Кызылдың 8 дугаар школазының психолог башкызы чурттуң тергиин үш тиилекчизиниң аразынче кирген!
Москвага «Россияның педагог-психологу-2022» Бүгү российжи профессионал мергежил конкурузунуң тиилекчилерин болгаш призерларын чарлаан.
Ат-алдырлыг конкурстуң призерларының санынче Кызылдың №8 школазының педагог-психологу Айдаш Наваждай Тываны төлээлеп, кирген. Суперфиналдың конкурс шенелделериниң түңнелдери-биле бистиң башкывыс Воронежтен тиилекчи болган Олеся Поповага база Ленинград облазындан ийиги черни алган Татьяна Борисовага чайлап бергеш, 3-кү черни ээлээн.
💬 «Дыка эки дуржулганы алдым. Киржикчи бүрүзү, регион бүрүзү - шупту эң ховар. Дыка хөй мастер-класстарны көрүп, бодумга хөйнү шиңгээдип алдым. Бодумнуң ажылымга хөйнү киирип ажыглаарын планнап тур мен. Ол ышкаш киржикчилерге конкурстан дашкаар лекциялар база турган. Олар база канчаар ажылдаарын, канчаар психологтуг дузаның системазын тургузарын дээш, оон-даа өске билиишкинни берген. Мээң санап турарым-биле, ук мөөрей меңээ база профессионалдыг өзүлдеге дыка ажыктыг болган» - деп, бодунуң чедиишкини-биле Айдаш Владимирович үлешкен.
«Россияның педагог-психологу» деп конкурс мергежил деңнелин бедидер болгаш педагог-психологтарның чогаадыкчы күчүзүн сайзырадыр, российжи өөредилге системазынга психологтуг дузаның салдар-хамаарылгазын бедидер сорулгалыг эрттирип турар дээрзин сагындыраалыңар. Бо чылын конкурска бүдүн чурттуң 75 педагог-психологу киришкен.
#минобразованиятыва #педагогипсихологи #педагогпсихологроссии #сайзырал #конкурспрофмастерства #3место
Москвага «Россияның педагог-психологу-2022» Бүгү российжи профессионал мергежил конкурузунуң тиилекчилерин болгаш призерларын чарлаан.
Ат-алдырлыг конкурстуң призерларының санынче Кызылдың №8 школазының педагог-психологу Айдаш Наваждай Тываны төлээлеп, кирген. Суперфиналдың конкурс шенелделериниң түңнелдери-биле бистиң башкывыс Воронежтен тиилекчи болган Олеся Поповага база Ленинград облазындан ийиги черни алган Татьяна Борисовага чайлап бергеш, 3-кү черни ээлээн.
💬 «Дыка эки дуржулганы алдым. Киржикчи бүрүзү, регион бүрүзү - шупту эң ховар. Дыка хөй мастер-класстарны көрүп, бодумга хөйнү шиңгээдип алдым. Бодумнуң ажылымга хөйнү киирип ажыглаарын планнап тур мен. Ол ышкаш киржикчилерге конкурстан дашкаар лекциялар база турган. Олар база канчаар ажылдаарын, канчаар психологтуг дузаның системазын тургузарын дээш, оон-даа өске билиишкинни берген. Мээң санап турарым-биле, ук мөөрей меңээ база профессионалдыг өзүлдеге дыка ажыктыг болган» - деп, бодунуң чедиишкини-биле Айдаш Владимирович үлешкен.
«Россияның педагог-психологу» деп конкурс мергежил деңнелин бедидер болгаш педагог-психологтарның чогаадыкчы күчүзүн сайзырадыр, российжи өөредилге системазынга психологтуг дузаның салдар-хамаарылгазын бедидер сорулгалыг эрттирип турар дээрзин сагындыраалыңар. Бо чылын конкурска бүдүн чурттуң 75 педагог-психологу киришкен.
#минобразованиятыва #педагогипсихологи #педагогпсихологроссии #сайзырал #конкурспрофмастерства #3место