ta qurilish materiallari va resurslarining BIM dasturidagi  tasniflariga oid standartlar.

Jumladan, bugungi kunda qurilish materiallari va qurilish sohasiga doir 3 372 ta standartlar roʻyxati tahlil qilinib, maʼnan eskirgan hamda xalqaro analogga ega boʻlgan 600 ga yaqin standartlar aniqlanib, mazkur standartlarni bosqichma-bosqich amaliyotga joriy etish boʻyicha tizimli ishlar tashkil etilmoqda.

Qoʻshimcha ravishda, joriy yilning ish rejasiga muvofiq 40 ta milliy standartlar xalqaro va ilgʻor xorijiy mamlakatlarning tajribasi asosida ishlab chiqiladi.

Matbuot anjumanini onlayn tarzda ko‘rish uchun havola👇

✅Facebook -    https://www.facebook.com/share/v/nKBgs4Bm6qFxkS1M/?mibextid=oFDknk  

Rasmiy sahifalarimizga a'zo bo'ling👇
|🌍Web| 📸Instagram|💬Facebook|✅Telegram| 📹Youtube|

📹#ONLAYN
#MATBUOT_ANJUMANI

Ayni daqiqalarda AOKAda "Ko'p kvartirali uylarni boshqarish sohasida amalga oshirilayotgan ishlar natijadorligi" mavzusida  matbuot anjumani boshlandi. Unda Qurilish va uy-joy kommunal xo‘jaligi vazirining birinchi o'rinbosari Sherzod Hidoyatov hamda vazir o‘rinbosari Ozoda Jo'rayeva boshchiligidagi vazirlik mas'ullari ishtirok etmoqda.

Tadbirdan jamoatchilik va OAV vakillarining ko‘p qavatli uy-joylarni boshqarish sohasidagi o'zgarishlar hamda islohotlarning ahamiyati xususida o'zlarini qiziqtirayotgan savollarga soha ekspertlaridan javob olishlari maqsad qilingan.

Matbuot anjumanini onlayn tarzda ko‘rish uchun havola👇

https://www.facebook.com/share/v/nJGVz1wFsSu9Vhm6/?mibextid=w8EBqM 

Rasmiy sahifalarimizga a'zo bo'ling👇
|🌍Web| 📸Instagram|💬Facebook|✅Telegram| 📹Youtube|

📹#ONLAYN
#MATBUOT_ANJUMANI

Ta'kidlanganidek, 2023-yil 15-avgust sanasida qabul qilingan “Ko‘p kvartirali uylar boshqaruvini yanada samarali tashkil etish chora-tadbirlari to‘g‘risida”gi 278-son Prezident qarori ko‘p kvartirali uylarga xizmat ko‘rsatish sohasini takomillashtirishda muhim ahamiyat kasb etmoqda.

Mazkur qaror ijrosini ta'minlash maqsadida Qurilish va uy-joy kommunal xo‘jaligi vazirligi tomonidan ko‘p kvartirali uylarni boshqarish tizimini yanada takomillashtirish, boshqaruv organlari va mulkdorlar o‘rtasidagi o‘zaro hamkorlikni kuchaytirish, aholiga sifatli xizmat ko‘rsatish va ko‘rsatilgan xizmatlar uchun to‘lov intizomini ta'minlash maqsadida majburiy badallar yoki to‘lovlarning eng kam miqdorini belgilandi.

Bunda vazirlik huzurida ishchi guruhi tuzilib, respublikadagi ko‘p kvartirali uylarni boshqarish organlari tomonidan umumiy mulkni saqlash xarajatlarini tumanlar bo‘yicha shuningdek, ko‘p kvartirali uylarning qavatlari soniga qarab Qoraqalpog‘iston Respublikasi, viloyatlar va Toshkent shahrida tahlil qilindi.

2024-yil 1-maydan boshlab eng kam tarifni qo‘llash barcha ko‘p qavatli uylarni boshqarish organlari uchun majburiy hisoblanadi.

Bunda billing tizimidagi ko'p kvartirali uylarning tariflarini o'zgartirish boshqaruv organi tomonidan mustaqil ravishda amalga oshiriladi – billing tizimidagi tarif avtomatik ravishda o'zgarmaydi.

