ОРТУМАК ПРОФЕССИОНАЛ ӨӨРЕДИЛГЕ ЧЕРЛЕРИНДЕ «ТЫВА ДЫЛ» КИЧЭЭЛДЕРИ ЭГЕЛЭЭН
Чаа 2021-2022 өөредилге чылында Республиканың ортумак профессионал өөредилге черлеринде «Тыва дыл» кичээлдери эгелээн. «Төрээн (тыва) дыл» деп кичээлге «Тыва дыл болгаш харылзаалыг чугаа сайзырадылгазы» деп чижек программаның боттандырылгазы дараазында өөредилге черлеринде чоруттунуп эгелей берген: «Ак-Довурактың даг техникуму», «Тываның ус-шеверлер техникуму», «Тываның политехниктиг техникуму».
Ук өөредилге черлеринде төрээн (тыва) дыл кичээлдерин 9-ку классты дооскаш, дужаап кирип алган сургуулдар төрээн дылының байлаан шиңгээдип ап, ону камнап, байыдып, сайзырадып, чонунуң аразынга бокталдырбайн арыг эдилеп, аас болгаш бижимел чугаазынга, албан-херек документилерин шын тургузуп билир болгаш аңаа чоргаарланып чоруур сеткилди оттурар кылдыр өөренир.
Ортумак профессионал өөредилге черлеринге «Тыва дыл болгаш харылзаалыг чугаа сайзырадылгазы» деп чижек программаны Тыва Республиканың ниити өөредилгезиниң федералдыг күрүне стандарттарынга дүүштүр «Национал школа хөгжүдер институттуң» ажылдакчылары дээди категорияның тыва дыл, чогаал башкызы, улуг методист Чечек Алдын-ооловна Сарыглар, филология эртеминиң кандидады, улуг эртем ажылдакчызы Алимаа Хензиг-ооловна Херел тургускан.
Программада кирген блок темалар ийи кезектен тургустунган. Бирги кезээнде теория талазы-биле ханыладып системажыдар билиглерни тодараткан, а ийиги кезээнде практиктиг мергежилдер, чаңчылдар кирип турар.
Чогаадыкчы бижимел ажылдардан аңгыда, номчаан чүүлдеринге, көрген шиилеринге, теледамчыдылгаларынга үнелелдер бээринге чаңчыктырар, дискуссия болгаш диспуттар үезинде бодунуң бодалдарын боттуг барымдааларга үндезилеп, бадыткап билиринге өөредир. Чугаа культуразынга хамаарышкан айтырыгларны катаптап тура, үннерни болгаш сөстерни шын адаарын чедип алыр, чугаазынга диалектизмнер, жаргонизмнер, кара чугаа сөстерин ажыглавазынга өөредир.
Неделя санында тыва дыл кичээлдерин (1 шак) Ак-Довурактың даг техникумунда 75 сургуул – башкызы Олчат-оол Сайлык Борисовна, Тываның ус-шеверлер техникумунда 40 сургуул – башкызы Шожунчап Байлак Хомушкуевна, Тываның политехниктиг техникумуда 232 сургуул– башкызы Куулар Рада Сагаановна өөренип турар.
#ирнш #минобрнаукитыва #тывадыл #тывадыл_спо
Чаа 2021-2022 өөредилге чылында Республиканың ортумак профессионал өөредилге черлеринде «Тыва дыл» кичээлдери эгелээн. «Төрээн (тыва) дыл» деп кичээлге «Тыва дыл болгаш харылзаалыг чугаа сайзырадылгазы» деп чижек программаның боттандырылгазы дараазында өөредилге черлеринде чоруттунуп эгелей берген: «Ак-Довурактың даг техникуму», «Тываның ус-шеверлер техникуму», «Тываның политехниктиг техникуму».
Ук өөредилге черлеринде төрээн (тыва) дыл кичээлдерин 9-ку классты дооскаш, дужаап кирип алган сургуулдар төрээн дылының байлаан шиңгээдип ап, ону камнап, байыдып, сайзырадып, чонунуң аразынга бокталдырбайн арыг эдилеп, аас болгаш бижимел чугаазынга, албан-херек документилерин шын тургузуп билир болгаш аңаа чоргаарланып чоруур сеткилди оттурар кылдыр өөренир.
Ортумак профессионал өөредилге черлеринге «Тыва дыл болгаш харылзаалыг чугаа сайзырадылгазы» деп чижек программаны Тыва Республиканың ниити өөредилгезиниң федералдыг күрүне стандарттарынга дүүштүр «Национал школа хөгжүдер институттуң» ажылдакчылары дээди категорияның тыва дыл, чогаал башкызы, улуг методист Чечек Алдын-ооловна Сарыглар, филология эртеминиң кандидады, улуг эртем ажылдакчызы Алимаа Хензиг-ооловна Херел тургускан.
Программада кирген блок темалар ийи кезектен тургустунган. Бирги кезээнде теория талазы-биле ханыладып системажыдар билиглерни тодараткан, а ийиги кезээнде практиктиг мергежилдер, чаңчылдар кирип турар.
Чогаадыкчы бижимел ажылдардан аңгыда, номчаан чүүлдеринге, көрген шиилеринге, теледамчыдылгаларынга үнелелдер бээринге чаңчыктырар, дискуссия болгаш диспуттар үезинде бодунуң бодалдарын боттуг барымдааларга үндезилеп, бадыткап билиринге өөредир. Чугаа культуразынга хамаарышкан айтырыгларны катаптап тура, үннерни болгаш сөстерни шын адаарын чедип алыр, чугаазынга диалектизмнер, жаргонизмнер, кара чугаа сөстерин ажыглавазынга өөредир.
Неделя санында тыва дыл кичээлдерин (1 шак) Ак-Довурактың даг техникумунда 75 сургуул – башкызы Олчат-оол Сайлык Борисовна, Тываның ус-шеверлер техникумунда 40 сургуул – башкызы Шожунчап Байлак Хомушкуевна, Тываның политехниктиг техникумуда 232 сургуул– башкызы Куулар Рада Сагаановна өөренип турар.
#ирнш #минобрнаукитыва #тывадыл #тывадыл_спо