АНЫЯК БАШКЫ

Донгак Ангыр-Чечек Кежик-ооловна, Чөөн-Хемчик кожууннуӊ Чыраа-Бажы ортумак школазыныӊ тыва дыл, чогаал болгаш англи дыл башкызы.

«Салгал дамчаан башкы болур
Салым-чаяан менде келди…» деп үзел-бодал-биле башкылаашкын ажылын Тываныӊ күрүне университединиӊ филология салбырын чедиишкинниг доозупкаш-ла, Чыраа-Бажы ортумак ниити билиг школазынга (төрээн дыл башкызы авамныӊ өскен-төрээн суурунга) ажылдап кириптим.

«Амгы үениӊ өөреникчизи – кымыл ол?», «Мен аӊаа чүнү өөредиксеп турар мен?» дээн чергелиг айтырыгларны бодумнуӊ кичээлдеримге ыяк шиитпирлээр дээш, өөреникчилерим-биле демнежип, үениӊ шапкын сайзыралындан чыдып кагбайн, чаа-чаа арга-методтарны ажыглаарын кызыдар мен.

«Өөредир» деп өндүр мергежилимге ынак болуп, өргүн-көвей биче чаштарга төрээн тыва дылымны, даштыкы англи дылды сонуургадып өөредир мен.

Башкы мергежилимниӊ «аадаӊын» хүнден хүнче долдуруп эгелээринге белен мен.

#ирнш #минобрнаукитыва #аныякбашкы #молодыеспециалисты #образование

АНЫЯК БАШКЫ

"Эки кылган ажыл-элеп читпес алдар"- деп шак бо кайгамчык ханы уткалыг үлегер домакка даянмышаан, ажыл-ижимни эки, бедик деңнелге күүседирин даңгыраглап чоруур мен.

Тываның Күрүне университедин чедиишкинниг дооскаш, ынак чуртумнуң чараш, чаптанчыг сургуулдарын тыва дыл болгаш чогаал эртеминге өөредир салымныг болганымга өөрүүр-дур мен. Уругларның дыл, чогаал кичээлдеринге сонуургалын оттурары-биле янзы-бүрү ажылдарны, дидактиктиг материалдарны кичээл үезинде болгаш класстан дашкаар ажылдарга ажыглап турар мен. База бир демдеглексээр чүүлүм – ажы-төл эге класска орус дылдыг угланыышкынга өөренип-өөренип, ортумак класстарга келгеш, тыва дылын сонуургап, тыва классче шилчип турары өөрүнчүг болуп турар.

"Ажы-тол дээрге аас-кежик, оларны өөредири-өөрүшкү".

#ирнш #минобрнаукитыва #молодыеучителя #аныякбашкы #тыва

Оюмаа Нурсат: "Өскен-төрээн суурумга, төрээн школамга ажылдаарымга, меңээ эки-дир. Өөреникчилер-биле ажылдаарымга, солун, оларның аажы-чаңы бот-боттарынга дөмейлешпес, чаптанчыг болду. Оларга чаа билиглер чедирери - өөрүшкү. Школага ажылдааш, школаның делегейи бир өске-дир деп билдим. Ынаар шымнып кире бээрге, кижиниң көрүжү амыдырал-чуртталгаже өскерли бээр.
Башкы мергежили дээрге эң-не ажыктыг мергежил, ону кандыг-даа робот солуп шыдавас, кажан-даа херек мергежил кылдыр санаар мен"

#ирнш #минобрнаукирт #тыва #аныякбашкы #молодыеспециалисты