👤ИЛ ДАРХАН НЭДИЭЛЭТЭ

Айсен Сергеевич Николаев үлэтин сүрүн түгэннэрэ

СӨ култуураҕа уонна духобунай сайдыыга миниистирэ Афанасий Ноев кэпсиир

Бэс ыйын 2 күнэ

🔹 Айсен Николаев Аллараа Халыма улууһугар үлэлээтэ. Улуус киинигэр - Черскэйгэ саҥа мобильнай энергокомплекс тутуутун хаамыытын көрдө.
 
🔹 Салгыы Ил Дархан улуус баһылыга Ярослав Бандеровтыын оройуон социальнай-экэнэмиичэскэй сайдыытын боппуруостарын көрдүлэр.
 
🔹 Ил Дархан урбаанньыттар Татьяна уонна Николай Негребалар бородууксуйа оҥорон таһаарар сыахтарыгар сырытта.
 
Бэс ыйын 3 күнэ

🔹 Ил Дархан Манчаары оонньууларыгар бэлэмнэнии хаамыытын көрдө.
 
Бэс ыйын 4 күнэ

🔹 Айсен Николаев Петр Шамаевы кытта көрүстэ.
 
🔹 Айсен Николаев анал байыаннай дьайыы балаһатыттан кэлбит Сулустан Заболоцкайы кытта көрсүһүүтүгэр, киниэхэ «Патриот» ыччат киинин салайааччыта буоларыгар этии киллэрдэ.
 
Бэс ыйын 5 күнэ

🔹 Ил Дархан сүөһү аһылыгын бэлэмнээһин хампаанньатын ыытыы боппуруостарыгар тустаах биэдэмэстибэлэр салайааччылара уонна муниципальнай тэриллиилэр баһылыктара кыттыылаах мунньах ыытта.
 
🔹 Ил Дархан быйылгы Бүтүн Арассыыйатааҕы үөрэнээччилэр олимпиадаларын түмүктүүр түһүмэҕин кыайыылаахтарын уонна призердарын наҕараадалаата.

🔹 Өрөспүүбүлүкэ баһылыга РФ Судаарыстыбаннай Сэбиэтин «Энергетика» хайысхатыгар хамыыһыйфа учоараттаах мунньаҕын ыытта.

🔹 Дьокуускайга «Спортивные якутяне» спартакиада үөрүүлээх аһыллыыта буолла.
 
Бэс ыйын 6 күнэ.

🔹 Ил Дархан Саха сирин олохтоохторун улуу Пушкин төрөөбүт күнүнэн, Нуучча тылын бырааһынньыгынан эҕэрдэлээтэ.
 
🔹 Ил Дархан хоруупсуйаны утары үлэҕэ мунньах ыытта.
 
🔹 Айсен Николаев «Хоту» научнай-үөрэтэр киин түөрт сыллааҕы үлэтин түмүгүн көрдө уонна 2030 сылга диэри сайдыытын былааннарын ырытта.
 
Бэс ыйын 7 күнэ

🔹 Өрөспүүбүлүкэ болуоссатыгар саҥа ыал буолуу официальнай регистрацията ыытылынна.
 
🔹 Айсен Николаев РФ Бэрэсидьиэнэ Владимир Путин ыыппыт стратегическай сайдыы уонна национальнай бырайыактар Сэбиэттэрин мунньаҕар кытынна.
 
🔹 Дойду Бэрэсидьиэнэ Владимир Путин Гавриил Чиряев аатын Нерюнгри аэропуордугар иҥэрэр туһунан ыйаахха илии баттаата.
 
Бэс ыйын 8 күнэ.

🔹 Ил Дархан иһитиннэрбитинэн, Саха сирин кинотеатрдарыгар уонна киинэ саалаларыгар улахан экраҥҥа аан бастаан сахалыы «Айтал уонна Аптаах күүс» ойуулук таҕыста.

#ПравительствоЯкутии #ГлаваЯкутии #ИлДарханнэдиэлэтэ

👤ИЛ ДАРХАН НЭДИЭЛЭТЭ

Айсен Сергеевич Николаев үлэтин сүрүн түгэннэрэ

СӨ култуураҕа уонна духобунай сайдыыга миниистирэ Афанасий Ноев кэпсиир

Бэс ыйын 9 күнэ

🔹 Айсен Николаев Бырабыыталыстыба, Ил Дархан уонна Бырабыыталыстыба дьаһалтатын салалтатын кытта былаанныыр мунньаҕы ыытта.

