Gaz quvuriga avtomobil urilishi hamda qurilish jarayonidagi e’tiborsizlik sabab yuzaga kelgan nosozliklar bartaraf etildi

24-sentyabr kuni soat 21:40 da Surxondaryo viloyati, Muzrabot tumani, Darband mahallasi hududidagi diametri D-219 mm bo‘lgan gaz quvuriga haydovchi boshqaruvni yo‘qotgan avtomobilning kelib urilishi natijasida quvurdan gaz sizib chiqqan. Ushbu avariya holatini bartaraf etish maqsadida tumandagi ayrim iste’molchilar (1 915 ta xonadon)ga tabiiy gaz yetkazib berilishi vaqtincha to‘xtatilgan.

Ushbu nosozlikni bartaraf qilish uchun hududga maxsus brigada jalb etildi va avariya oqibatlari 25-sentyabr kuni soat 18:11 da to‘liq bartaraf qilinib, iste’molchilarga tabiiy gaz yetkazib berish jarayoni bosqichma-bosqich tiklandi.

Shuningdek, 25-sentyabr kuni soat taxminan 14:30 lar atrofida Toshkent viloyati, Piskent tumanining “Baxt” uchastkasi hududida qurilish ishlarini olib borayotgan ekskavator haydovchisining e’tiborsizligi oqibatida yer ostidagi yuqori bosimli D-325 mm gaz tarmog‘iga qattiq shikast yetkazilgan. Natijada quvurdan gaz sizib chiqish holati kuzatilgan. Avariyani bartaraf etish maqsadida tumandagi ayrim iste’molchilar (15 198 ta aholi xonadoni hamda 320 ta ulgurji iste’molchi)ga tabiiy gaz yetkazib berilishi vaqtincha to‘xtatilgan.

Ushbu nosozlikni bartaraf qilish uchun hududga maxsus brigada jalb etildi va avariya oqibatlari 26-sentyabr kuni soat 10:15 da to‘liq bartaraf qilinib, iste’molchilarga tabiiy gaz yetkazib berish jarayoni bosqichma-bosqich tiklandi.

Shu o‘rinda haydovchilardan avtomobilni boshqarayotganda yoki texnika vositasi bilan ishlayotganda, hushyorlikni, bir zum bo‘lsin, unutmasliklarini, mas’uliyatli hamda e’tiborli bo‘lishlarini so‘raymiz.

Avtomobil boshqarayotganda nafaqat o‘zingizning, balki boshqalarning xavfsizligi uchun ham mas’ul ekaningizni unutmang.

Telegram | Facebook | Instagram | YouTube | X | Veb-sayt

Fakt 24: “Tolimarjon IES”da investitsiya loyihasi doirasida umumiy quvvati 1065 MVtga teng bo‘lgan 3-4-sonli bug‘-gaz qurilmalari bunyod etilmoqda.

Ayni paytda 3-bug‘-gaz qurilmasining gaz-turbina va gaz-turbina generatori o‘rnatildi.

Mazkur qurilma 375,7 MVt quvvatga ega bo‘lib, Yaponiyaning “Mitsubishi Power” kompaniyasi tomonidan yetkazib berildi.

Loyihada Ispaniyaning “Intecsa Ingeniera Industrial S.A.” va Yaponiyaning “Mitsubishi Corporation” kompaniyalari qatnashyapti. Shuningdek, qurilish ishlariga Turkiyaning “Çalik Enerji” kompaniyasi mutaxassislari ham jalb qilingan.

—————

Факт 24: В рамках инвестиционного проекта на «Талимарджанской ТЭС» строятся 3-4 парогазовые установки общей мощностью 1065 МВт.

На данный момент привезены и установлены газовая турбина и газотурбинный генератор 3-й парогазовой установки.

Данное устройство мощностью 375,7 МВт поставлено японской компанией «Mitsubishi Power».

В ходе реализации проекта участвуют компании «Intecsa Ingeniera Industrial S.A.», Испания и «Mitsubishi Corporation», Япония. К строительным работам привлечены также специалисты турецкой компании «Çalik Enerji».

Telegram | Facebook | Instagram | YouTube | X | Veb-sayt

Energiya samaradorlik: Xalqaro ekspertlar bilan zamonaviy yondashuv va tajribalar almashildi

Ma’lumki, mamlakatimizda energiya resurslariga talab yildan yilga oshib borayotgani, manbalar ko‘paytirilishi bilan birga, hududlarda har bir sohada energiya samaradorlikka erishish dolzarb masala bo‘lib bormoqda. Bu borada Davlatimiz rahbari raisligida o‘tkazilgan uchrashuvda ham alohida ta‘kidlab o‘tilgan edi.

Soha mutaxassislarning malakasini oshirish va xalqaro tajribani oʻrganish maqsadida Xitoyning “Sinoma Energy” kompaniyasi vakillari, Koreya iqlim o‘zgarishi instituti, Koreya energetika agentligi, O‘zbekiston energetiklar milliy uyushmasi xalqaro ekspertlari hamda O‘zenergoinspeksiyaning barcha hududiy boshqarmalari xodimlari ishtirokida o‘quv-seminari bo‘lib o‘tdi.

Mazkur tadbirda yirik iste’molchilarda ikkilamchi issiqlikdan elektr energiya ishlab chiqarish bo‘yicha Xitoy va Koreya tajribasi, O‘zbekistondagi sanoat korxonalaridan atmosferaga chiqariladigan zararli issiqxona gazlarini utilizatsiya qilish va hosil bo‘ladigan ikkilamchi energoresurslardan samarali foydalanish yuzasidan fikr-mulohazalar almashiladi.

Shuningdek, mashg‘ulotlar davomida jahon energetikasining bugungi holati, yirik loyihalar, energoaudit hamda quyosh fotoelektr stansiyalarini o‘rnatishda kuzatilayotgan kamchiliklar va ularni bartaraf etish holatlari bo‘yicha xorij tajribasi batafsil o‘rganildi.

O‘quv-seminari yakunida ishtirokchilarga malaka oshirish o‘quv kursini tugatganlik to‘g‘risidagi maxsus sertifikatlar topshirildi. Ushbu o‘quv-kursi davomida Inspeksiya xodimlari xalqaro ekspertlar bilan zamonaviy yondashuv va tajribalar almashishi kelgusida soha rivojida xizmat qiladi.

Telegram | Facebook | Instagram | YouTube | X | Veb-sayt