💐 #Bayram_shukuhi

#Qurilish_raqamlarda

Shaharsozlik hujjatlari ekspertizasi: qog‘ozbozlikdan holi shaffoflik.

Qurilish va uy-joy kommunal xo‘jaligi vazirligi huzuridagi “Shaharsozlik hujjatlari ekspertizasi” DUK tomonidan loyiha hujjatlarini ekpertizadan o‘tkazish jarayoni to‘liq shaffof elektron tizimga o‘tkazildi. Ekspertiza organlariga qog‘oz hujjatlar to‘plamini taqdim etish amaliyotidan to‘liq voz kechildi. Ekspertizaga loyiha-smeta hujjatlari onlayn topshirilmoqda.

Bugunga qadar jami 111 mingga yaqin obyekt loyihasi ushbu tizim orqali ekspertizadan o‘tkazildi. Natijada mazkur obyektlar bo‘yicha 20,5 trillion so‘mga yaqin mablag‘ tejab qolindi.

Shuningdek, ekspertiza yo‘nalishida faoliyat olib boruvchi yuridik shaxslarga guvohnoma berish orqali tizimda raqobat muhiti yaratildi. Obyektlarning murakkablik toifasidan kelib chiqib ekspertiza xulosasi berish tizimi tabaqalashtirildi. Tabaqalashgan toifadagi loyihalarga xulosa berish uchun ekspertiza tashkilotlari elektron reytingi yo‘lga qo‘yildi.
Ekspert mutaxassislarni attestatsiyadan o‘tkazish va murakkablik toifasi bo‘yicha loyihalarga ajratilgan holda xulosalar berish mexanizmi yaratildi.

❗️Joriy yilda “Shaharsozlik hujjatlari ekspertizasi” DUK va uning hududiy filiallarida faoliyat yurituvchi konstruktor-mutaxassislar, iqtisodchi-smetachilar, yong‘in xavfsizligi hamda energosamaradorlikka mas’ul ekspertlar malakasi oshirildi. Bu orqali esa obyektlarning me’yoriy xavfsizlik hamda sifat talablariga muvofiq loyihalashtirilganini aniqlash, ortiqcha sarf-harajatlarni qisqartirish, loyiha-smeta hujjatlarining davlat ekspertizasidan sifatli o‘tkazilishi ta’minlash  va albatta, mutaxassislar mas’uliyatini oshirish maqsad qilingan. Zero sifatli loyiha hujjatlari va to‘g‘ri tashkil etilgan smeta sifatli qurilish asosi bo‘ladi.

Rasmiy sahifalarimizga a'zo bo'ling👇
|Web | Instagram| Facebook |Telegram | Youtube|

💐 #Bayram_shukuhi

#Qurilish_raqamlarda

🫥 Qurilishda raqamli transformatsiya

Sohada “Qurilish nazorati” axborot tizimi joriy qilinib, nazorat jarayonlari avtomatlashtirilgani qurilish obyektlaridagi sifat nazoratini yangi bosqichga olib chiqdi.  Binobarin ushbu tizim orqali 2022-yilda 30 mingdan ortiq obyekt nazoratga olindi. Byurokratik to‘siqlarni bartaraf etish va zamonaviy axborot-kommunikatsiya texnologiyalarini keng joriy etish maqsadida “Shaffof qurilish” milliy axborot tizimidan tashqari bir qator elektron onlayn platformalar ham ishga tushirildi:

- “Qurilish sifati nazorati”
- “Loyiha-smeta hujjatlari ekspertizasi”
- “Maqsadli dasturlar monitoring tizimi”
- “Ogoh fuqaro”
- “Geoportal”
- “Qurilish materiallari klassifikatori”

☯️ Shuningdek, bugungi kunda
•  bino va inshootning tashqi ko‘rinishini o‘zgartirishni kelishish;
•  bino va inshootlarning ixtisoslashishini o‘zgartirish, qayta qurish, rekonstruksiya qilish hamda o‘z hududida qo‘shimcha bino va inshootlarni qurishni loyihalashtirishga ruxsatnoma berish;
•  loyiha-smeta hujjatlarini kelishish;
•  qurilish-montaj ishlarini boshlash uchun obyektni ro‘yxatdan o‘tkazish;
•  qurilish-montaj ishlari tugallangan obyektdan foydalanish uchun ruxsatnoma berish;
•  ko‘chmas mulk buzilishga tushgan yoki tushmaganligi to‘g‘risida ma’lumotnoma berish kabi xizmatlar raqamlashtirilgan.
Natijada o‘tgan yili ushbu tizim orqali 228 mingdan ortiq murojaatlar kelib tushgan bo‘lsa, 148 mingdan ortig‘i qanoatlantirilgan, 80 mingtasi o‘rnatilgan tartibda rad etilgan. Joriy yilda esa kelib tushgan 83 mingdan ortiq murojaatlarning 52 mingdan ziyodi qanoatlantirildi, 25 mingtasi o‘rnatilgan tartibda rad etildi, 5 ming 900 tasi ko‘rib chiqilmoqda.

Rasmiy sahifalarimizga a'zo bo'ling👇
|Web | Instagram| Facebook |Telegram | Youtube|