Барыын-Хемчик кожуунда уруглар азырап алган өг-бүлелер спартакиадазы болуп эрткен
Барыын-Хемчик кожууннуң Барлык суурнуң Шык деп черинге Уруглар камгалалының хүнүнге тураскааткан харагалзал болгаш ажаалда-тежээлде килдизи Төлээлекчилер хуралы-биле кады уруглар азырап алган өг-бүлелерге “хөглүг старттар”, турисчи амыдыралдың база янзы-бүрү мөөрейлерлиг спартакиаданы организастаан.
«Кожуунда уруглар азырап алган өг-бүлелерниң ада-иелери улуг өөрүшкү-биле ук саналды деткээннер. Кожууннуң эң-не идепкейжи 8 өг-бүлези чыглып киришкен. Ук өг-бүлелерде ниитизи-биле 60 ажыг уруг кижизиттинип турар. Салдынган сорулгаларга чедип, өг-бүлелер аразында найыралды быжыктырып, кадык амыдыралды чорудуп, дыштаныр хүннү ажыктыг эрттирери-биле хемчегни организастаанывыс өөрүнчүг болган” – деп, харагалзал болгаш ажаалда-тежээлде килдизиниң төлээзи Долгар Куулар демдеглээн.
Төлээлекчилер хуралында «Единая Россия» фракциязының удуртукчузу Айлан Сарыглар уруглар азырап алган өг-бүлелерни деткиири чугула дээрзин айыткан. Ооң бодалы-биле, идепкейжи ада-иелерни деткиири эргежок чугула, уруг азырап алган ада-иениң ролюн болгаш ат-алдарын көдүреринге дузалаарын, а ол ышкаш уругларны деткип, кадык амыдыралдыг болурунче угландырар. “Төлээлекчилер хуралының депутаттары болганывыста, бис боттарывыстың талавыстан, ук өг-бүлелерни деткип, оларның төлевилелдерин, ооң иштинде кожууннуң харагалзал болгаш ажаалда-тежээлде килдизи-биле сырый кады ажылдажылганы чорудар бис” – деп демдеглээн.
Спортчу маргылдаалар доозулган соонда, ада-иелер ажы-төлү-биле кады Хемчик хемниң эриин дургаар экологтуг субботникти организастааннар. Спартакиаданың киржикчлериниң санап турары-биле алырга, кижи биле бойдустуң харылзаазы – амгы шагның онза чидиг айтырыы.
Чуруктарны интернет четкизинден алган.
#приемныесемьи #материнствоидетство #барунхемчикскийрайон
Барыын-Хемчик кожууннуң Барлык суурнуң Шык деп черинге Уруглар камгалалының хүнүнге тураскааткан харагалзал болгаш ажаалда-тежээлде килдизи Төлээлекчилер хуралы-биле кады уруглар азырап алган өг-бүлелерге “хөглүг старттар”, турисчи амыдыралдың база янзы-бүрү мөөрейлерлиг спартакиаданы организастаан.
«Кожуунда уруглар азырап алган өг-бүлелерниң ада-иелери улуг өөрүшкү-биле ук саналды деткээннер. Кожууннуң эң-не идепкейжи 8 өг-бүлези чыглып киришкен. Ук өг-бүлелерде ниитизи-биле 60 ажыг уруг кижизиттинип турар. Салдынган сорулгаларга чедип, өг-бүлелер аразында найыралды быжыктырып, кадык амыдыралды чорудуп, дыштаныр хүннү ажыктыг эрттирери-биле хемчегни организастаанывыс өөрүнчүг болган” – деп, харагалзал болгаш ажаалда-тежээлде килдизиниң төлээзи Долгар Куулар демдеглээн.
Төлээлекчилер хуралында «Единая Россия» фракциязының удуртукчузу Айлан Сарыглар уруглар азырап алган өг-бүлелерни деткиири чугула дээрзин айыткан. Ооң бодалы-биле, идепкейжи ада-иелерни деткиири эргежок чугула, уруг азырап алган ада-иениң ролюн болгаш ат-алдарын көдүреринге дузалаарын, а ол ышкаш уругларны деткип, кадык амыдыралдыг болурунче угландырар. “Төлээлекчилер хуралының депутаттары болганывыста, бис боттарывыстың талавыстан, ук өг-бүлелерни деткип, оларның төлевилелдерин, ооң иштинде кожууннуң харагалзал болгаш ажаалда-тежээлде килдизи-биле сырый кады ажылдажылганы чорудар бис” – деп демдеглээн.
Спортчу маргылдаалар доозулган соонда, ада-иелер ажы-төлү-биле кады Хемчик хемниң эриин дургаар экологтуг субботникти организастааннар. Спартакиаданың киржикчлериниң санап турары-биле алырга, кижи биле бойдустуң харылзаазы – амгы шагның онза чидиг айтырыы.
Чуруктарны интернет четкизинден алган.
#приемныесемьи #материнствоидетство #барунхемчикскийрайон