Уругларга орук шимчээшкининиң дүрүмнериниң дугайында!
Кызылдың №4 школазының баазазында орук шимчээшкининиң дүрүмнерин өөренир өөредилге кабинединде найысылалдың школаларының өөреникчилеринге өөредиглиг кичээлдер чоруттунуп турар.
Солун кичээлдер орукка болгаш кудумчуга айыыл чок чоруктуң үндезиннеринге уругларны өөредиринге амгы үениң негелделеринге дүүштүр дериттинген кабинетте эртип турар. Кичээлдерни Региональный ресурсный центр ПДДТТ РТ специалистери уругларның сонуургалын хаара тудуп чорудуп турар.
Кичээлдерни оюн хевирлиг, шупту чугула өөредиглиг-методиктиг херекселдер-биле – светофорлар, оруктар макеттери, өөредиглиг автосимулятор, информастыг баннерлер болгаш кабинетте дерээн оон-даа өске көргүзүг материалдарын ажыглап эрттирип турар. Бичии аалчылар улуг сонуургал-биле ПДД дүрүмнерин шиңгээдип ап турар. Кичээлдер ажылдың планы езугаар февраль 13-ке чедир уламчылаар.
Школаның баазазында ПДД шиңгээдири-биле өөредиглиг кабинетти эрткен чылдың күзүн ажыткан. Ол профилактика ажылын кииреринге тергиин деткимче болган болгаш, өске хемчеглер-биле катай бичии уругларның кемдээр чоруун эвээжедир талазы-биле чугула үре-түңнелди көргүзер дээрзин сагындыраалыңар.
#минобразованиятыва #пдд #профилактика #4школа #лабораториябезопасности
Кызылдың №4 школазының баазазында орук шимчээшкининиң дүрүмнерин өөренир өөредилге кабинединде найысылалдың школаларының өөреникчилеринге өөредиглиг кичээлдер чоруттунуп турар.
Солун кичээлдер орукка болгаш кудумчуга айыыл чок чоруктуң үндезиннеринге уругларны өөредиринге амгы үениң негелделеринге дүүштүр дериттинген кабинетте эртип турар. Кичээлдерни Региональный ресурсный центр ПДДТТ РТ специалистери уругларның сонуургалын хаара тудуп чорудуп турар.
Кичээлдерни оюн хевирлиг, шупту чугула өөредиглиг-методиктиг херекселдер-биле – светофорлар, оруктар макеттери, өөредиглиг автосимулятор, информастыг баннерлер болгаш кабинетте дерээн оон-даа өске көргүзүг материалдарын ажыглап эрттирип турар. Бичии аалчылар улуг сонуургал-биле ПДД дүрүмнерин шиңгээдип ап турар. Кичээлдер ажылдың планы езугаар февраль 13-ке чедир уламчылаар.
Школаның баазазында ПДД шиңгээдири-биле өөредиглиг кабинетти эрткен чылдың күзүн ажыткан. Ол профилактика ажылын кииреринге тергиин деткимче болган болгаш, өске хемчеглер-биле катай бичии уругларның кемдээр чоруун эвээжедир талазы-биле чугула үре-түңнелди көргүзер дээрзин сагындыраалыңар.
#минобразованиятыва #пдд #профилактика #4школа #лабораториябезопасности