🔹 Айсен Николаев ыксаллаах быһыыны-майгыны сэрэтэр, туоратар уонна баһаартан куттал суох буолуутун хааччыйар хамыыһыйа мунньаҕын ыытта.

🔹 Ил Дархан судаарыстыбаннай былаас уорганнарын бэрэстэбиитэллэрин кытта ыыппыт мунньаҕар олохтоох салайыныыны тэрийии сүрүн тосхоллорун туһунан федеральнай сокуон олоххо киириитин көрдүлэр.
 
Бэс ыйын 10 күнэ

🔹 Айсен Николаев Ил Түмэн уочараттаах пленарнай мунньаҕар ситэриилээх былаас 2024 сыллааҕы үлэтин отчуотун туруорда.

🔹 Айсен Николаев өрөспүүбүлүкэ доруобуйа харыстабылын тэрилтэлэригэр 17 анал массыына, ол иһигэр 11 санитарнай  УАЗ уонна 6 Лада Нива, күлүүһүн туттарда.

Бэс ыйын 11 күнэ

🔹 Ил Дархан «Биир Ньыгыл Арассыыйа» баартыйа Саха сиринээҕи салаатын бэлитиичэскэй сэбиэтин президиумун мунньаҕын ыытта.

🔹 Дьокуускайга тиэхиньиичэскэй наука дуоктара, профессор, Саха Судаарыстыбаннай университетын ректорынан, Саха сирин Билимин академиятын  бэрэсидьиэнинэн, Ил Түмэҥҥэ Өрөспүүбүлүкэ балаататын спикеринэн үлэлээбит, Ил Түмэн II-III ыҥырыылаах мунньаҕын дьокутаата, Арассыыйа Билимин академиятын чилиэн-кэрэспэндиэнэ, М.К. Аммосов аатынан Судаарыстыбаннай бириэмийэ лауреата Василий Васильевич Филипповка аналлаах өйдөбүнньүгү Ленин проспегар Билим академиятын искибиэригэр арыйдылар.

🔹 Айсен Николаев Саха сирин билимин академиятын уопсай мунньаҕар кытына.

🔹 Мэҥэ Хаҥалас улууһун киинигэр Аалараа Бэстээххэ дойду Бэрэсидьиэнэ Владимир Путин көҕүлүүр «Култуура» национальнай бырайыагын чэрчитинэн тутуллубут эбийиэктэртэн саамай улаханнара - Култуура киинэ үөрүүлээхтик аһылынна.  

🔹 Мэҥэ Хаҥалас улууһугар Айсен Николаев  Нуораҕана сэлиэнньэтигэр сырытта. Манна «Илгэ» лааҕырга икки саҥа модульнай куорпуһу үлэҕэ киллэрдилэр.

Бэс ыйын 12 күнэ

🔹 Ил Дархан Саха сирин олохтоохторун Арассыыйа күнүнэн эҕэрдэлээтэ.

🔹 Арассыыйа күнүгэр Горнай улууһун Атамай нэһилиэгин киинигэр – Бэс Күөлгэ элбэх өҥөнү оҥорор саҥа киин аанын тэлэччи арыйда. Айсен Николаев уонна 14 саастарын туолбут оҕолорго Арассыыйа гражданина буолбуттарын туоһулуур пааспардары туттарда.
 
Бэс ыйын 13 күнэ

🔹 Бу күн Дьокуускайга Татарстан Өрөспүүбүлүкэтин аҕа баһылыга – Раиһа Рустам Минниханов кэллэ. Былатыан Ойуунускай аатынан аэропорка кинини Ил Дархан Айсен Николаев көрүстэ.
 
Бэс ыйын 14 күнэ

🔹 Дьокуускай куорат Комсомольскай болуоссатыгар 25-с федеральнай Сабантуй үөрүүлээх быһыыга-майгыга аһылынна. Сабантуй бырааһынньыгын үөрүүлээх аһыллыытыгар Ил Дархан Айсен Николаев уонна Татарстан Раиһа Рустам Минниханов кытыннылар.

🔹 Биир бэлиэ түгэнинэн Татарстан Раиһа Рустам Минниханов аатыттан СӨ татаардарын общиналарыгар «Газель Соболь» саҥа микроавтобуһу анаатылар.
 
Бэс ыйын 15 күнэ

🔹 Саха сиригэр нуучча тылын биир кэлим эксээмэнин түөрт выпускник 100 баалга туттарбытын Ил Дархан иһитиннэрдэ.

#ПравительствоЯкутии #ИлДарханнэдиэлэтэ