#24_soatlik_navbatchilik_asosida

Noqulay ob-havo tufayli olis hududlardagi elektr tarmoqlarida yuzaga kelgan nosozliklar energetiklar tomonidan bartaraf etilmoqda

“Hududiy elektr tarmoqlari” AJ Surxondaryo filiali tomonidan hududlarda sodir boʻlayotgan nosozliklarni oʻz vaqtida taʼmirlash maqsadida 24 soatlik navbatchilik asosida ish olib borilmoqda.

Xususan, Sariosiyo tumanidagi “Toqchiyon” podstansiyasidan chiquvchi elektr uzatish tarmogʻida yuzaga kelgan nosozlik soha xodimlari tomonidan tezkor bartaraf etildi.

Shu bilan birga, Boysun tumani elektr taʼminoti korxonasi xodimlari tomonidan aholi xonadonlari va ijtimoiy soha obyektlarini sifatli hamda uzluksiz elektr energiyasi bilan taʼminlash maqsadida “Qoʻrgʻoncha” podstansiyasida yuzaga kelgan nosozlikni qisqa vaqt ichida bartaraf etish choralari koʻrildi.

Telegram | Facebook | Instagram | YouTube

Buxoro viloyatidagi 110 kVli “L-Gazli-2” elektr uzatish tarmogʻidagi nosozlik bartaraf etilib, tarmoq ishga tushirildi.

Hozirgi vaqtda “L-Gazli-1” elektr uzatish tarmogʻida taʼmirlash-tiklash ishlari olib borilmoqda.

Maʼlumot uchun, elektr energiyasi bilan ushbu tarmoqdan taʼminlanuvchi isteʼmolchilar ayni paytda zaxiradagi “Uchqir – Gazli” tarmogʻi orqali taʼminlanyapti.

Eslatib oʻtamiz, 17-fevral kuni Buxoro viloyatida yuz bergan kuchli shamol oqibatida mazkur tarmoqlar jiddiy shikastlangan boʻlib, ularni taʼmirlash-tiklash ishlari murakkab ob-havo sharoitlarida ogʻir kechmoqda.

Telegram | Facebook | Instagram | YouTube

Buxoro viloyatida kuchli shamol natijasida 2 ta yuqori kuchlanishli elektr uzatish tarmogʻida yuzaga kelgan nosozlik toʻliq bartaraf etildi

17 fevral kuni Buxoro viloyatida yuz bergan kuchli shamol oqibatida jiddiy shikastlangan 110 kV kuchlanishdagi “L-Gazli-1” va “L-Gazli-2” elektr uzatish tarmoqlari toʻliq taʼmirlanib, qayta ishga tushirildi.

Qariyb toʻrt kun davomida noqulay ob-havo sharoitlarida murakkab kechgan taʼmirlash-tiklash ishlarida “Hududiy elektr tarmoqlari” AJ hamda “O‘zbekiston milliy elektr tarmoqlari” AJning 9 ta maxsus brigada tarkibidagi 83 nafar xodimi 12 ta mashina va texnika mexanizmlari bilan faollik koʻrsatishdi. Ish 24 soatlik rejim asosida yoʻlga qoʻyildi.

Eslatib oʻtamiz, mazkur tarmoqdan elektr energiyasi oluvchi aholi isteʼmolchilari hozirgi vaqtgacha zaxiradagi “Uchqir – Gazli” tarmogʻi orqali elektr energiyasi bilan taʼminlanayotgan edi.

Telegram | Facebook | Instagram | YouTube