❗️ С начала августа полномочия по защите прав и законных интересов детей, в том числе оставшихся без попечения родителей и нуждающихся в помощи государства переданы в региональное министерство образования. Подробно об этом в сюжете ГТРК «Тыва» ☝️☝️☝️

#минобразованиятыва #смионас #опека #попечительство #детитувы

Яамыга харагалзал болгаш ажаалда-тежээлде килдизиниң ажылын күштелдирер талазы-биле хурал болуп эрткен

Өөредилге яамызынга ада-иезиниң азыралы чок арткан уругларның дугайында күрүнениң медээ банкызын, а ол ышкаш харагалзал болгаш ажаалда-тежээлде килдизиниң специализиниң мергежил стандартызын чорудар айтырыглар талазы-биле харагалзал болгаш ажаалда-тежээлде килдизиниң организастааны чугула хурал болуп эрткен. Хуралга муниципалдыг тургузугларның чогуур салбырларының харагалзал болгаш ажаалда-тежээлде килдистериниң специалистери киришкен.

Хуралдың эң-не кол темаларының бирээзи - ада-иезиниң азыралы чок арткан уругларның дугайында күрүнениң медээ банкызын чорудар ажылды күштелдирериниң эргежок чугулазы. Шак бо механизм ада-иези чок арткан уругларга уруг азырап алыр дээн өг-бүлелерни, азыракчыларны тыварынга ажылды үре-түңнелдиг организастаарынга дузалыг, а ол ышкаш ук ажылды хайгаараары-биле көскү болгаш хыналдада кылдыр болдурар. Специалистер бо айтырыг талазы-биле янзы-бүрү талаларын медээ банкызынче медээлерни киирер үнелел барымдааларны, ооң структуразын база ажылдың чогуур херекселдерин киирбишаан, сайгарып чугаалашкан.

Ол ышкаш хуралга харагалзал болгаш ажаалда-тежээлде килдизиниң специализиниң мергежил стандартызын сайгарып көрген. Сайгарылга үезинде назы четпээн уругларның эргелерин болгаш сонуургалдарын камгалаары-биле ажылды чорудуп турар специалистерниң мергежил белеткелин база квалификациязының деңнелин эң-не бедии-биле хандырар ук стандартты тодарадыр болгаш чедир ажылдап кылыр талазы-биле саналдарны дыңнап сайгарган.

Хуралдың түңнелдери-биле харагалзал болгаш ажаалда-тежээлде килдизиниң айыттынган угланыышкыннар-биле ажыл-чорудулганы күштелдиреринче тодаргай даалгаларны берген.

Уругнуң дугайында чажыт медээже кирип болурун чүгле ада-иези чок арткан уругларның дугайында регионалдыг банкының учедунда туруп алган болгаш уругну өг-бүлезинче хүлээп алыр аргазының дугайында харагалзал болгаш ажаалда-тежээлде органының түңнел бижиин алган уругну азырап алыр деп турар кордакчылар, азыракчылар болгаш азырап алыр деп турар ада-ие ап болур дээрзин сагындыраалыңар.

Уругнуң дугайында чажыт медээлиг анкета-биле таныжылгада кордакчылар ук медээниң дугайында чарлавас деп ат салыр.

Ада-иезиниң азыралы чок арткан уругларның дугайында регионалдыг банк дараазында адресте хүлээп турар: Кызыл хоорай, Ленин кудумчузу, 39, кабинет 200, тел.: 8(39422)3-00-27.

Өскүс уругларның дугайында тургустунган медээни федералдыг медээ банкызындан   usynovite.ru көрүп болур.

#минобразованиятыва #опекатыва #попечительство #детисироты #анонсы