Matbuot anjumanini onlayn tarzda ko‘rish uchun havola👇

https://www.facebook.com/share/v/nJGVz1wFsSu9Vhm6/?mibextid=w8EBqM  

Rasmiy sahifalarimizga a'zo bo'ling👇
|🌍Web| 📸Instagram|💬Facebook|✅Telegram| 📹Youtube|

📹#ONLAYN
#MATBUOT_ANJUMANI

⚠️ Matbuot anjumani davomida soha ekspertlari tomonidan majburiy badallarning eng kam miqdori faqatgina ko‘p kvartirali uyga texnik xizmat ko‘rsatish, joriy ta'mirlash va ekspluatatsiya xarajatlari uchun sarflanishi alohida ta'kidlandi.

Shuningdek, abonentlarning o‘tgan davrdagi mavjud majburiyatlari, ya'ni qarzlari bo‘yicha qarz majburiyatlarini qayta hisob-kitob qilish amalga oshirilmasligi bildirildi. Bunda avvalgi tariflar bo‘yicha mavjud qarz saqlanib qoladi, faqat umumiy mulkni boshqarish va saqlash bo‘yicha boshqaruv tashkiloti tomonidan ko‘rsatilgan xizmatlar uchun 1-maydan boshlab to‘lov miqdori ortadi.

Shunga ko‘ra mulkdorlarning umumiy mulkni saqlash bo‘yicha majburiyatlari joriy yilning 1-mayidan boshlab yangi tarif bo‘yicha hisoblab chiqiladi va mavjud qarzga qo‘shiladi.

Ma'lumot uchun, ko‘p qavatli uyda kapital ta'mir ishlari katta miqdordagi mablag‘ talab qilinishi inobatga olingan holda aholining majburiy to‘lov, ya'ni kvartplatadan tashqari mablag‘lari asosida amalga oshiriladi. Bunda umumiy yig‘ilish o‘tkazish va aholi roziligini olish talab etiladi.

Matbuot anjumanini onlayn tarzda ko‘rish uchun havola👇

https://www.facebook.com/share/v/nJGVz1wFsSu9Vhm6/?mibextid=w8EBqM  

Rasmiy sahifalarimizga a'zo bo'ling👇
|🌍Web| 📸Instagram|💬Facebook|✅Telegram| 📹Youtube|

📹#ONLAYN
#MATBUOT_ANJUMANI

Matbuot anjumanida "Yangi O'zbekiston" massivlarida barpo etilayotgan uy-joylar ekspluatatsiyasi masalasiga ham to'xtalindi.

Xabaringiz bor, respublikada 53 ta “Yangi O‘zbekiston” massivlari barpo etilmoqda. Albatta, uy-joylarni qurish bilan bir qatorda ularni talab darajasida ekspluatatsiya qilish muhim masala hisoblanadi.
Hozirda 13 400 ta xonadonli 409 ta ko‘p qavatli uylar foydalanishga topshirilgan.

➡️O‘zbekiston Respublikasi Prezidentining 2023-yil 15-avgustdagi 278-son qarori bilan quruvchi tashkilot qurilishi tugallangan ko‘p kvartirali uyni boshqarish uchun boshqaruvchi tashkilotni jalb qiladi. Boshqaruvchi tashkilot aniqlanmagan ko‘p kvartirali uylar foydalanishga qabul qilinmaydi. Shuningdek, yangi massivlardagi loyihani amalga oshirishda ko‘p kvartirali uylarga xizmat ko‘rsatuvchi boshqaruv tashkilotlari uchun xizmat ko‘rsatishga ixtisoslashgan bino qurilishi ham nazarda tutilgan.

Bugungi kunda “Yangi O‘zbekiston” massivlarida foydalanishga topshirilgan va topshirilayotgan ko‘p qavatli uylarga xizmat ko‘rsatish uchun hududlardagi salohiyatli boshqaruv organlari tanlanib, o‘z ish faoliyatini olib bormoqda.

Matbuot anjumanini onlayn tarzda ko‘rish uchun havola👇

https://www.facebook.com/share/v/nJGVz1wFsSu9Vhm6/?mibextid=w8EBqM  

Rasmiy sahifalarimizga a'zo bo'ling👇
|🌍Web| 📸Instagram|💬Facebook|✅Telegram| 📹Youtube|

📹#ONLAYN
#MATBUOT_ANJUMANI

Aksariyat ko‘p kvartirali uylarning mulkdorlari boshqaruv organi ular bilan shartnoma tuzmagani sabab pul to‘lashdan bosh tortishadi. Mazkur e'tiroz qanchalik o'rinli? Bunday vaziyatlarda qanday yo‘l tutish kerak?

