🔥 Тываны төлээлээри-биле республика школачыларының аразындан шылгараан сес ГТО-нуң хөрек демдээниң эдилекчилери Крым хоорайда «Артек» уруглар лагеринде болуп эртип турар Россия чергелиг фестивальда бараалгап чеде берген. Ол дугайында кысказы-биле КТРК «Тыва» ☝️☝️☝️

#минобразованиятыва #смионас #гтотыва #артек #мдц #фествальгто

Тываның командазы ГТО фестивалындан алдын демдектерлиг чанып келген

Крымның «Артек» бүгү делегейниң уруглар төвүнге «Күш-ажыл болгаш камгалалга белен» («Готов к труду и обороне») деп Бүгү российжи фестиваль доозулган.

Бистиң уругларывыс тергиин көргүзүглериниң түңнелдерин көргүзүп, организакчылардан төлептиг алдын демдектер болгаш тураскаалдыг шаңналдар-биле шаңнаткан. А хууда «Наклон вперед из положения стоя с прямыми ногами на гимнастической скамье» деп хевирниң зачедунга III чаданың элээди оолдар аразынга Найдан Седии 4 дугаар черни алган.

Тываны ниитизи-биле Улуг-Хем, Тес-Хем, Кызыл, Танды кожууннардан, а ол ышкаш Ак-Довурак хоорайдан 8 шыырак дээн оолдар, уруглар бараалгадып киришкен.

💬 «Бистиң команда шупту шенелделерге төлептиг киришкен. Оолдар-уруглар дайынчылар болуп, сөөлгүзүнге чедир үнелиг очколарны чыып кысканнар. Келир чылын оларның нормативтер дужаарынга белеткелиниң ажылын күштелдирип, школаларда муниципалдыг ГТО тестирование төптерин ажыдары база уруглар садтарының кижизидикчилеринге «Уругларга ГТО» деп уруглар фестивалын эрттирериниң шенелдезин планнап турар» - деп, үдеп чоруур Республиканың немелде өөредилге сайзырадыр төптүң школачы спорт килдизиниң улуг методизи Таймир Кужугет чугаалаан.

2019 чылдан эгелеп, ГТО комплекизи «Демография» национал төлевилелдиң «Спорт – амыдыралдың нормазы» («Спорт - норма жизни») деп федералдыг төлевилелдиң тургузуунуң бирээзи кылдыр кирип турар. 2023 чылда ооң сайзыралы республикада салдынган мурнакчы сорулгаларның бирээзи.

#минобразованиятыва #готовктрудуиобороне #гтотыва #школьныйспорт #спортнормажизни