Найыр Монгуш: «Чаштар аразынга ажылдаары – онза делегейни шиңгээдири-биле дөмей»

Сентябрь 27-де Россияда кижизидикчи болгаш школа нызыны четпээннерниң албан черлериниң ажылдакчыларының хүнүн демдеглеп турар. Уруглар садтарында ажылдап турар улус дээрге, чаштарга ханы ынакшылдыг кижилер дээрзи чугаажок. Олар чаштарга амыдыралдың эге базымнарын айтып, делегейниң билип алыышкынынче эртем “эжиин” ажыдып турар. Сураглыг педагог-чаартыкчы, уруглар чогаалчызы Василий Сухомлинскийниң чугаалааны-биле, “... бичии уругларның езулуг кижизидикчизи апаар дизе, оларга бодунуң чүрээн бериптер херек”.

Сүт-Хөл кожууннуң Суг-Аксы суурунуң “Хүнчүгеш” уруглар садында хөгжүм башкызы Найыр Монгуш бо хүнде чаштарга ыры-хөгжүмге өөредип, сонуургалды оттуруп турар. Ол Суг-Аксы ортумак школазын дооскаш, алыс боду хөгжүмге салым-чаяанныг болгаш, Кызылдың уран чүүл училищезинче дужаап кирип алган турган. Кадыының байдалы-биле, өөредилгезин соксадыр ужурга таварышкан. Ол-ла чайын Кызылдың башкы колледжизинче дужаап кирип алгаш, 2002 чылда эге класстар башкызы деп эртемниң дипломун алган.
Башкы мергежилди чедип алгаш, күш-ажылчы оруун

Суг-Аксы ортумак школазынга ыры башкызы кылдыр ажылдай берген. Ол ышкаш 2003 чылдан эгелеп, “Хүнчүгеш” уруглар садынга база-ла ыры башкызы кылдыр дакпырлап кирип алган. А 2007 чылдан тура, школадан үнгеш, чаштар аразынга ажылдаары-биле, уруглар садынче доктаамал ажылдап кирген.

«Чаштар аразынга ажылдаары – онза делегейни шиңгээдири-биле дөмей. Чүге дизе, бичии уругларның иштики делегейи бодунуу-биле онзагай болгаш дыка бай. Оларның бодалы, чогаадыкчы чоруу бо улуг кижиге база бир чаа эртем-билигни сагындырар.

Чаштарның ажык сеткили, оларның чырып турар карактары, чайынналган хүлүмзүрүглери кижиниң сагыш-сеткилин ала-чайгаар өөртүр. Мээң кол сорулгам – өзүп орар чаштарга ыры-хөгжүм делегейинче сонуургалды оттурары болгаш өөредири» - деп,

Найыр Михайлович бодунуң амгы үеде чаптанчыг бичии уруглар аразында ажылдап чоруурун илереткен.

#ДеньВоспитателя17 #ПедагогМужчина #минобрнаукитувы #27сентября

Об интересных моментах своей профессии рассказал единственный педагог-мужчина дошкольного образования г. Кызыла - Евгений Гаранин.

Подробности в сюжете ГТРК «Тыва» ☝️☝️☝️
_________________________
#ДеньВоспитателя #27сентября

❗️Быть воспитателем означает видеть мир глазами детей

💬Ежегодно 27 сентября по всей стране отмечается День воспитателя и сотрудников всех дошкольных организаций. В преддверии этой даты мы решили посетить один из столичных детских садов и рассказать о сложном и в то же время приносящим счастье труде воспитателя.

❗️Узнать подробнее👈

#ДеньВоспитателя #27сентября #ДетскийСад #Портретник