#JARAYON

🏘 Ozoda Jo’rayeva Sirdaryoda

Ta’kidlab kelayotganimizdek, vazir o’rinbosari hududlarda ko’p qavatli uylarga xizmat ko’rsatish sohasida amalga oshirilayotgan ishlar ustidan nazorat ishlarini amalga oshirmoqda.

Xususan, Sirdaryo viloyatida ham bir qator boshqaruv organlarining faoliyati o’rganildi. Viloyatning Guliston shahri “Boston” MFYda joylashgan 52 ta ko‘p qavatli uyga xizmat ko‘rsatib kelayotgan “Istiqlol kommunal” boshqaruv tashkiloti tomonidan amalga oshirilayotgan ishlar, obodonlashtirish, kuz-qish mavsumiga tayyorgarlik holatlari ko’zdan kechirildi. Kompaniyaning ko’p qavatli uylarni ekspluatatsiya qilishdagi hamda aholi bilan ishlashdagi kamchiliklari tanqid qilindi.

Ozoda Jo’rayeva ish samaradorligini zamonaviy talablar asosida doimiy oshirib borish lozimligini, kompaniya binosida avvalo, ishchi-xodimlarga sharoit yaratish zarurligini ta’kidladi.

- Ishchi-xodimlari resurslari eng qimmatli resursdir. Biz boshqaruv organlari faoliyatida ham mutaxassislarimizga yaxshi sharoit yaratib berishimiz kerak. Chunki bizning xodimlar eng mashaqqatli mehnatni amalga oshiradilar, - dedi Ozoda Jo’rayeva.

Shuningdek, mutasaddilar hududda yakunlangan RK-1 va RK-2 qozonxonalari faoliyati bilan tanishib, aniqlangan bir qator kamchiliklar bo‘yicha tegishli mas’ullarga topshiriqlar berdilar.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|😎Telegram| 📹Youtube|

#JARAYON

🏘 Ma'lum qilinganidek, Qurilish va uy-joy kommunal xo'jaligi vaziri o'rinbosari Ozoda Jo'rayeva respublikaning barcha hududlarida ko'p kvartirali uylarga xizmat ko'rsatish, issiqlik ta'minoti tizimi yuzasidan amalga oshirilayotgan ishlarni o'rganmoqda.

Navbatdagi manzil Andijon viloyati "Yangi Andijon" shahri bo'ldi. Shahar qurilishi bundan 4 yil avval qir-adirlarni o‘zlashtirish va tuproq ishlarini bajarishdan boshlangan edi. Hozirga qadar 100 ga yaqin uy-joylar foydalanishga topshirilib, mazkur uylarda 2 000 nafardan ortiq aholi istiqomat qilmoqda.

Ozoda Jo'rayeva shaharda tashkil etilgan "Yangi Andijon obod servis" BSK faoliyati bilan yaqindan tanishdi. So'nggi talablar va sharoitlar bilan ish boshlagan kompaniyaning boshqaruv binosi, moddiy-texnika bazasi, aholi uchun yaratilgan qo'shimcha imkoniyatlarni ko'zdan kechirdi. Yangi uylarga individual issiqlik punktlari (IIP) o'rnatilgan bo'lib, kompaniya issiqlik ta'minoti korxonalari bilan hamkorlikda mazkur yo'nalishda ham mulkdorlarga xizmat ko'rsatib kelmoqda.

- Bu yangi joylar, obod makonlar hurmatli yurtboshimizning xalqchil o'y-fikrlari asnosida qad rostlamoqda. Haqiqatan mamlakatimizda inson qadri, uning yaxshi sharoitlarini ta'minlash bugun asosiy mezonga aylanib ulgurdi. Bizning vazifamiz ana shu imkoniyatlarni yanada takomillashtirish, yurtdoshlarimizga sifatli xizmat ko'rsatishdan iborat, - dedi vazir o'rinbosari.

Jarayonda boshqaruv organi mas'ullariga ish samaradorligini oshirish yuzasidan tavsiyalar berildi. Bunda tadbirkorlikni rivojlantirish, qo'shimcha servis xizmatlari turlarini ko'paytirish lozimligiga alohida urg'u berildi.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|✈️Telegram| 📹Youtube|

#JARAYON

📍Avval xabar berganimizdek, Qurilish va uy-joy kommunal xoʻjaligi vaziri oʻrinbosari Toir Alimatov boshchiligidagi ishchi guruhi Surxondaryo viloyatida boʻlib turibdi.

Navbatdagi manzil Termiz tumani “Yangi Oʻzbekiston” massivida barpo etilayotgan Termiz pedagogika universiteti boʻldi. Bu yerda qurilish me’yorlariga amal qilinmayotgani tanqid qilindi. Vazir oʻrinbosari eng avvalo, quruvchilarning hayoti va xavfsizligi muhim ekanini, ishchilarni maxsus ust-bosh bilan taʼminlash lozimligini taʼkidladi. Shu bois obyekt masʼullariga qurilish madaniyati va xavfsizlik texnikasi qoidalariga amal qilish boʻyicha koʻrsatmalar berildi.

Shuningdek, oliygoh oʻz nomiga monand boʻlishi qayd etildi.

“Bu yerdan kelajagamiz liderlari yetishib chiqadi. Universitet esa ularning taʼlim olishlari uchun qulay, xavfsiz hamda kamchiliklarsiz boʻlishi kerak”, - deya taʼkidladi Toir Alimatov.

