Күш-ажыл семестри кидин түлүк
Чайгы дыштанылга үезинде Тываның техникумнары болгаш колледжтериниң студентилери чүгле дыштаныр эвес, а студент отрядтарның ажылынче хаара туттунуп турар. Олар боттарының билиин практика кырынга ажыглап, ниитилелдиң чаагай чоруу дээш ажылдаарлар. Ол дээрге, студентилерге чүгле немелде дуржулга болгаш арга-мергежил алыр арга эвес, а харын-даа чурттуң хөгжүлдези дээш бодунуң үлүүн киирери болур.
Бо хүнде ортумак профессионал өөредилге албан черлеринден 105 кижи ажылдап турар. Оларның 99-у тудуг база капитал септелге объектилеринде боттарының арга-мергежилин экижидип турар. Бо чылын республикада 11 чаа школа туттунуп база 13 школада капитал септелге чоруттунуп турар. Ажылдарда колдуунда Тываның тудуг техникумунуң тудуг талазындан студентилер хаара туттунган.
Оон аңгыда, Тываның тудуг техникумунуң 3 студентизи Иркутск облазында «Сила Сибири» деп Россияның магистралдыг газ дамчыдылгазының тудуг ажылдарында «Российские студенческие отряды» Тываның регионалдыг салбырының бүгү российжи аныяктарының хөй-ниити организациязының «Золотые руки» студентилерниң тудуг отрядының тургузуунда киржип турар.
А Петропавловск-Камчатскиде балык болбаазырадыр ажылче Тываның тудуг техникумунуң ийи студентизи болгаш Тываның көдээ ажыл-агый техникумунуң бир студентизин чоруткан.
Студентилерниң кураторларының демдеглеп турары-биле, студент күш-ажыл отрядтары угаан-медерел, харыысалгага болгаш студентилер аразында коллективчи соруктуң сайзыралынга дузалыг. Ол ышкаш чаа эш-өөр тып, найыралчы харылзаалар тудуп алырынга, арга-дуржулга солчурунга база команда-биле ажылдап өөрениринге тергиин арга. Шак ындыг төлевилелдерге киржирге, студентилер идепкейлиг хамаатылар, лидерлер болурунга ажыктыг, ниитилелге эки өскерлиишкиннерни кииреринге белен болур.
Тываның күрүне университединиң баазазында «Российские студенческие отряды» Тываның регионалдыг салбырының бүгү российжи аныяктарының хөй-ниити организациязының ажыл-чорудулгазы чоруттунуп турар. Ында республиканың ортумак профессионал өөредилге албан черлеринден база дээди өөредилге черинден 300 хире студент бүрүткеттинген дээрзин сагындыраалыңар. Система таварыштыр уруглар дыштанылга үезинде аңгы-аңгы угланыышкыннар аайы-биле, сервис, көдээ ажыл-агый, башкы, тудуг дээш, ажылдарже кирип ап турар.
#минобразованиятыва #студенческиеотряды #трудовойсеместр #спо_рт #рсо
Чайгы дыштанылга үезинде Тываның техникумнары болгаш колледжтериниң студентилери чүгле дыштаныр эвес, а студент отрядтарның ажылынче хаара туттунуп турар. Олар боттарының билиин практика кырынга ажыглап, ниитилелдиң чаагай чоруу дээш ажылдаарлар. Ол дээрге, студентилерге чүгле немелде дуржулга болгаш арга-мергежил алыр арга эвес, а харын-даа чурттуң хөгжүлдези дээш бодунуң үлүүн киирери болур.
Бо хүнде ортумак профессионал өөредилге албан черлеринден 105 кижи ажылдап турар. Оларның 99-у тудуг база капитал септелге объектилеринде боттарының арга-мергежилин экижидип турар. Бо чылын республикада 11 чаа школа туттунуп база 13 школада капитал септелге чоруттунуп турар. Ажылдарда колдуунда Тываның тудуг техникумунуң тудуг талазындан студентилер хаара туттунган.
Оон аңгыда, Тываның тудуг техникумунуң 3 студентизи Иркутск облазында «Сила Сибири» деп Россияның магистралдыг газ дамчыдылгазының тудуг ажылдарында «Российские студенческие отряды» Тываның регионалдыг салбырының бүгү российжи аныяктарының хөй-ниити организациязының «Золотые руки» студентилерниң тудуг отрядының тургузуунда киржип турар.
А Петропавловск-Камчатскиде балык болбаазырадыр ажылче Тываның тудуг техникумунуң ийи студентизи болгаш Тываның көдээ ажыл-агый техникумунуң бир студентизин чоруткан.
Студентилерниң кураторларының демдеглеп турары-биле, студент күш-ажыл отрядтары угаан-медерел, харыысалгага болгаш студентилер аразында коллективчи соруктуң сайзыралынга дузалыг. Ол ышкаш чаа эш-өөр тып, найыралчы харылзаалар тудуп алырынга, арга-дуржулга солчурунга база команда-биле ажылдап өөрениринге тергиин арга. Шак ындыг төлевилелдерге киржирге, студентилер идепкейлиг хамаатылар, лидерлер болурунга ажыктыг, ниитилелге эки өскерлиишкиннерни кииреринге белен болур.
Тываның күрүне университединиң баазазында «Российские студенческие отряды» Тываның регионалдыг салбырының бүгү российжи аныяктарының хөй-ниити организациязының ажыл-чорудулгазы чоруттунуп турар. Ында республиканың ортумак профессионал өөредилге албан черлеринден база дээди өөредилге черинден 300 хире студент бүрүткеттинген дээрзин сагындыраалыңар. Система таварыштыр уруглар дыштанылга үезинде аңгы-аңгы угланыышкыннар аайы-биле, сервис, көдээ ажыл-агый, башкы, тудуг дээш, ажылдарже кирип ап турар.
#минобразованиятыва #студенческиеотряды #трудовойсеместр #спо_рт #рсо