«Кызылда дыштанылга»: найысылалдың школачыларынга допчулалдыг экскурсия
Тыва Республиканың найысылалы Кызыл – Улуг болгаш Биче Енисей хемнерниң каттышканы кайгамчык чараш черинде турар. Хоорай чеже-даа улуг эвес хемчээлдиг болза, ол онза солун черлер-биле бай.
Кызылдың 17, 2, 3 дугаар школаларының база кулааның дыңнаары багай уругларга школа-интернаттың уруглары кирип турар, ниитизи-биле бөлүкте 10 кижиге «Кызылда дыштанылга» деп найысылалдың онза солун черлерин көөрү-биле, допчулалдыг экскурсияны эрттирген. Экскурсияны Республиканың немелде өөредилге сайзырадыр төптүң туризм, чурт-шинчилел болгаш экология килдизиниң ажылдакчылары уругларга солун кылдыр тайылбыр-биле үдеп, оларның сонуургалын хаара туткан.
Экскурсия бөлүүнүң уруглары беш шак дургузунда Арат шөлүнге, Салчак Токаның, Тыва эки турачыларның, Ада-чурттуң Улуг дайынының киржикчилериниң, «Непокоренный», Кызыл партизаннарның, «Кызыл кош» («Красный обоз») тураскаалдарынга, а ол ышкаш Тиилелге шөлү мемориалдыг база Азия төвү скульптурлуг комплекстерге чедип, хоорайның чараш черлерин көргеннер.
Найысылалдың девискээринге экскурсияның программазынче «Цеченлинг» хүрээзинче, А.С. Пушкин аттыг Республиканың библиотеказынче, Тываның 5 чыл аттыг стадионунче, В.Көк-оол аттыг хөгжүм-шии театрынче, Улусчу чогаадылга бажыңынче, ТР-ниң Чазааның Бажыңынче база ТР-ниң Улуг Хуралынче баары кирип турар.
💬 «Уругларга чайгы дыштанылга үезинде эш-өөрү-биле чыглып алгаш, агаарлап селгүүстээрге, солун болур. Шак мындыг солун, байлак программалыг экскурсия соонда, оларга бо хүн дургузунда билип алганы хоорайының онза солун черлериниң дугайында төөгүлүг барымдааларны билип алганы сагыжынга уттундурбас болуп артып каар. Кызыл хоорайда төөгүлүг, солун черлер хөй, ынчангаш бистиң сорулгавыс – уругларга чүгле өөренип шиңгээдир эвес, а харын-даа боттарынга чаа сонуурганчыг черлерни ажыдып билип алыры болур» - деп, экскурсия баштакчызы Шончалай Донгак чугаалаан.
Тываның Өөредилге яамызы 24 турисчи элээди-уругларга маршруттарны, ооң иштинде «дыштаныр хүннүң походу» кирип турар маршруттарны ажылдап кылган дээрзин сагындыраалыңар. Турисчи маршруттарның программазынче төөгүлүг, экологтуг, шинчилел угланыышкыннар кирип турар. Ооң ачызында уруглар бодунуң төрээн чурттунуң төөгүзү-биле база ооң онза солун черлери-биле чоок таныжып алыр аргалыг.
Школачыларга турисчи маршруттар дугайында долу медээни Республиканың немелде өөредилге сайзырадыр төптүң туризм, чурт-шинчилел болгаш экология килдизиниң (ГБОУДО РТ «РЦРДО») +7(39422)2-46-87 дугаарынче долгап, билип ап болур. Төптүң ажылдакчылары консультациялыг дузаны көргүзүп, экскурсияның баштакчызының дузазын база көргүзүп болур.
#минобразованиятыва #детскийтуризм #турмаршруты #рцрдо #детскийотдых
Тыва Республиканың найысылалы Кызыл – Улуг болгаш Биче Енисей хемнерниң каттышканы кайгамчык чараш черинде турар. Хоорай чеже-даа улуг эвес хемчээлдиг болза, ол онза солун черлер-биле бай.
Кызылдың 17, 2, 3 дугаар школаларының база кулааның дыңнаары багай уругларга школа-интернаттың уруглары кирип турар, ниитизи-биле бөлүкте 10 кижиге «Кызылда дыштанылга» деп найысылалдың онза солун черлерин көөрү-биле, допчулалдыг экскурсияны эрттирген. Экскурсияны Республиканың немелде өөредилге сайзырадыр төптүң туризм, чурт-шинчилел болгаш экология килдизиниң ажылдакчылары уругларга солун кылдыр тайылбыр-биле үдеп, оларның сонуургалын хаара туткан.
Экскурсия бөлүүнүң уруглары беш шак дургузунда Арат шөлүнге, Салчак Токаның, Тыва эки турачыларның, Ада-чурттуң Улуг дайынының киржикчилериниң, «Непокоренный», Кызыл партизаннарның, «Кызыл кош» («Красный обоз») тураскаалдарынга, а ол ышкаш Тиилелге шөлү мемориалдыг база Азия төвү скульптурлуг комплекстерге чедип, хоорайның чараш черлерин көргеннер.
Найысылалдың девискээринге экскурсияның программазынче «Цеченлинг» хүрээзинче, А.С. Пушкин аттыг Республиканың библиотеказынче, Тываның 5 чыл аттыг стадионунче, В.Көк-оол аттыг хөгжүм-шии театрынче, Улусчу чогаадылга бажыңынче, ТР-ниң Чазааның Бажыңынче база ТР-ниң Улуг Хуралынче баары кирип турар.
💬 «Уругларга чайгы дыштанылга үезинде эш-өөрү-биле чыглып алгаш, агаарлап селгүүстээрге, солун болур. Шак мындыг солун, байлак программалыг экскурсия соонда, оларга бо хүн дургузунда билип алганы хоорайының онза солун черлериниң дугайында төөгүлүг барымдааларны билип алганы сагыжынга уттундурбас болуп артып каар. Кызыл хоорайда төөгүлүг, солун черлер хөй, ынчангаш бистиң сорулгавыс – уругларга чүгле өөренип шиңгээдир эвес, а харын-даа боттарынга чаа сонуурганчыг черлерни ажыдып билип алыры болур» - деп, экскурсия баштакчызы Шончалай Донгак чугаалаан.
Тываның Өөредилге яамызы 24 турисчи элээди-уругларга маршруттарны, ооң иштинде «дыштаныр хүннүң походу» кирип турар маршруттарны ажылдап кылган дээрзин сагындыраалыңар. Турисчи маршруттарның программазынче төөгүлүг, экологтуг, шинчилел угланыышкыннар кирип турар. Ооң ачызында уруглар бодунуң төрээн чурттунуң төөгүзү-биле база ооң онза солун черлери-биле чоок таныжып алыр аргалыг.
Школачыларга турисчи маршруттар дугайында долу медээни Республиканың немелде өөредилге сайзырадыр төптүң туризм, чурт-шинчилел болгаш экология килдизиниң (ГБОУДО РТ «РЦРДО») +7(39422)2-46-87 дугаарынче долгап, билип ап болур. Төптүң ажылдакчылары консультациялыг дузаны көргүзүп, экскурсияның баштакчызының дузазын база көргүзүп болур.
#минобразованиятыва #детскийтуризм #турмаршруты #рцрдо #детскийотдых