Bundan tashqari energosamaradorlik qoidalariga amal qilish zarurligi qayd etildi. Jarayonda hududiy inspeksiya mutaxassislariga tegishli koʻrsatmalar berilib, aniqlangan muammolarni tezkorlik bilan bartaraf etish lozimligi tushuntirildi.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|😎Telegram| 📹Youtube|

#JARAYON

🏢 “Yangi O‘zbekiston” massividagi qurilish jarayonlari nazoratda

Termiz tumani "Yangiobod" mahallasida barpo etilayotgan “Yangi O‘zbekiston” massivining qurilish ishlari izchil davom etmoqda. Qurilish va uy-joy kommunal xo‘jaligi vaziri o‘rinbosari Toir Alimatov rahbarligidagi ishchi guruhi hududda olib borilayotgan qurilish jarayonlari bilan yaqindan tanishdi.

🔵Obyektda hozirda zamonaviy ko‘p qavatli uylar, Termiz pedagogika institutining yangi majmuasi, bolalar bog‘chasi va 200 o'ringa ega oilaviy poliklinika hamda mahalla markazi qurilmoqda. Ishchi guruhi qurilish ishlari sifatiga alohida e’tibor qaratib, yo‘l qo‘yilgan ayrim kamchiliklarni ko‘rsatib o‘tdi. Shuningdek, mas’ullardan qurilish madaniyatiga rioya qilish, xavfsizlik texnikasini ta’minlash hamda obyektlarni belgilangan muddatlarda yuqori sifatda topshirish talab qilindi.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|😎Telegram| 📹Youtube|

#JARAYON

2025-yilning 25-27-fevral kunlari "O‘zekspomarkaz" MKK hamda CAEx’da 26-xalqaro UzBuild ko‘rgazmasi bo‘lib o‘tadi

⚠️ Mazkur nufuzli tadbir oldidan OAV vakillari uchun matbuot anjumani bo'lib o'tdi. Ma'lum qilinganidek, ushbu ko'rgazma qurilish va arxitektura sohasidagi eng muhim voqea bo‘lib, unda yetakchi mutaxassislar va kompaniyalar ishtirok etadi. Ko‘rgazmada qurilish sohasiga oid zamonaviy texnologiyalar, materiallar va innovatsion yechimlar namoyish etiladi.

Ishtirokchilar rivojlanish istiqbollarini muhokama qilishlari, hamkorlikni yo‘lga qo‘yishlari va yangi g‘oyalar bilan ilhom olishlari mumkin bo‘ladi.

Mavsumning asosiy tadbiriga qo‘shiling va kelajakdagi qurilishning bir qismiga aylaning!

Rasmiy sahifalarimizga a'zo bo'ling👇
|🌍Web| 📸Instagram|💬Facebook|😎Telegram| 📹Youtube|

#JARAYON

📍 Vazir oʻrinbosari Toshkent viloyatida qurilish obyektlari loyihasi bilan tanishdi

Qurilish va uy-joy kommunal xoʻjaligi vaziri oʻrinbosari Davronjon Adilov poytaxt viloyatida boʻlib, “Orom” dam olish maskanining qurilish loyihasini koʻzda kechirdi. Toshkent viloyati hokimining oʻrinbosari Sh.Mahmudov, Toshkent viloyati qurilish va uy-joy kommunal xoʻjaligi boshqarmasi boshligʻi J.Anvarov, Oqqoʻrgʻon tumani hokimi T.Bobolov hamda boshqa masʼullar ishtirokidagi oʻrganish ishlari davomida “2024-2025-yillarda Toshkent viloyatining Oqqoʻrgʻon tumanini ijtimoiy - iqtisodiy rivojlantirish va aholining yashash sharoitlarini yanada yaxshilash chora- tadbirlari toʻgʻrisida” gi Oʻzbekiston Respublikasi Vazirlar Mahkamasining Qarori ijrosiga oid vazifalarga eʼtibor qaratildi. Maʼlum boʻlishicha, tumanning “Birlik” mahalla fuqarolar yigʻini hududida “Orom” dam olish maskanini barpo etish reja qilingan.

🔴 Muhokamalar davomida asosiy maqsad xalqimiz uchun munosib sharoit yaratish ekanligi alohida taʼkidlandi. Loyihaga koʻra dam olish maskanida asosan yashillikka katta eʼtibor qaratiladi. Sport maydonchalari, ochiq favvoralar, yozgi choʻmilish havzasi, kanal, qayiqlar, atrofda esa servis va xizmat koʻrsatish obyektlari tashrif buyuruvchilar uchun qulaylik yaratadi. Shuningdek, turli xil attraksionlar, bolalar shaharchalari, tarixiy obyektlarning mini maketlari, piyodalar yoʻlaklarini tashkil qilish ham maqsad qilingan.

Muhokamalarda mazkur loyihani sifatli qilib amalga oshirish ustuvor masala ekanligi qayd etildi. Taʼkidlandiki, ushbu bunyodkorlik ishlarini umumiy bir jihat, yaʼni odamlar uchun maqbul ish oʻrinlarini tashkil etish va xalqimiz turmush farovonligini yanada yuksaltirish kabi maqsad birlashtiradi.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|😎Telegram| 📹Youtube|