Дыштанылга үезинде школачылар Түр када хостуг үе төптеринче барып болур

Октябрь 31-ден ноябрь 6-га чедир Тываның школачыларынга немелде өөредилге албан черлеринге, уругларның-элээдилерниң спортчу болгаш хөгжүм школаларының, хоорай-суурларның, уругларның база модельдиг библиотекаларның, культура бажыңнарының, Өг-бүле болгаш уругларга социал дуза төптериниң база оон-даа өске албан черлериниң баазазында Түр када хостуг үе төптери ажылдап турар.

Түр када хостуг үе төптеринче 7-17 хар назылыг школачылар барып болур. Төптерге уругларның сонуургалдарының аайы-биле чаңгыс үе назылыгларга база аңгы-аңгы назылыгларга ажыл-чорудулганы организастап турар. Оларның угланыышкынын барымдаалап, назы четпээннерниң угаан болгаш чогаадыкчы сайзыралын, ниитилелде янзы-бүрү социал хүлээлгелерни күүседиринге белен болурун тургузар, мергежилдиң уг-шиин билир, кадыкшылын быжыглаар сорулгалыг чорудуп турар.

Муниципалдыг тургузугларга күскү дыштанылгалар үезинде дараазында угланыышкыннарны өөренип көрүп тургаш организастаан:
- спортчу-кадыкшыдылга;
- турисчи;
- экологтуг-биологтуг;
- чогаадыкчы;
- төөгү-патриотчу;
- техниктиг;
- чурт-шинчилел;
- күш-ажыл болгаш оон-даа өске.

Түр када хостуг үе төптериниң хевири – хүндүскү үеде турар, долу эвес ажыл хүнү (хүнде 4 шакка чедир), 5 ажыл хүнүнден эвээш эвес.

Өөредилге шугумунуң талазы-биле уругларның хостуг үезин муниципалдыг тургузугларның немелде өөредилге албан черлеринге организастаан турар.

Түр када хостуг үе төптеринче күзелдиглерни бижидерде, чурттап турар чериниң аайы-биле республиканың муниципалдыг тургузугларда Өөредилге эргелелдеринче, чоннуң культура болгаш социал камгалал черлеринге барып болур.

#Мывместе #Ураканикулы #Осенниеканикулы_2022 #Минобразованиятыва

🤗 Кызыл кожууннуң Каа-Хем суурда «Эврика» немелде өөредилге төвүнде чаштарның түр када дыштаныр лагерин ажыткан. Күскү каникулдарда ажы-төл мага хандыр хөглүг дыштанып турарлар. Допчузу-биле КТРК «Тыва»-ның сюжединде ⬆️

#минобразованиятыва #смионас #эврика #ураканикулы #осенниеканикулы

💥 Во время осенних каникул на базе учреждений дополнительного образования, детско-юношеских спортивных и музыкальных школ, сельских, городских, детских и модельных библиотек, домов культуры функционировали временные досуговые центры (ВДЦ). Коротке в обзоре новостей ГТРК "Тыва" ⬆️

#Мывместе #Ураканикулы #Осенниеканикулы_2022 #Минобразованиятыва #смионас

💥Күскү дыштанылга үезинде республиканың шупту булуңнарынга түр үеде уруглар дыштаныр төптер ажылдап турган. Сүт-Хөл кожууннуң Алдан-Маадыр сумузунуң "Самбажык" Культура бажыңынга "Юность" аттыг Түр када дыштанылга төвү ажылын дооскан. 20 хире уруг ойнап, хөглеп, дыштанып алган. Допчузу-биле ГТРК "Тыва" телеканалдың сюжединде ⬆️

#Мывместе #Ураканикулы #Осенниеканикулы_2022 #Минобразованиятыва #смионас