O‘zbekiston Respublikasi Prezidenti Shavkat Mirziyoyev Ar-Riyod shahrida o‘tkazilayotgan navbatdan tashqari arab-islom sammiti doirasida Saudiya Arabistoni energetika vaziri shahzoda Abdulaziz bin Salmon Ol Saudni qabul qildi.

Qo‘shma investitsiya loyihalarini amalga oshirish va “yashil” energetika sohasida amaliy hamkorlikni yanada kengaytirish masalalari muhokama qilindi.

Davlatimiz rahbari O‘zbekiston energetika sohasini to‘g‘ridan to‘g‘ri investitsiyalar va ilg‘or texnologiyalar asosida modernizatsiya qilishda faol ishtirok etayotgan yetakchi “ACWA Power” kompaniyasi bilan samarali hamkorlik yo‘lga qo‘yilganini alohida mamnuniyat bilan ta’kidladi.

Mamlakatimiz hududlarida shamol va quyosh elektr stansiyalarini qurish, shuningdek, “yashil” vodorod ishlab chiqarish loyihalarini tezlashtirish masalalariga alohida e’tibor qaratildi.

O‘zbekistonda mahalliylashtirish va korxonalar energiya samaradorligini oshirish jarayonlariga Saudiya Arabistoni kompaniyalari va maslahatchilarini jalb etish yuzasidan kelishuvga erishildi.

—————

Президент Республики Узбекистан Шавкат Мирзиёев в рамках участия во внеочередном арабо-исламском саммите в городе Эр-Рияде принял министра энергетики Саудовской Аравии принца Абдулазиза Бин Салмана Аль Сауда.

Были рассмотрены вопросы реализации совместных инвестиционных проектов и дальнейшего расширения практического взаимодействия в области «зеленой» энергетики.

Глава нашего государства с особым удовлетворением отметил плодотворное партнерство с ведущей компанией «ACWA Power», которая активно участвует в модернизации энергетического сектора Узбекистана на основе прямых инвестиций и передовых технологий.

Особое внимание уделено ускорению реализации проектов по строительству ветряных и солнечных электростанций в регионах нашей страны, а также по производству «зеленого» водорода.

Достигнута договоренность о привлечении саудовских компаний и консультантов в процессы повышения локализации и энергоэффективности предприятий страны.

Telegram | Facebook | Instagram | YouTube | X | Veb-sayt

Energetika xavfsizligi oyligi: Energetika vazirligida xodimlar uchun oʻquv seminari tashkil etildi

Xabar berganimizdek, Energetika vazirligi, Bosh prokuratura va boshqa mutasaddi idoralar tomonidan “Qish mavsumini betalofat oʻtkazish va isteʼmolchilarni yoqilgʻi-energiya resurslari bilan uzluksiz taʼminlash ustidan davlat nazoratini samarali tashkil etish” boʻyicha qoʻshma qaror qabul qilinib, unga koʻra, 2024-yilning noyabr oyi — “Energetika xavfsizligi oyligi” deb eʼlon qilingan.

Taʼkidlash kerakki, mazkur qaror ijrosi yuzasidan hududlar boʻylab barcha tizim korxonalari tomonidan amaliy ishlar olib borilmoqda.

Yoqilgʻi-energiya resurslaridan noqonuniy foydalanish holatlarini oldini olish, ulardan oqilona foydalanish, qish mavsumiga munosib tayyorgarlik koʻrish hamda bu borada davlat nazoratini kuchaytirish orqali qonun talablarini buzgan shaxslarga nisbatan jazoning muqarrarligi masalalari yuzasidan Energetika vazirligi va “Oʻzenergoinspeksiya” xodimlari uchun oʻquv seminari tashkil qilindi.

Seminarda oylik doirasida amalga oshirilayotgan ishlar, qilinishi lozim boʻlgan chora-tadbirlar, energiya resurslari taʼminotida korxonalar va xodimlarning burch va majburiyatlari haqida zarur tushuntirishlar berildi.

Telegram | Facebook | Instagram | YouTube | X | Veb-sayt