Тес-Хем кожуунче ажылчын үнүүшкүн
Регионнуң Өөредилге яамызының сайыды Ирина Биче-оолдуң удуртулгазы-биле ажылчын бөлүк, составында ниити билиг, кижизидилге, харагалзал болгаш ажаалда-тежээлде база ортумак профөөредилге адырларының айтырыгларын удуртуп турар сайыттың оралакчылары, Тес-Хем кожуунче үнүүшкүннү кылган. Ол ышкаш Тываның өөредилге хөгжүдер институттуң база Билиг шынарын үнелээр институттуң ажылдакчылары база методиктиг болгаш консультация дузазын көргүзер сорулгалыг четкен.
Тес-Хем кожуунче үнүүшкүннүң чугула хүн айтырыынга өөредилге, мөзү-шынар-сагыш-сеткилдиң кижизидилгези болгаш ада-ие ниитилели-биле ажыл, кожууннуң билиг шынарын үнелээр, башкыларның мергежилин бедидер айтырыглар, методиктиг албанның ажылы, өөредилге чорудуунуң айыыл чок чоруунуң талазы-биле ажылдарны организастаар, уругларның өөредилге албан черлеринде турары база амыдыралдың берге байдалынга таваржы берген уруглар-биле ажыл кирип турар.
Өөредилге албан черлериниң удуртукчулары-биле ужуражылгага Ирина Николаевна кол кичээнгейни өөредилгениң шупту деңнелинде өөредилге биле кижизидилге чорудуунче дорту-биле салдар чедирип турар өг-бүледе, уруглар садында, школада база башкы коллективте байдалче колдадыр дээрзин онзалаан.
Демдеглеп каар чүүл – Тес-Хем кожууннуң 9 школазында 1811 уруг өөренип база 9 уруглар садынче 717 чаш уруг барып турар. Оон аңгыда, кожуунда өскүс болгаш ада-иезиниң азыралы чок арткан уругларның категориязынга хамааржыр 92 уруг бар. Өскүс уругларга хандырылга талазы-биле, а оларның саны 118 кижи, сөөлгү 9 чыл дургузунда кожуунда 102 чуртталга оран-савазы туттунган. Ол ышкаш бо чылын 4 бажыңны дужаарынга белеткеп турар.
Кожууннуң өөредилге инфраструктуразы «Өөредилге» национал төлевилелдиң иштинде сайзырап турар. А «Школа системазының өөредилге чаартылгазы» деп төлевилелдиң боттандырылгазының түңнелинде, Самагалдайның № 2 школазын долузу-биле чаарткан база 2023 чылда Чыргаланды биле О-Шынаа школаларын септээр.
#минобразованиятыва #развитиеобразованиятыва
Регионнуң Өөредилге яамызының сайыды Ирина Биче-оолдуң удуртулгазы-биле ажылчын бөлүк, составында ниити билиг, кижизидилге, харагалзал болгаш ажаалда-тежээлде база ортумак профөөредилге адырларының айтырыгларын удуртуп турар сайыттың оралакчылары, Тес-Хем кожуунче үнүүшкүннү кылган. Ол ышкаш Тываның өөредилге хөгжүдер институттуң база Билиг шынарын үнелээр институттуң ажылдакчылары база методиктиг болгаш консультация дузазын көргүзер сорулгалыг четкен.
Тес-Хем кожуунче үнүүшкүннүң чугула хүн айтырыынга өөредилге, мөзү-шынар-сагыш-сеткилдиң кижизидилгези болгаш ада-ие ниитилели-биле ажыл, кожууннуң билиг шынарын үнелээр, башкыларның мергежилин бедидер айтырыглар, методиктиг албанның ажылы, өөредилге чорудуунуң айыыл чок чоруунуң талазы-биле ажылдарны организастаар, уругларның өөредилге албан черлеринде турары база амыдыралдың берге байдалынга таваржы берген уруглар-биле ажыл кирип турар.
Өөредилге албан черлериниң удуртукчулары-биле ужуражылгага Ирина Николаевна кол кичээнгейни өөредилгениң шупту деңнелинде өөредилге биле кижизидилге чорудуунче дорту-биле салдар чедирип турар өг-бүледе, уруглар садында, школада база башкы коллективте байдалче колдадыр дээрзин онзалаан.
Демдеглеп каар чүүл – Тес-Хем кожууннуң 9 школазында 1811 уруг өөренип база 9 уруглар садынче 717 чаш уруг барып турар. Оон аңгыда, кожуунда өскүс болгаш ада-иезиниң азыралы чок арткан уругларның категориязынга хамааржыр 92 уруг бар. Өскүс уругларга хандырылга талазы-биле, а оларның саны 118 кижи, сөөлгү 9 чыл дургузунда кожуунда 102 чуртталга оран-савазы туттунган. Ол ышкаш бо чылын 4 бажыңны дужаарынга белеткеп турар.
Кожууннуң өөредилге инфраструктуразы «Өөредилге» национал төлевилелдиң иштинде сайзырап турар. А «Школа системазының өөредилге чаартылгазы» деп төлевилелдиң боттандырылгазының түңнелинде, Самагалдайның № 2 школазын долузу-биле чаарткан база 2023 чылда Чыргаланды биле О-Шынаа школаларын септээр.
#минобразованиятыва #развитиеобразованиятыва