OAV vakillari bilan muloqot jarayonida bildirilgan ushbu savolga Qurilish va uy-joy kommunal xo‘jaligi vaziri o‘rinbosari Ozoda Jo'rayeva javob berdi:

- O‘zbekiston Respublikasining “Ko‘p kvartirali uylarni boshqarish to‘g‘risidagi” 581-son Qonunining maqsadi ko‘p kvartirali uylarni boshqarish sohasidagi munosabatlarni tartibga solishdan iborat.
Qonuning 16-moddasiga asosan joylarning mulkdorlari umumiy mol-mulkni saqlash bo‘yicha umumiy xarajatlarni birgalikda zimmasiga olishi shart.
Mulkdorning o‘ziga qarashli joydan foydalanmasligi yoxud umumiy mol-mulkdan foydalanishdan voz kechishi uni umumiy xarajatlarda ishtirok etishdan to‘liq yoki qisman ozod etmaydi.
Shuningdek, mazkur qonunning 21-moddasiga asosan umumiy yig‘ilishda qaror qabul qilinishi uchun barcha joylar mulkdorlarining yoki ular vakillarining ellik foizidan ko‘prog‘i hozir bo‘lishi kerak. Umumiy yig‘ilishning qarori, agar uni yoqlab joylar mulkdorlarining yoki ularning umumiy yig‘ilishda hozir bo‘lgan vakillarining ellik foizidan ko‘prog‘i ovoz bersa, qabul qilingan deb hisoblanadi.
Umumiy yig‘ilish qarori barcha joylarning mulkdorlari, shu jumladan, ovoz berishda ishtirok etmaganlar yoki qarshi ovoz berganlar tomonidan ham bajarilishi majburiyligi belgilangan.
Shu sababli joy mulkdorlari ko‘p kvartirali uylarga xizmat ko‘rsatuvchi boshqaruv organlari bilan shartnoma tuzishi yoki tuzmaganligi ko‘p kvartirali uyning umumiy mol-mulkni saqlash bo‘yicha umumiy xarajatlardan ozod etmaydi, - deya ma'lum qildi vazir o'rinbosari.

Matbuot anjumanini onlayn tarzda ko‘rish uchun havola👇

https://www.facebook.com/share/v/nJGVz1wFsSu9Vhm6/?mibextid=w8EBqM   

Rasmiy sahifalarimizga a'zo bo'ling👇
|🌍Web| 📸Instagram|💬Facebook|✅Telegram| 📹Youtube|

📹#ONLAYN
#MATBUOT_ANJUMANI

🟢 Ayni daqiqalarda AOKAda "Ko'p kvartirali uy-joylarni kuz-qish mavsumiga tayyorlash yuzasidan amalga oshirilayotgan ishlar” mavzusida  matbuot anjumani boshlandi. Unda Qurilish va uy-joy kommunal xo‘jaligi vaziri o'rinbosari Ozoda Jo'rayeva boshchiligidagi vazirlik mas'ullari ishtirok etmoqda.

Tadbirdan jamoatchilik va OAV vakillarining ko‘p qavatli uy-joylarni boshqarish sohasidagi o'zgarishlar hamda islohotlarning ahamiyati xususida o'zlarini qiziqtirayotgan savollarga soha ekspertlaridan javob olishlari maqsad qilingan.

Matbuot anjumanini onlayn tarzda ko‘rish uchun havola👇

  https://www.facebook.com/share/v/psqnUziYyE8LJ9S1/?mibextid=oFDknk

Rasmiy sahifalarimizga a'zo bo'ling👇
|🌍Web| 📸Instagram|💬Facebook|✅Telegram| 📹Youtube|

📹#ONLAYN
#MATBUOT_ANJUMANI

Hozirgi kunda barcha sohada bo‘lgani kabi uy-joy kommunal xizmat ko‘rsatish tizimida ham salmoqli ishlar amalga oshirib kelinmoqda.

Respublikada 1,4 mln dan ortiq  xonadondan iborat  42 072 ta ko‘p kvartirali uylar mavjud.

Vazirlar Mahkamasining tegishli qaroriga muvofiq joriy yilda 5 409 ta ko‘p kvartirali uylarni kuz-qish mavsumiga tayyorlash maqsadida ta’mirlash rejalashtirilgan.
Buning uchun boshqaruv tashkilotlarining 149 mlrd so‘m mablag‘lari jalb qilindi.

Mazkur ishlarni tashkil etish uchun boshqaruv tashkilotlarning imkoniyati yetarli. Chunki ularda 17 mingdan ortiq zarur texnika va uskunalar, 12 mingga yaqin  ishchi-xodimlari mavjud.

📌 Joriy yilning bugungi kuniga qadar boshqaruv organlari tomonidan ko‘p kvartirali uylarga 692 mlrd so‘mlik xizmatlar ko‘rsatilgan va 512 mlrd so‘m majburiy badallar undirildi.
Ushbu mablag‘lar hisobidan 4 978 ta uylar ta’mirlandi.

Jumladan:
- 1 825 ta uyning 356 ming metr kv tom qismi;
- 3 792 ta kirish yo‘laklari;
- 1 466 ta uyning yerto‘lasi va ichki muhandislik tarmoqlari;
- 670 ta uyning fasad qismi;
- 3 532 ta elektr taqsimlovchi shitlar ta’mirlandi.
- 1 006 ta temir eshik va  1 231 ta kodli qulflar, 6 ming kv.m  frаmuga oyna romlari o‘rnatildi.

Matbuot anjumanini onlayn tarzda ko‘rish uchun havola👇
https://www.facebook.com/share/v/psqnUziYyE8LJ9S1/?mibextid=oFDknk  

Rasmiy sahifalarimizga a'zo bo'ling👇
|🌍Web| 📸Instagram|💬Facebook|✅Telegram| 📹Youtube|

📹#ONLAYN
#MATBUOT_ANJUMANI

🌧❄️ Kuz-qish mavsumini betalofat o‘tkazish maqsadida ko‘p kvartirali uylarning elektr tarmog‘i xo‘jaligi obyektlarini ta’mirlashga alohida e’tibor qaratdik.

Hududiy hokimliklar, “Hududiy elektr tarmoqlari” korxonalari bilan hamkorlikda respublikadagi 39 334 ta uylarning 374 mingdan ortiq elektr xo‘jalik obektlarini xatlovdan o‘tkazib, “qizil” “sariq” “yashil” toifalarga ajratildi va “qizil” toifadagi 100 mingdan ortiq shitlar mukammal ta’mirlandi.

🏢 Mavjud ko‘p kvartirali uylarning 25 694 tasi ya’ni 1 mln 49 mingta xonadonlar markazlashgan va individual issiqlik energiyasi bilan ta’minlangan. Ushbu ko‘rsatkich 61 foizni tashkil etadi.

Aholini issiqlik energiyasi bilan ta’minlash maqsadida Davlat dasturlari doirasida zamonaviy qozonxonalar qurish ishlari olib borilmoqda.

Joriy yilda 15 ta obyektda 9 ta qozonxona va 55 km issiqlik tarmoqlarini qurish va rekonstruksiya qilish ishlari amalga oshirilishi belgilangan.

Bunda 4 ta obyektlarda 3 ta qozonxona va 17 km issiqlik tarmoqlari yangidan qurildi, 10 ta obyektlarda 7 ta qozonxona va 38 km issiqlik tarmoqlari rekonstruksiya va modernizatsiya qilish ishlari amalga oshirilib, hududlardagi 19 mingdan ortiq xonadondan iborat 611 ta ko‘p qavatli uylar va 58 ta ijtimoiy soha obyektlarining issiqlik energiyasi ta’minoti yaxshilanishiga erishildi.

“Yangi O‘zbekiston” massivlarini markazlashgan issiqlik energiyasi bilan ta’minlash maqsadida 20 ta obyektlarda 12 ta qozonlar o‘rnatish va 64 km issiqlik tarmoqlari quramiz.

Loyihalar natijasida 20 mingdan ortiq xonadonlardan iborat 395 ta ko‘p qavatili uylar va 28 ta ijtimoiy soha obyektlarini issiqlik energiyasi bilan ta’minlash ko‘zda tutilgan.
Mavjud issiqlik ta’minoti obyektlari va uskunalarini kuz-qish mavsumiga tayyorlash maqsadida 20 ta qozon va 69 km issiqlik tarmoqlari mukammal, 564 ta qozonlar va 364 km issiqlik tarmoqlarida joriy ta’mirlash ishlari amalga oshirildi.

Matbuot anjumanini onlayn tarzda ko‘rish uchun havola👇
https://www.facebook.com/share/v/psqnUziYyE8LJ9S1/?mibextid=oFDknk  

Rasmiy sahifalarimizga a'zo bo'ling👇
|🌍Web| 📸Instagram|💬Facebook|✅Telegram| 📹Youtube|